RSS

62. ෂීට් එකක් එලාගෙන කශ්ටියටම ආතල් එකේ එක පොකුරට යං මෙයා!

29 Apr

“හිම්හානි, ඔයා එන්න මේ ෂීට් එකට. අඹ කය්යක් ගහගෙන ගියෑකි.” වින්ධ්‍යා බස් එකේ එහා කොනේ ඉඳලා මෙහා කොනට කෑගැහුවා.

“අනේ පලයං, පලයං එතෙන්ට. නැත්නම් උඹලා ඔය විදියට අපේ ඔලුවලට උඩින් බෙරිහන්දෙන්න පටන්ගත්තම අපිට කනක් ඇහිලා යන්න නෑ.” මමත් හොට දැම්මා.

“හහ්, ඔයාලා කයිය ගහන්න පටන් ගත්තාමත් ඊට එහා, ගෑනුන්ගෙ කටවල් සද්දයි කිව්වට…”

“හපෝයි මුන්ද? හහ් ගෑනු හොඳයි… මුං බිව්වාම කියවන දේවල් ඇහුවම ඔලුව කැක්කුම හැදෙනවා මටනං. නොන් ස්ටොප් කියවිල්ලනෙ. ඕක්කොම බෙබේ කතන්දර…! “, අර Melbourne වලව්වෙ පොඩ්ඩි වගෙ පිරිමින්ට පොඩ්ඩක් කොනිත්තන්න තියෙනවනම් කිසිසේත්ම ඒ අවස්ථාව අපතේ යාමට ඉඩ නොහරින මාලිනී අක්කත් පටන් ගත්තා. හැබැයි හිත හොඳ ගෑනි බබාලා දෙන්නෙක් විතරක් හිටියට.

‘කොට අදින ඉස්කෝලෙ’ ගිල්ඩ් එකට හැම මාසෙටම මොකක් හරි සෙට් වෙනවාමයි, ඈත් පළාත්වල තියෙන සාමාජිකයන්ගෙ, ඥාතීන්ගෙ මරණ, දාන, මගුල් ගෙවල්, කොටහලු ගෙවල් යනාදී වශයෙන් එකී, නොකී, හැම දේකටම වගෙ යන්න වෙනවා. හුඟක් වෙලාවට අපි ඔය රෝසා, කෝස්ටර් වගෙ මිනි බස් එකක් කතා කරගෙන තමයි ඔය ගමන් යන්නෙ. මේ ගමන් වලින් අපේ සොහොයුරු බැම්ම නම් අලුත් උනා කියලා කියන්නම ඕනෙ. වෙනම ට්‍රිප් නොගියත් (ඇත්තටම එහෙමත් ගියා ඉඳහිට) ඔය හැම ගමනක්ම ට්‍රිප් එකක් කරගන්න අපි දැනගෙන හිටියා. සමහරවිට මල ගෙදරක යනවා නම් බස් එක ඉස්සරහ දාන, ඉස්කෝලෙ නම තියෙන බැනර්, කොඩි වගේ දේවල් එල්ලනෙ ගමනාන්තයට හොඳටම ලං වුනාම. මොකද සුදු කොඩි දාගෙන සින්දු කියකියා යන ගුරු මන්ඩලයක් දකින කෙනෙක් ඇති කරගන්නෙ නොපහන් හැඟීමක් නිසා. ඒ වගෙම කොළඹ ඉඳන් අනුරාධපුරේට නැතිනම් මාතලේට යනකල්ම බිල්ලොවගෙ දුක් මූණ දාගෙන යන්නත් බෑනෙ. ඉතින් අපි මධ්‍යම ප්‍රතිපදාවෙන් සින්දු කිව්වා. ඊට වඩා 18+ කතා කිව්වා. ආපහු එක ගමනෙදි පස්ස සීට් එකට වෙලා අනුමත වෙනවෙලාවලුත් තිබ්බා.

ඊට පස්සෙ මළ ගෙදරට ඈතුල්වෙන්න බස් එකෙන් බහිනකොට ගැලපෙන මූණ ඇඳගන්නවා හරියටම අර ලංකාවෙදි ඉංග්‍රීසි සාහිත්‍යයට ඉගෙනගත්ත/උගන්නපු Eleanor Rigby සින්දුවෙ කියලා තිබ්බ විදියට, “Waits at the window, wearing the face that she keeps in a jar by the door…”

මගදි බස් එක නැවැත්තුවා තේ බොන්න. කවුරුත් බැස්සෙ හරිම කැමැත්තෙන්. උදේට කන්න, තේ බොන්න විතරක් නෙවෙයි, බරවල් සැහැල්ලු කරගන්නත් එක්ක. ගෑණු කශ්ටිය ගැන්සි පිටින් යනවා ටොයිලට් හොයාගෙන.

මාලිනී අක්කගෙ මූණ යන්න ඉස්සෙල්ලම ඇඹුල් වෙලා.

“මහ ජරාවල් බං මේ ටොයිලට් නම්… අර බොක්ක පුපුරන්න එන නිසා යනවා මිසක්…!!!”

ඒ මදිවට එක ටොයිලට් එකයි තියෙන්නෙත්. සමහරු බනිනවා ඩ්‍රයිවර්ටත් බස් එක නවත්තපු තැනට.

“ඒයි ඉක්මනට ගිහිල්ල වරෙල්ලකො, මේ අපිටත් යන්න ඕනෙ @#ජ බරට %$ජ බිලිං ගෙඩියවගෙ බං!”, ඒ මම.

“නොදකිං!” කියපු මාලිනී අක්කා සාරියත් පැත්තකින් උස්සාගෙන ටොයිලට් එක පැත්තට පල්ලං බැස්සා.

කොහොම කොහොම හරි හැමෝම ඩවුන්ලෝඩ් කරගෙන, ඊට පස්සෙ අප්ලෝඩුත් කරගෙන යන්න පිටත් වෙන අතරේ අපි කැහි කූරත් අදින්න වග බලා ගත්තා. (ඒ කාලෙ සිගරට් බොන්න තහනම් නෑ)

“ඒයි අපි ෂීට් මාරු කරමුද?” ගිම්හානි ඇහුවා ඔලුවට උඩින් සාරි පොටක් අල්ලගෙන.

“ඒ මොකද?”

“ඒ පැත්තට අව්වයි අය්යෝ. ඔයාලගෙ නම් කලු වෙන්න දෙයක් නෑනෙ.”

” හුහ්, @#$……………………………………..%$#!!!” කලු වීම ගැන ආනන්දයා දුන්න උත්තරේට කාටත් හිනා.

“ගිම්හානි,” ඔන්න මාතුල නිදා හිටිය ඉංග්‍රීසි ගුරුවරයා අවදිවුනා.

ඔන්න ඒකි බැලුවා.

“ෂීට් මාරුකරමු කිව්වෙ කොහෙද? ඇඳේද?” මං කිව්වම වින්ධ්‍යාත් කට ඇරගෙන මා දිහා බැලුවා.

“මොකක්?” අර පිරිමින් දවා අලු කරන බැල්ම මාදිහාට එල්ල වුනා.

“ඒ මොකද බං, මේ හදිස්සියෙ…?” ගමයා කාඩ හිනාවක් එක්ක කිව්වා.

“මේ මොනව කියනවද මුං? මං කිව්වෙ බස් එකේ මෝඩයො.” ගිම්හානිට චේන් පැනගෙන එන්නෙ.

“බස් එකේ තියෙන්නෙ මෝඩයො වානේ ෂීට්. ඒ කියන්නෙ තහඩු . ඒවා මාරු කරන්නෙ ටිංකර් බාස්ලා. ඉඳගන්න නම් තියෙන්නෙ සීට් (seat), ෂීට් (sheet)නෙවෙයි.”

“අහ්හා, සොරි ඈ, හෙන්රි අය්යගෙ ඉංග්‍රීසි පාඩම…! එතකොට ෂීට් කියන එක වැරදියි නේ, කටට හුරුවෙලානෙ අනේ.”

“ඔවු බං. ෂීට් කියන්නෙ පැතලි දෙයක්නෙ. හාෆ් ෂීට්, A4 ෂීට්, වහලෙට දාන රූ‍ෆිං ෂීට්, ඇඳට දාන බෙඩ් ෂීට්…යනාදී වශයෙන්. බස් එකෙත් සීට් ගැලෙව්වොත් ෂීට් එකක් එලාගෙන කශ්ටියටම ආතල් එකේ එක පොකුරට යන්න පුලුවන්. නමුත් දැනට සීට් වල ඉඳගෙන තමයි යන්න වෙන්නෙ.”

“ටිං ටිං ටිං. ඉංග්‍රීසි පීරියඩ් එක ඉවරයි. දැන් නැගපල්ලා යන්න. පරක්කු වෙනවා.” ගමයා කිව්වා.

 

ටැග: , , , ,

52 responses to “62. ෂීට් එකක් එලාගෙන කශ්ටියටම ආතල් එකේ එක පොකුරට යං මෙයා!

  1. වින්චැට් කිරිල්ලී.

    අප්‍රේල් 29, 2012 at 11:59 ප.ව.

    ඔය සීට් කියන වචනෙ කියන්නම බැහැනෙ මටත් කියවෙන්නෙම ෂීට් කියල..හිකිස්..!

     
  2. Weni

    අප්‍රේල් 30, 2012 at 12:00 පෙ.ව.

    සීට් , ශීට් සහ ශිට්…

     
  3. abeetha

    අප්‍රේල් 30, 2012 at 12:45 පෙ.ව.

    මට ඉංග්‍රීසි කතා කරද්දි සීට් කියවෙනවා…. සිංහලෙන් කිව්වොත් ශීට් තමයි….

     
    • henryblogwalker

      මැයි 2, 2012 at 11:39 පෙ.ව.

      අභීතයගෙ ඩිෆෝල්ඩ් සෙටින්ග් වල අප්සෙට් එකක්ද දන්නෙ නෑ. බලපංTools ගිහින් Options සිලෙක්ට් කරලා….. එක්කො ඕනෙ නෑ.😀

       
  4. විසිතුරු | visituru

    අප්‍රේල් 30, 2012 at 12:46 පෙ.ව.

    // “ෂීට් මාරුකරමු කිව්වෙ කොහෙද? ඇඳේද?” //

    හෙහ් හෙහ්! පාඩමට නියම ප්‍රවේශයක්!

     
  5. praveena

    අප්‍රේල් 30, 2012 at 5:13 පෙ.ව.

    //අර Melbourne වලව්වෙ පොඩ්ඩි වගෙ පිරිමින්ට පොඩ්ඩක් කොනිත්තන්න තියෙනවනම් කිසිසේත්ම ඒ අවස්ථාව අපතේ යාමට ඉඩ නොහරින //

    පිරිමින්ටත් ඉතින් මොකක් හරි කොනකට පොඩ්ඩි අල්ලගන්නේ නැතුව බෑ නේද? :D:D:D

     
  6. ඉඳුනිල්

    අප්‍රේල් 30, 2012 at 7:08 පෙ.ව.

    Please take a seat.
    Please take a sheet.
    Please take a shit.

     
  7. Observer

    අප්‍රේල් 30, 2012 at 8:32 පෙ.ව.

    Shit…..

     
  8. DISA

    අප්‍රේල් 30, 2012 at 9:07 පෙ.ව.

    X – from Hilton… to W friggin’ TC🙂 hehehe
    Y- yeah .. aren’t we miss that place … specially bird watching in 3rd floor…
    Z==, you don’t have a clue about “bird watching”… supposed to be one of the most favorite sport’s in WTC

    —————————————————————————————————————————
    you looks beautiful
    —————————————————————————————————————————
    මේ මා නිතර මුහුණු පොතේ දකින මගේ මිතුරන් ලියු වැරදි යැයි මට හිතෙන වාක්ය. මෙයින් එකෙක් එන්ගලන්තෙ අවුරුදුගානක් ඉගෙනගෙන ආපු එකෙක්. තව යාලුවෙක් ඉන්නව මිනිහ කෝට් එක ඇඳල ෆොටෝ ගන්ඩ ආසයි. නමුත් ඉඳගන්නකොට බොත්තම ගලවන්ඩ දන්නෙ නැහැ. හැම ෆොටෝ එකේම බඩ මැද්දෙන් බැඳපු රිලවවගේ ඉන්නෙ. අපි කවුරුත් ඔය අයට වැරදි හදාගන්න කියල කියන්නැත්තෙ උන්ගෙ තියන අලි ඔලුව නිසා මයි.

     
    • henryblogwalker

      මැයි 2, 2012 at 11:49 පෙ.ව.

      මරු කලෙක්ෂන් එක දිසා. පුදුම වෙන්න දෙයක් නෑ. සමහරු ඉන්නවා අවුරුදු ගනන් ඉංග්‍රීසි මග ඇරලා.
      “හැම ෆොටෝ එකේම බඩ මැද්දෙන් බැඳපු රිලවවගේ ඉන්නෙ” නියම උදාහරණෙ!😀

       
  9. Gaminie

    අප්‍රේල් 30, 2012 at 9:59 පෙ.ව.

    මේ වගෙ ගමන් අපිත් නිතර යනවා මචං. යනකොට හරිම විනීතයි, සාන්ත දාන්තයි, එනකොට යක්ෂයො, කුම්භාන්ඩයො වගේ … එතකොට ඉංග්‍රීසි තියා දන්න සිංහලවත් හරියට කියවෙන්නෙ නෑ ..

     
  10. ගැමියාගේ පත් ඉරුව

    අප්‍රේල් 30, 2012 at 3:29 ප.ව.

    අර කළුවීම ගැන එක්කෙනෙක් දුන්නු උත්තරේ මොකක්ද කියලා මං තාම කංපනා කරනවා ඇත්තටම මොකක් කිව්වද මංදා…මේක කියවද්දි මට පොඩි ප්‍රශ්නයක් ආවා

    take a seat කියන එකද හරි take a sit කියන එකද හරි??

    ෂීට් කියන කියන එකම තමා ඉතින් අපිටත් කියවෙන්නේ හදාගන්ටෝන සෑහෙන්න වටිනවා නිකාංම මේ ගැන නොකියා කතාවක් විදියට කියපු එක බොහෝම ස්තූතියි

     
  11. වර්ණා

    අප්‍රේල් 30, 2012 at 4:28 ප.ව.

    සීට්…. අපිටනම් ඕක පොඩි කාලෙම අම්මි කියලා දුන්නා වෙනස, සීට් ශීට්.. :පි

     
  12. Kondaya

    අප්‍රේල් 30, 2012 at 4:29 ප.ව.

    Kohomada awrudu Boru?????

     
  13. kathandarakaraya

    අප්‍රේල් 30, 2012 at 5:28 ප.ව.

    Shit…!

     
  14. අසරණයා

    අප්‍රේල් 30, 2012 at 6:34 ප.ව.

    මට මේ ලඟදි ඇනෝ කෙනෙක් ඇවිල්ල කියල ගියා බස් එකේ තියෙන ෂීට් ඇස්බස්ටෝද කියල.

     
  15. Dinesh Umagiliya

    අප්‍රේල් 30, 2012 at 7:07 ප.ව.

    සීට් හා ශීට් අතර වෙනස…🙂

     
  16. sarath chandrasiri

    අප්‍රේල් 30, 2012 at 8:05 ප.ව.

    බොහොම ස්තූතියි යාලුවා. ඔයා මගේ අඩුපාඩුවක් ගොඩාක් නිර්මාණාත්මක විදිහට පෙන්නලා දීලා තියෙනවා.මම ඒක හදා ගන්නම්.ස්තූතියි ඔයාට ආයෙත්.ජය…!

     
    • henryblogwalker

      මැයි 2, 2012 at 9:30 ප.ව.

      සරත්ගෙ නිහතමානී කම මම ඉතාම අගයනවා. Nobody is perfect. සරත් මේ ඔයාට විතරක් දාපු පෝස්ට් එකක් නෙවෙයි. මේක ලංකාවෙ common error එකක්!
      මේවගෙ ඒවා දෙකක්ද තුනක්ද මම කලිනුත් ලිව්වා. ඉස්සරහටත් ලියනවා. ස්තුතියි. ආයෙත් එන්න. ජය!

       
  17. මඩිස්සලේ නිශාන්

    අප්‍රේල් 30, 2012 at 9:46 ප.ව.

    හිකිස්‌

     
  18. Gold fish

    මැයි 1, 2012 at 8:37 පෙ.ව.

    හික්ස්… අයියා දැකලා තියෙනවද සීට් තියෙනවා සීටි තියෙනවා කියලා කෑගහන ඒ.සී බස් කාරයින්ව. දවසක් මං ඔහොම එහෙකුට “ඕයි සීට් නැත්තං ඕක ලොරියක්නේ” කිව්වට හෝලට් එකේ කට්ටියගේ සිහින් හූ හඬ මැද්දේ බස් එක අද්දලා ගියා….

     
  19. henryblogwalker

    මැයි 1, 2012 at 12:20 ප.ව.

    වෙනී, ඉඳුනිල්, ඔබා අය්යා, පූසා, ගැමියා, කතන්දර යන සියලු දෙනාම shit ගැන මතක් කරලා තිබ්බ නිසා ඉංග්‍රීසි භාෂාවේ ‘ගමරාලගේ වංගෙඩිය’ වන ‘shit’ ගැන රසවත් එකතුවක් urban dictionary අනුග්‍රහයෙන්

    The Most Functional English Word

    Well, it’s shit…that’s right, shit!
    Shit may just be the most functional
    word in the English language.
    Examples:
    You can get shit-faced,
    Be shit out of luck,
    or have shit for brains.
    With a little effort,
    you can get your shit together,
    Find a place for your shit, Or
    be asked to shit or get off the pot.
    You can smoke shit,
    buy shit,
    sell shit,
    lose shit,
    find shit,
    forget shit,
    and tell others to eat shit.
    Some people know their shit, while
    others can’t tell the difference
    between Shit and Shinola.
    There are lucky shits,
    dumb shits,
    crazy shits,
    There is bull shit,
    horse shit and
    chicken shit.
    You can throw shit,
    sling shit,
    catch shit,
    shoot the shit,
    or duck when the shit hits the fan.
    You can give a shit or
    serve shit on a shingle.
    You can find yourself in deep shit
    or be happier than a pig in shit.
    Some days are colder than shit,
    some days are hotter than shit,
    and some days are just plain shitty.
    Some music sounds like shit,
    things can look like shit,
    and there are times when you feel like shit.
    You can have too much shit,
    not enough shit,
    the right shit,
    the wrong shit or
    a lot of weird shit.
    You can carry shit,
    have a mountain of shit, or find
    yourself up shits creek without a paddle.
    Sometimes everything you touch turns to shit and other times you
    fall in a bucket of shit and come out smelling like a rose.
    When you stop to consider all the facts,
    it’s the basic building block of the English language.
    And remember, once you know your shit,
    you don’t need to know anything else!

     
    • Kasun Chanaka

      මැයි 4, 2012 at 12:05 පෙ.ව.

      ඇයි අයියේ තව ඔය වගේම හැම මගුලටම ගන්න ඉංග්‍රීසි වචනයක් තියනවා නේ. අර F අකුරෙන් පටන් අරන් K අකුරෙන් ඉවර වෙන අකුරු හතරේ වචනේ…:) සිරාවටම ඒකත් දාන්න බැරි තැනක් නෑ නේ.

       
  20. sAm sRi

    මැයි 1, 2012 at 8:58 ප.ව.

    ආච්චිලා වගේ ෂීට් කිව යුතු නැත.

     
  21. hasithag

    මැයි 2, 2012 at 7:22 පෙ.ව.

    ඇඬෙනවා තනි ඇහැට🙂 මිස්ලා ඉතින් සර්ලගේ හැටි දන්න නිසා හොඳයි

     
  22. henryblogwalker

    මැයි 2, 2012 at 9:42 ප.ව.

    අනේ එහෙම දරුණු පොරවල් නෙවෙයි අපි.
    hasithag බ්ලොග් එකක් ලියන්නෙ නෑ නේද? මම බැලුවා, හම්බවුනේ නෑ.
    ස්තුතියි කමෙන්ට් ඔක්කොටම!

     
    • hasithag

      මැයි 2, 2012 at 10:10 ප.ව.

      @ henryblogwalker

      මමත් ඉතින් බොහොම පොඩියට blogs 2 ක් ලියනවා. මෙන්න පාරවල්. පුලුවන් වෙලාවක ඇවිත් යන්න එන්න🙂

      http://aagiyakatha.blogspot.com/

      http://eatuwawa.blogspot.com/

       
      • henryblogwalker

        මැයි 2, 2012 at 10:22 ප.ව.

        පොඩියට ? මම දැන් ගිහින් බැලුවා. හොඳට කියවන්නෙ නැතුව කමෙන්ට් එකක්වත් දාන්නෙ කොහොමද? හෙට කියවන්න තීරනය කලා. එක දෙයක් තේරුම් ගත්තා. හසිත වෙද ගෙදර ලිපියට එකට අච්චර ඓතිහාසික තොරතුරු ඇතුලත් ප්‍රතිචාර ලිව්වෙ කොහොමද කියන එක දැන් පැහැදිලියි. ඉතිහාසය විශේෂවේදී දෙවන වසර සිසුවෙක් වුනාම ඉතින් තව මොනවද? ඔය පොඩියට ලියන්නෙ නේ?😀

         
  23. janitheco

    මැයි 3, 2012 at 1:32 ප.ව.

    හිකිස්‌… මරු කතාව ….😀😀

     
  24. Buru

    මැයි 3, 2012 at 11:58 ප.ව.

    හා හා ශිට් කතාවක්

     
  25. hiruni

    මැයි 4, 2012 at 6:00 ප.ව.

    ඒ වගේම ශීට් වලට සීට් කියන අයත් ඉන්නවා නේද ඩුඩ්!!!! හරිම වටින පාඩමක්….😀😀😀

    by the way very funny about the ‘shit’….😀😀😀

     
  26. Kondaya

    මැයි 5, 2012 at 12:14 පෙ.ව.

    Siri Subha Wesak Dinayak Wewa! Mekath Balapalla Hithawathune ……. http://freedom.lankaportal.com/wesak/

     
  27. අ පූ ර් වී

    ජනවාරි 10, 2014 at 8:03 ප.ව.

    ස්තුති අයියේ ලින්ක් එකට ඔහ් ෂීට් , අහ් මේ සීට්
    මාත් අදයි සමහර වචන වල වෙනස්කම් දැනගත්තේ

     

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

 
%d bloggers like this: