RSS

114. දොඩමලු සේයාරූ – මෙතෙක් කතාව සහ අද එතැන් සිට

07 Feb
114. දොඩමලු සේයාරූ – මෙතෙක් කතාව සහ අද එතැන් සිට

මම වතාවක් මේ බ්ලොග් අඩවියට ලිව්වා පෝස්ට් එකක් “ලංකාවෙ ඉන්නෙ මාර වැඩ කාරයො හෙවත් ජාත්‍යන්තරයට එරෙහිව අපි” කියලා.

Blogger වලින් කියවන්න  මෙතන ඔබන්න.

ඒකෙ පලවුන මේ මමම ගත්ත පින්තූර තුනෙන් සමහරක් මෙන්න මටම එවනවා සමහරු ඊ මේල් හැටියට. විලිලැජ්ජා සන්තෝසෙ බෑ. හැබැයි අපරාදෙ කියන්න බෑ උස්සපු තැනක සටහනක් වත් නෑ.

හරි කොපි කරන එක වලක්වන්න බෑයි කියමුකෝ. නැට්ට පිටින් අලි මැරෙන්නෙ. කොපි කරන්නෙ හොඳ දෙයක්නෙ කියලා මාත් හිත හදා ගත්තා. ඒක ලේසියි.

මුලින්ම ඒ පින්තූර තුන මේ.මේ පාර ගැහුවා හංවඩුව.

මෙතෙක් කතාව…

Toilet Symbol Modified. Sigiriya.

මේ පින්තූරේ මම ගත්තෙ සීගිරිය රථගාලේ වැසිකිලියෙ තිබිලා. බලන්න නිර්මාණශීලිත්වය විතරක්. බලන්න අත් තියාගෙන ඉන්න හැටි. පස්සෙ ඒකට තවත් ඊටත් වැඩිය නිර්මාණශීලියෙක් කොටස් පවා එකතු කරලා.

වැසිකිලි යාමෙන් පසු සබන් යොදා අත සෝදාගන්න කියන එක ආසියාතික අපට අලුත් දෙයක් නෙවෙයිනෙ. හැබැයි මේ #2 සම්බන්ධයෙනුයි. #2 ට පස්සෙ වතුර සහ වමත පාවිච්චිකරන ආසියාතිකයොත්, කඩදාසි පාවිච්චි කරන බටහිර වැසියොත් එකිනෙකා දිහා අවඥාවෙක් බලනවනෙ ‘තමන් තමයි, හරි අනිකා වැරදියි’  කියන මතයෙ ඉඳගෙන.

#1ට පස්සෙ සබන් යොදා අත සෝදාගැනීම ආසියාතික අපි අතර දුලබ  වුනත් බටහිරයන් අනිවාර්යයෙන් කලයුතු චාරිත්‍රයක්.  #1 සම්බන්ධයෙන් අපිට එච්චර ආඩම්බර වෙන්න බැරි නිසා හෝ බහුතරයක් ඒ ගැන නොදන්නා නිසා හෝ ඒ කාරණය යටපත් වෙලා තියෙන්නෙ කියලයි මම හිතා හිටියෙ පහුගිය දෙසැම්බර්  29 වෙනිදා වෙනකල්. මං කොච්චර වැරදිද!! අපේ පොරවල් අත් විතරක් නෙවෙයි කකුලුත් හෝදනවා කියලා දැන ගත්තම මගෙ හදවත ආඩම්බරයකින් පිම්බුනා. මේකත් කාර් පාක් වැසිකිලියකින්. තැන හරියටම කියනවා නම් නාවින්නෙ අර්පිකෝ සුපිරි වෙලඳ සැලේ රථ ගාලේ වැසිකිලියෙන්.

 

Good Manners!

Good Manners!

Courtesy of Google. Source unknown.

සාමාන්‍යයෙන් වින්ඩ්ස්ක්‍රීන් වයිපර්ස් ගැන කවුරුත් දන්නවනෙ. ඊටත් එහාට ගිහින් Volvo, SAAB, Mercedes Benz වගෙ සමහර මෝටර් රථ නිශ්පාදකයො කාලෙකට ඉහතදි හෙඩ් ලයිට් එකටත් වයිපර් එකක් හයි කලානෙ මේ වගෙ. 

අපේ පොරවලුත් නිකං හිටියෙ නෑ. උන්ට එහෙම පුලුවන් නම් අපිට බැරි මොකෝ කියල හයි කලානෙ නම්බර් ප්ලේට් වයිපර් එකක්. මම මේක දැක්කෙ පහුගිය නිවාඩුවෙදි (ලංකාවෙදි. පුදුම ආඩම්බරයක් මට දැනුනෙ.)

 

License Plate Wipers The Modern Invention. henryblogwalker.

License Plate Wipers The Modern Invention. henryblogwalker.



අද එතැන් සිට


 Windows Snipping Tool එක දන්නවනෙ ඔයාලා කවුරුත්? ඒකෙන් පුලුවන් නෙව ස්ක්‍රීන් ෂොට් අරගන්න කැමති විදියකට.නොදන්න අය මේ බලන්නකො. මෙන්න මේ කතුර තමයි අයිකන් එක.


මම කොහොමත් ඔය කාර්මික අංසෙට නැඹුරුයි කියලා ඔයාලා දන්නවනෙ දැනටමත්. මේ ලඟදි මම කම්පියුටර් ලැබ් එකට ගියවෙලාවෙ දැක්කා ඔය Windows 7 තියෙන CPU  එකක් ගලවලා තියෙනවා. මම එබිලා බැලුවා. මෙන්න තියෙනවා Windows Snipping Tool එකේ හාඩ්වෙයා කෑල්ල දිලිසි දිලිසි. ඉතින් මම පට් ගාලා ගත්තා ඒකෙ පින්තූරයක් ඔයාලා වගේ වැඩිය කොම්පීතර් වැඩ නොදන්න අයට බලා ගන්න.

 IMG_20130110_124248

 පහුගිය නිවාඩුවට ගෙදර ගිය වෙලාවේ මම ගියා ඉලෙක්ට්‍රීෂන් මල්ලි කෙනෙක් හම්බුවෙන්න පොඩි වැඩක් කරගන්න.  බුවා වැඩ කාරයා. මේ බලන්නකො සීලිං ෆෑන් එක.

පේනවද රිමෝට් එකකුත් තියෙනවා?

IMG_20121206_124149

 එදා සූර්යග්‍රහණයක් තිබ්බ දවසක්. අනිත් හැමෝම උඩ බලද්දි ඩූඩ් බැලුවේ බිම. අනිත් උන් එක ඉරක් දකිද්දි මං තුමා ඉරවල් දහස් ගානක් දැක ගත්තා.

DSC02818

 ඔන්න සමහර යාලුවන්ට සූර්යග්‍රහණය නොතේරුනයි කිව්ව නිසා පොඩි පැහැදිලි කිරීමක් කරලා අප්ඩේට් එකක් දානවා.

මතකනෙ සිදුරු කැමරාව? ඒකෙ එක පැත්තක තියෙන්නෙ සිදුරක්. අනිත් පැත්තෙ තෙල් ගාපු කඩදාසියක්. මේකෙ ලෙන්ස් එකක් (කාචයක්) නැති වුනත්, අර සිදුර කාචයක් වගේ ක්‍රියා කරලා කැමරාව ඉස්සරහ තියෙන වස්තුවේ ප්‍රතිබිම්බ හදනවා අර තෙල් කඩදාසිය මත.

ඒ ක්‍රමයටමනෙ වහලෙ තියෙන පුංචි සිදුරකින් එන එලියෙන් අඳුරු කාමරේ ඇතුලෙ එලියෙ තියෙන ගස් වැල් හෙලවෙනවා පේන්නෙ.

අන්න ඒ විදියටම මෙතනදි ගහක අත්තක් අස්සෙන් ඉර එලිය බිමට වැටෙනකොට ඉරේ ප්‍රතිබිම්බ දහස් ගනනක් බිම හෝ බිත්තියේ හැදෙනවා කොල අත්තෙ කොල න‍ටු අතරේ ඇති කුඩා පරතර තුලින් ගමන් කරලා ඒ පරතර සිදුරු කැමරාව වගේ ක්‍රියා කරලා.

ඕක වෙනදටත් වෙනවා, මෙතනදි ඔය C අකුරු වගේ පේන්නෙ.සූර්යග්‍රහණය වෙලාවෙ පොලොවට පෙනෙන සූර්යයාගේ ප්‍රතිබිම්බ සිය ගානක්.

බොලව් මම ඉංගිරිස් ගුරෙක්, හරිද? (භෞතික) විද්‍යා ගුරුවරයෙක් නොවෙයි.)

 

මටත් හොයා දීපල්ලකො මේවගෙ නිදහසේ කරන්න පුලුවං  සිකියුරිටි ජොබ් කට්ටක්. මාරෙ උඹලත් මෙහෙමද බං?

OLYMPUS DIGITAL CAMERA

මේ එයාපෝර්ට් සික්‍යුරිටි. කොහෙද කියලා කියන්න ඕනෙ නෑනෙ.😀

 


ප.ලි:


DDT  මෙහෙම ඇහුවනෙ මේ දවසෙ  February 5, 2013 at 2:39 PM

ඒක නෙවි, ඩූඩ් මොකද මේ දවස්වල මල අතේ තියන් ලියපුවම දාන්නෙ එක දිගට?

Simulblogged @ මගේ ඩෙනිම.

 

ටැග: , , ,

13 responses to “114. දොඩමලු සේයාරූ – මෙතෙක් කතාව සහ අද එතැන් සිට

  1. hiruni

    පෙබරවාරි 7, 2013 at 3:43 ප.ව.

    හිහ් හිහ් හිහ්…….. ඩුඩ්ට පින්සිද්ද වෙන්න අද දවසම පටන් ගත්තෙ හිනා වෙලා…..😀😀 : D දවසම හොදයි…. මමනම් ආසම ස්නිපින් ‍ටුල් එකේ පින්තුරෙට…ඇයි අර ෆෑන් එක්…

    මෙහෙත් ඉන්නව එක්කෙනෙක් කුලර් එකක් වෙනුවට ටේබල් ෆැන් එකේ ඉස්සරහ පියන ගලවල, ෆැන් එක මේසෙ උඩ නිදි කරවල, ඒක උඩ ෆෑන් එක තියාගෙන ඉන්නෙ….ඒ ලැප් එක කවදාවත් රත් වෙන්නෙ නෑනෙ….:D😀😀

     
    • henryblogwalker

      පෙබරවාරි 7, 2013 at 11:59 ප.ව.

      හහ් හහ් හා… අහන්නත් සන්තෝෂයි.

      කවුද ඒ පිස්සු කෝච්චිය. කොයි වෙලේ හරි ඇඟිල්ලක් කැපිලා යයි ෆෑන් එකට අහුවෙලා.

       
  2. thilakasiri

    පෙබරවාරි 7, 2013 at 3:46 ප.ව.

    ” Blogger වලින් කියවන්න මෙතන ඔබන්න “.this is not correctly activated yet, Pls Do something for that.

     
  3. ක්සැන්ඩර්

    පෙබරවාරි 7, 2013 at 5:16 ප.ව.

    ෂිහ්.. මේ ෆොටෝ තියන මේල් මටත් ආවනේ.. කවුද දන්නේ ඩුඩ් ගැහුවා කියලා.

     
  4. Kenji @ Japan

    පෙබරවාරි 7, 2013 at 5:47 ප.ව.

    ඉදල ඉදල දැම්මොත් දාන්නෙ බඩවැල් එලියට එන කතා තමයි.ආර්පිකෝ එකේනම් එහෙම දාල ඇත්තෙ ඉස්සරහ කුණු ගොඩ අවුස්සල එන කට්ටියටද දන්නෙ නැහැ.[තාම ආර්පිකෝ එක ඉස්සරහ ගද ගහන කුණු ගොඩ තියෙනවද දන්නෙ නැහැ] කොහොමද හෙන්රි වොෂ් බේසින් එකෙන් කකුල් හෝදන්නෙ?ඔලුවෙන් හිටගෙනද?එහෙම කකුල් හෝදන එව්වොත් ආර්පිකෝ එනවනම් එළියේ ටැප් දෙක තුනක් දැම්මනං ඉවරයි “කකුල් සේදීමට පමණයි”කියල.අර වාහනේනම් පංචිකාවත්තේ “සුද්දෝධන”ලගෙන් මිස් වෙච්ච එකක් වෙන්න ඇති.

     
    • henryblogwalker

      පෙබරවාරි 8, 2013 at 12:02 පෙ.ව.

      ඒ කුණුගොඩ මේ පාර නම් මම දැක්කෙ නැද්ද මන්දා. (ඒක දකින්න ඉස්සෙල්ල ගඳ එකවනේ නේද)

      අනේ මන්දා මචං. මාත් කල්පනා කලේ වොෂ් බේසින් එකට කකුල හෝදන්නෙ කොහොමද කියලා තමයි.

       
  5. Ruwan

    පෙබරවාරි 7, 2013 at 8:57 ප.ව.

    Hey Dude, I am your blog follower for long time, but this is the first time commenting. I just want to say that this is a great work and keep it up. I am Ruwan from Africa…

     
  6. kuwanna

    පෙබරවාරි 9, 2013 at 10:07 පෙ.ව.

    You are a very troublesome fellow! Making me giving two comments for one blog article. What to do?

     
  7. iamdeejay

    පෙබරවාරි 13, 2013 at 10:06 පෙ.ව.

    ඩුඩ්,

    හොදයි මේපාර ඔයා, ඔයාගේ පොටොස් වල වොටර්මාක් එක දාපු එක, නැත්නම් නැවතවාතාවක් මේවා ඊමෙල් එකකින් හතර වටෙමයයි D

     

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

 
%d bloggers like this: