RSS

Monthly Archives: මාර්තු 2013

121. ක්ලීන් ස්වීප් ඉග්නේෂස් Clean Sweep Ignatius: Part 2

121. ක්ලීන් ස්වීප් ඉග්නේෂස් Clean Sweep Ignatius: Part 2

පළමු කොටස මෙතනින්

ජිනීවා වෙත ලඟාවීමෙන් අනතුරුව, අප්‍රකට හෝටලයක නවාතැන් ගත් ඉග්නේෂස් පැය අටක සුව නින්දක් ලැබීය. පසුදා උදෑසන ආහාර වේල ගන්නා ගමන්ම තමා නයිජීරියාවේදී කල ගවේශනයේදී සිය අත් අකුරින්ම පිළියෙල කරගෙන තිබූ බැංකු ලැයිස්තුව නැවත අධ්‍යයනය කලේය.

ඔහුගේ හෝටල් කාමරයේ කවුලුවෙන්ද දිස් වූ, ප‍ටු ම‍ඟේ භාගයක්ම යටකර ඉදිකර තිබූ Gerber et Cie බැංකුවෙන්ම වැඩ ඇරඹීමට ඉග්නේෂස් තීරණය කලේය. හෝටලයෙන්ම දුරකථන අංකය නිවැරදිදැයි පසක් කර ගත් ඔහු බැංකුව ඇමතීය. බැංකුවේ සභාපති, මධ්‍යාහ්න දොළහට ඔහුව මුණ ගැසීමට එකඟ විය.

පට්ට ගැසූ බ්‍රීෆ්කේසයක් අතින් ගත් ඉග්නේෂස්, නියමිත වෙලාවට විනාඩි කිහිපයකට පෙර බැංකුවේ කිරිගරුඬින් නිමකල පිළිගැනීමේ ශාලාවට ගොඩ වැදුනි.

“වෙලාවට වැඩකරන නයිජීරියන් කාරයෙක්!” ඔහුගේ පැමිනීම අපේක්ෂාවෙන් එහි ‍රැඳීසිටි අළු පැහැ ඉස්තරම් ඇඳුම් කට්ටලයකින්ද සුදු කමිසයකින් සහ සහ අළු පැහැ සිල්ක් ටයි පටියකින් හැඳ සිටි බැංකු නිලධරයා ඔහුව පිළිගනිමින් සිතීය.

හිස නමා ඇමතිවරයාට ආචාරකල තරුණයා, තමා බැංකු සභාපතිගේ පෞද්ගලික ලේකම් බව පැවසීය. ඉන් අනතුරුව ඉග්නේෂස්ව සභාපතිවරයා වෙත කැඳවාගෙන යාම සඳහා දොර විවෘත කරගෙන රඳවාගෙන සිටි විදුලි සෝපානයට දෙදෙනාම ගොඩ වූහ. සෝපානය එකොලොස්වන මහලට ලඟාවන තෙක්ම දෙදෙනා අතර පැවතියේ ගැඹුරු නිහඬතාවයකි.

සභාපතිගේ දොරට තරුණ නිළධරයා ඉතාම මෘදුව තට්‍ටු කල විට කාමරය තුලින් “Entrez,” යනුවෙන් පිළිතුරු ලැබිණි. දොර විවරකල නිළධාරියා ඉග්නේෂස්ට ඇතුලු වීමට සන් කලේය.

“නයිජීරියාවේ මුදල් ඇමති, සර්,” තරුණ නිළධාරියා පැවසීය.

අමුත්තාට ආචාර කිරීම සඳහා බැංකු සභාපතිවරයා සිය අසුනෙන් නැගිට ඉදිරියට පැමිණියේය. ඔහුද අළු පැහැ ඉස්තරම් ඇඳුම් කට්ටලයකින්ද සුදු කමිසයකින් සහ සහ අළු පැහැ සිල්ක් ටයි පටියකින් හැඳ සිටි බව ඉග්නේෂස් දු‍ටුවේය.

“සුභ දවසක් ඇමතිතුමා, අපි වාඩි වෙලා කතා කරමු.” කී සභාපතිවරයා ඉග්නේෂස්ව සුවිසල් කාමරයේ අනිත් පස වූ වීදුරු ලෑල්ලක් සහිත මිටි මේසය වටා පිළියෙල කර තිබූ සුව පහසු අසුන් කරා කැඳවාගෙන ගියේය.

“මම දැනටම කෝපි ඇණවුම් කරලා තියෙන්නෙ. ඔබතුමා කෝපි බොනවනෙ?”

ඉග්නේෂස් හිස සලා, සිය බ්‍රීෆ්කේසය බිම තබා සැප පු‍ටුවක අසුන් ගෙන සුවිසල් වීදුරු ජනේලයෙන් පිටත දර්ශනය නැරඹීය. කාමරයට ඇතුල්වූ තරුණ සේවිකාවක් කෝපි පිළිගන්වා අවසන් වන තෙක් ඉග්නේෂස් ජනේලයෙන් පෙනුන මනරම් වතුර මල ගැන වර්ණනාවක් කලේය.

තරුණ සේවිකාව කාමරයෙන් පිටතට ගිය වහාම ඉග්නේෂස් වැඩ ඇරඹීය.

“අපේ රාජ්‍ය නායකයා මගෙන් ඉල්ලා හිටියා තමුන්නාන්සෙලගෙ බැංකුවට ඇවිත් තරමක් අමුතු ඉල්ලීමක් කරන්න කියලා,” ඉග්නේෂස් කීය. සභාපතිගේ හෝ ලේකම්ගේ මුහුණේ ඉරියව්වල විශ්මයට පත්වූ බවක සේයාවකුදු නොවීය. ” තමුන්නාන්සෙලාගේ බැංකුවේ අංකිත ගිණුම් පවත්වාගෙන යන නයිජීරියානු පුර වැසියෝ කවුද කියලා හොයා ගැනීමේ වගකීම එතුමා මට පවරලා තියෙන්නෙ.”

මේ ඇසුනු වහාම සභාපතිවරයා කටහඬ අවදි කලේය.

“මට අවසරයක් නෑ…”

“පොඩ්ඩක් ඉන්න සභාපතිතුමා මම මගේ කතාව කියනකල්. මුලින්ම කියන්න ඕනෙ මම ඇවිල්ලා ඉන්නෙ නයිජීරියානු රජයේ සම්පූර්ණ බළතල ඇතිව බව.” කී ඉග්නේෂස්, සිය කබායේ ඇතුලත සාක්කුවේ වූ කවරයක් එලියට ගෙන, සභාපති වරයාට දිගු කලේය. එය අතට ගත් සභාපති එතුල වූ ලිපිය ඉවතට ගෙන ප්‍රවේශමෙන් කියවන්නට විය.

මඳ වේලාවකින් ලිපිය කියවා හමාරකල සභාපතිවරයා උගුර පෑදුවේය. “සමාවෙන්න ඇමතිතුමා, මේ ලිපිය අපේ රට තුල වලංගු වෙන්නෙ නෑ,” යි කී හෙතෙම, ලිපිය ප්‍රවේශමෙන් නැවත කවරයට රිංගවා එය ඉග්නේෂස් අතට දුන්නේය. ” තමුන්නාන්සෙට නයිජීරියානු රාජ්‍ය නායකතුමා විසින් ඇමතිවරයෙකු හැටියටත්, තානාපතිවරයෙකු හැටියටත් පූර්ණ බලතල පවරා ඇති බවට කිසිම සැක සංකාවක් මට නෑ ඇමතිතුමනි. නමුත් ඒ නිසා බැංකුවේ නීතිවල හෝ රහස්‍යභාවයේ කිසිම වෙනසක් වෙන්නෙ නෑ. මොනයම්ම අවස්ථාවකදීවත් බැංකුව, ගිණුම් හිමියන්ගේ අවසරයෙන් තොරව ඔවුන්ගේ කිසිම තොරතුරක් අනාවරණය කරන්නේ නෑ, කිසිම හේතුවක් නිසාවත්. තමුන්නාන්සෙට මීට වඩා සහයෝගයක් දක්වන්න නොහැකිවීම ගැන ඇත්තෙන්ම මම ඉතාම කණගා‍ටුවෙනවා. නමුත් මේ තමයි බැංකුවේ දැනට සහ ඉදිරියේදීත් බලපවත්නා නීතිය.”

මෙසේ කී සභාපතිවරයා සාකච්ඡාව අවසන් බැව් සිතා අසුනින් නැගී සිටියේ ‘ක්ලීන් ස්වීප් ඉග්නේෂස්’ ගැන ඔහු හරි හැටි දැන නොසිටිය නිසා විය යුතුය.

“මගේ රාජ්‍ය නායකයා…,” ඉග්නේෂස් මෘදු හඬින් පැවසීය, “…මට පූර්ණ බලතල දීලා තියෙනවා, මින් මතුවට නයිජීරියාව සහ ස්විට්සර්ලන්තය අතර ඇතිවන ඕනෑම මූල්‍ය ගණුදෙනුවකදී, අතරමැදියා ලෙස ක්‍රියාකරන්න තමුන්නාන්සේගේ බැංකුවට අවස්ථාව ලබා දෙන්න.”

“අප ගැන තබපු ඒ විශ්වාසය ඇත්තෙන්ම අපිට ආඩම්බරයට කරුණක් ඇමති තුමා,” නැවතත් අසුන් ගැනීමට තැත් නොකල සභාපති වරයා කීය. “නමුත් අපේ ගණුදෙණුකරුවන්ගේ රහස්‍යභාවය ආරක්ෂා කිරීමේ ප්‍රතිපත්තියට ඉන් බලපෑමක් ඇති නොවෙන බව තමුන්නාන්සේ තේරුම් ගනීවි කියලා මම විශ්වාස කරනවා.”

ඉග්නේෂස් ඉන් කැළඹුනු බවක් නොපෙන්වීය.

“එහෙනම් ගර්බර් මහත්මයා, මට ඉතාම කණගා‍ටුවෙන් ඔබට දැනුම් දෙන්න සිද්ධ වෙනවා, නයිජීරියානු පුරවැසියන් ගැන තොරතුරු ලබා ගැනීමට අප රජය, ඔබෙන් කරන ලද ඉල්ලීම සම්බන්ධයෙන්, ඔබ සතු‍ටුදායක මට්ටමේ සහයෝගයක් නොදැක්වීම ගැන, මට අපේ ජිනීවා තානාපති මාර්ගයෙන් ඔබේ විදේශ කටයුතු කාර්යාංශයට, නිල වශයෙන් දැනුම් දෙන්න සිදුවෙන බව.”

තම වචන වල බැරෑරුම්බව බැංකුකරුවන් දෙදෙනාට අවබෝධවීමට මඳ විරාමයක් තැබූ ඇමතිවරයා මෙසේද කීය.

“එවැනි අපහසුතාවයක් ඇතිවීම වලක්වා ගන්න , ඇත්ත වශයෙන්ම ඔබට කරන්න ඇත්තෙ, Gerber et Cie බැංකුවේ ගිණුම් පවත්වාගෙන යන නයිජීරියානුවන්ගේ නම් ලැයිස්තුව මට ලබාදීම පමණයි.අපේ තොරතුරු වල මූලාශ්‍ර, අපි මොනයම්ම හේතුවක් නිසාවත් හෙලි නොකරන බවට මට සහතික වෙන්න පුලුවන්.”

“ඔබතුමාට කිසි ප්‍රශ්නයක් නැතිව ඒ නිල දැනුදීම කරන්න පුලුවන් ඇමති තුමනි. මට හොඳටම විශ්වාසයි ස්විට්සර්ලන්ත නීතිය යටතේ, විදේශ කටයුතු කාර්යාංශයට එවැනි අනාවරණයක් කරන ලෙස ස්විස් බැංකුවකට බලපෑම් කිරීමේ බලයක් නොමැති බව, අපේ ඇමතිතුමා තමුන්නාන්සෙලාගේ තානාපතිතුමාට ඉතාම කාරුණික හා රජ්‍යතාන්ත්‍රික භාෂාවෙන් පැහැදිළි කරලා දේවි කියලා.”

“එහෙමනම්, මම අපේ වෙලඳ කටයුතු අමාත්‍යාංශයට නියෝග කරනවා, මේ නම් ලැයිස්තුව අපට ලබා දෙන තෙක්, ස්විස් ජාතිකයන් සමඟ නයිජීරියාවේ ඇති සියලුම අනාගත ගණුදෙණු අත්හිටවන්න කියලා.”

“ඒක තමුන්නාන්සෙලාගේ වරප්‍රසාදයක්.” කිසිසේත් නොසැලුනු සභාපතිවරයා කීය.

“ඒ වගේම, තමුන්නාන්සෙලාගේ පුරවැසියෝ නයිජීරියාවේ දැනට කරගෙන යන කොන්ත්‍රාත් කටයුතු නැවත සලකා බලන්නට අපිට සිද්ධ වෙන්න පුලුවන්. ඊට අමතරව, ගිවිසුම්වල වන්දි ගෙවීම් සම්බන්ද ඡේද නොසලකා හරින ආකාරයට වැඩ සිද්ධ කිරීමට, මම පුද්ගලිකව වග බලාගන්නවා.”

” තමුන්නාසෙට හිතෙන්නෙ නැද්ද ඒක නම් එච්චර ඥානවන්ත ක්‍රියාවක් නෙවෙයි කියලා?”

“තමුන්නාන්සෙ දැනගත්තොත් හොඳයි, මම ඒවගේ තීරණයක් ගන්න කිසිසේත්ම පසුබට වෙන්නෙවත්, පසුතැවිලි වෙන්නෙවත් නැති බව. මට ඔය නම් ලැයිස්තුව අතට ගන්න වැඩේදි තමුන්නාන්සෙලාගේ රට බිමටම වට්ටන්න සිදු වුනත් මම නෙවෙයි ඒ ගැන පසුතැවිලි වෙන්නේ.”

“හොඳමයි, ඇමතිතුමා,” සභාපතිවරයා කීය. ” ඒ කොයි හැටි වෙතත්, රහස්‍යභාවය ගැන බැංකු ප්‍රතිපත්තිවලටවත්, ආකල්පයටවත් එයින් කිසිම වෙනසක් සිද්ධ වෙන්නෙ නැහැ.”

“තමුන්නාන්සෙලාගේ ප්‍රතිපත්තිය එහෙමනම්, මේ අදම මම ජිනීවාවල ඉන්න අපේ තානාපතිට අණදෙනවා තානාපති කාර්යාලය වහලා දාන්න. ඒ එක්කම ලාගෝස් වල ඉන්න ස්විස් තානාපතිව අපට පිළිගත නොහැකි පුද්ගලයෙක් හැටියට නම් කරනවා. ඔව්, Persona non Grata!”

ඇමතිවරයා මඳක් බලා සිටියත් සභාපතිවරයා මුනිවත ‍රැකීය.

“වැඩේ සිද්ද වෙන්නෙ එහෙම නම්, මට වෙන කරන්න දෙයක් නෑ,” ඉග්නේෂස් හුනස්නෙන් නැගිටිමින් කීය.

ඉග්නේෂස් අන්තිමේදී සමුගන්නට යන්නේ යයි සිතා සැනසුම් සුසුමක් හෙලූ සභාපතිවරයා, ඔහුට සමු දීමට සුරත දිගුකල මුත් සිදුවූයේ වෙනත් දෙයකි. සිය කබා සාක්කුවට අත දැමූ ඉග්නේෂස් ඉන් කුඩා පිස්තෝලයක් පිටතට ගනු ඔහු බලා සිටියේ සංත්‍රාසයෙනි.

පිස්තෝලය අමෝරාගත් ඉග්නේෂස්, පියවර කිහිපයක් ඉදිරියට පැමිණ අවියේ කට සභාපතිගේ හිසට තබා තෙරපූ විට බැංකුකරුවන් දෙදෙනා හුන් තැනම ගල් ගැසුනහ.

DSCN2867 (2) - Copy

“මට ඒ නම් ලැයිස්තුව ඕනෙමයි මිස්ටර් ගර්බර්. දැන් ඔහේට තේරෙන්න ඕනෙ මම ඒක ලබාගෙන මිසක් පස්ස බලන්නෙ නැති බව. මට මේ දැන් ඒවා නොදුන්නොත් ඔහේගෙ ඔලුව කුඩුවෙන්න වෙඩි තියනවා, තේරුණාද ඔහේට?”

සභාපති යන්තමින් හිස සැලීය. ඔහුගේ නලල් තලයෙන් දහඩිය බිඳු මතුවිය.

“ඊ ලඟට වෙඩි කන්නෙ අර හාදයා,” පියවර කීපයක් ඔබ්බේ සෙල් රුවක් මෙන් නොසැලී සිටි තරුණ නිලධරයාව හිසෙන් පෙන්වූ ඉග්නේෂස් තර්ජනාත්මක ස්වරයෙන් කීය.

“මේ බැංකුවේ ගිණුම් පවත්වාගෙන යන හැම නයිජීරියානුවෙකුගෙම නම් මට වහාම අරන් දෙනවා හොඳයි.” තරුණයා දෙස බලමින් පහත් හඬින් කී ඉග්නේෂස්, “නැතිනම් ඔහේගෙ සභාපතිගේ මොළ කෑලි මේ බිම් එලලා තියෙන වටිනා, ලස්සන, බුමුතුරණය පුරාම විසිරේවි. වහාම! ඔහේට ඇහුනද?”යි තියුණු හඬින් නැවත අණ කලේය.

තරුණයා වික්ෂිප්තව සභාපති දෙස බැලීය. බියෙන් වෙව්ලමින් සිටියද සභාපතිගේ වචන පැහැදිළි විය.

“Non, Pierre, jamais.”

“D’accord,” සහායකයා කෙඳිරීය.

“මම ඔහේලට දෙන්න පුලුවන් හැම අවස්ථාවක්ම දුන්නා.” කී ඉග්නේෂස් පිස්තෝලයේ ආරක්ෂිය ලීවරය පැන්නීය. සභාපතිගේ මුහුණ දිගේ දහඩිය ගංගා ගලා බැසීමට පටන් ගත් අතර, සහායකයා වෙඩි පහරට බියෙන් මුහුණ ඉවතට හැරවීය.

“පංකාදු පහයි.” කී ඉග්නේෂස් පිස්තෝලය සභාපතිගේ හිසෙන් ඉවතට ගෙන ආපසු සිය අසුන වෙත පිය මැන්නේය. බැංකුකරුවන් දෙදෙනාම තවමත් කතාකර ගත නොහැකිව, වෙව්ලමින් පසුවූහ.

ඇමතිවරයා සිය ආසනයේ පසෙක බිම තිබූ හම ගිය බ්‍රීෆ්කේසය ගෙන තමා ඉදිරිපිට තිබූ මිටි වීදුරු මේසය මත තැබීය. ඔහු එහි අගුල් දෙක පැන්නූ වහාම එහි පියන ස්වයංක්‍රීයව ඉහලට එසවුනි.

බ්‍රීෆ්කේසය තුල කදිමට පිළිවෙලට අසුරා තිබූ ඩොලර් සියයේ නෝට්‍ටු මිටි දෙස බැංකුකරුවන් දෙදෙනා දෑස් විසල් කොට බැලූහ. කිටි කිටියේ අසුරා තිබූ මුදල් නෝට්‍ටුවල වටිනා කම සමහරවිට ඩොලර් මිලියන පහ ඉක්මවනු ඇතැයි සභාපති සිතෙන් ගණනය කලේය.

“දැන් මට කියන්න බලන්න මහත්වරුනි, මේ බැංකුවේ අලුත් ගිණුමක් විවෘත කරන හැටි.” ඉග්නේෂස් කීය.


෴ *නිමි* ෴

මගේ ප්‍රියතම ලේඛකයෙකු වන බ්‍රිතාන්‍ය ජාතික Jeffrey Archerගේ කෙටි කතාවල ඇති තවත් සුවිශේෂිත ලක්ෂනයක් වනුයේ ඒවායේ ඇති අනපේක්ෂිත අවසානයන්ය. මා ගියවර සඳහන් කල ආකාරයට කෙටිකතාව කියවා අවසන් වූ වහාම එය තව අයෙකුට කියන තෙක් ඉස්පාසුවක් නැති ගතියට එයද ප්‍රභල හේතුවක් විය හැකියයි මට සිතේ.

ඔබේ ප්‍රතිචාර වලට මා පිළිතුරු සැපයීම ප්‍රමාද කලේ මේ කතාවේ රසවින්දනයට එය බාධාවක් වේයයි සිතූ බැවිනි.

ප. ලි.:

මේ චිත්‍රයේ කතා වස්තුව:

DSCN2852 - Copy

මේ පෝස්ට් එකට මුලින්ම දාපු චිත්‍රය තමයි මේ තියෙන්නෙ. මම ඒක වෙනස් කරලා පස්සෙ දාපු චිත්‍රය තමයි උඩම තියෙන්නෙ. ගර්බර් කාරයා බර්බර් ගාපු නිසාම නෙවෙයි බුවාව පොඩ්ඩක් තරුණ කරලා බය කරලා ඇන්දෙ. මගේ සහෘදයො කිව්ව දේවල් අහලා. ඇත්තෙන්ම මගේ ලිපි කියවලා රස විඳින වගේම මගේ චිත්‍ර රස විඳින රසිකයො පිරිසකුත් ඉන්න එකමට ආඩම්බරයක්.මෙන්න 


මේවයි යාලුවෝ කිව්වේ.

සමාවෙන්නොනේ මෙහෙම කියනවට.. අර චිත්‍රෙ නම් ටිකක් හැගීම් ප්‍රකාශනය අතින් ටිකක් දුර්වලයි වගේ..
ක්සැන්ඩර් – මට හිතෙන හැටි

චිත්‍රෙ ගැන කියන්න බැරිඋනා. මිනිහනං වෙඩිකන්න ආසාවෙං වගේ ඉන්නෙ. 😀
Praසන්ன – මගේ ඩෙනිම

මේ වැඩ අස්සෙ චිත්‍රයකුත් ඇඳල දැම්මට ස්තූතියි, මම හෙන්රි අයියගෙ පෝස්ට්වල කැමතිම අංගය ඔයාගෙ චිත්තරේ. මොකද එහෙම තමංගෙම අතින් ඇඳපු චිත්‍රයක් පළකරන්න පුළුවන් අය අපි අතරෙ ඉන්නෙ අතලොස්සක්නේ. අපරාදෙ කියන්නෙ කළු ජාතිකයගෙ අතයි සුදු ජාතිකයගෙ මූණයි නම් කැපී පේන්න ඇඳල තියෙනව. අපේ සුදු ජාතික බැංකු සභාපතිගෙ මුහුණෙ තැතිගැන්වුනු පෙනුම මදිවගේ නේද? මස් පිඬුවලින් ඒ ගතිය ගන්නත් අමාරු ඇතිනේ, මූනෙ මස් එල්ලල වැටෙන තරමට. ඔන්න ටිකක් පුදුමයට පත්වුනු පෙනුමක් නම් තියෙනව. අනෙක් දේ මට කොච්චර උත්සාහ කළත් ඔය විදියට ඇස්වල පෙනුම මට අවශ්‍ය විදියට අඳින්න බෑනේ. ඒ ගැන පොඩි උපදේශයක් දෙන්න බැරිද.
DDT- මගේ ඩෙනිම

මම හරි කැමතියි උඹලා මගේ චිත්‍ර ගැන මේ වගේ විවේචන ඉදිරිපත් කරනවට.
ඔන්න මුලින්ම මම වෙන චිත්‍රයක් ඇන්දා පට් ගාලා. ගර්බර් කාරයව තව ටිකක් තරුණ කලා. අතින් පයින් යනවෑ. මොකද ප්ලාස්ටික් සර්ජරි කරන එකක්යැ? පොරව හොඳටම බය කලා. කලිසමේ බඩු යන සයිස් එකටම!

උඹලට කියන්න මම මේක ඇන්දේ ‍රැවුල කපන කන්නාඩියක් මේසෙ උඩ තියාගෙන  ඒක දිහා බලාගෙන ඇස් ලොකු කරලා කට ඇරලා හෙම තමයි. හැබැයි ඒ විදියටම නොවෙන්න වෙනස් කම් කලා.

අර DDT අහලා තිබ්බ දේට හොඳ උපදේශයක් නම් අන්න එහෙම තමාවම බලාගෙන අඳින්න උත්සාහ කරන එකයි.

දැන් ඊ ගාවට පරණ චිත්‍රය ගැන කිව්වොත් ඒක මෙහෙමයි වුනේ.

උඹලා දකින්න ඇති, ඉග්නේෂස් ආපු වෙලාවේ ඉඳලා ගර්බර් නියම ජෙන්ටා වගේ, ඒ වගේම හරිම කූල් පිට ඩිප්ලොමැටික් විදියට තමයි හැසිරුනේ. ඉග්නේෂස් මොනවා කිව්වත් පොර නෙවෙයි සැලුනේ. අන්න ඒක නිසා තමයි පිස්තෝලෙ කනට තිබ්බත් ගර්බර් පුලුවන් තරම් හැඟීම් නොපෙන්නා හිටියේ පිටට. ඇතුලෙන් කලබල වෙන එක ඇත්ත. ඕකට කියන්නෙ පෝකර් ෆේස් කියලා. පොර පස්සෙ හොඳටම බය වෙන එක සාධාරණයි, මොකද මිනිහා උගත් ඒ වගේම ධනවත් බැංකු කරුවෙක් මිසක් ‍රැම්බෝවත්, ටර්මිනේටර්වත් නෙවෙයිනෙ. අන්න ඒක වෙන්න ඕනෙ මගේ අතින් පොරව එහෙම ඇඳුනේ.

අනික ඔයවගේ විශාල බැංකුවක්  හිමි, ඒකෙ සභාපතිත්වය දරණ පොරක් තරමක් වයස වෙන්නත් ඕනෙ. ඒකයි පොරව වයස කරලා, බෙල්ල යටින් මස් පොඩ්ඩක් එල්ලෙන්න දැම්මේ.

කෙසේ හෝ වේවා, ඔන්න දැන් බුවාව වෙනස් කලා.

෴ *** ෴

Jeffrey Archer  රචනා කල A Twist In The Tail කෙටිකතා සංග්‍රහයේ පළවූ Clean Sweep Ignatius කෙටි කතාවේ සිංහල අනුවාදයයි.

 

Simulblogged @ මගේ ඩෙනිම for Blogspot lovers

 

ටැග:

120. ක්ලීන් ස්වීප් ඉග්නේෂස් Clean Sweep Ignatius: Part 1

120. ක්ලීන් ස්වීප් ඉග්නේෂස් Clean Sweep Ignatius: Part 1

නයිජීරියාවේ මුදල් ඇමති ධූරයට ඉග්නේෂස් අගාර්බි පත්වීමේ පුවත ගැන උනන්දුවක් දැක්වූවේ අතලොස්සක් දෙනා පමණි. නිර්දය විවේචකයෝ කී ලෙසම පසුගිය වසර දාහතක කාලයක් තුල පත්වූ දාහත් වැනි මුදල් ඇමති ඉග්නේෂස් වූ විට එය අරුමයක්ද?

සිය මුල්ම පාර්ලිමේන්තු ප්‍රතිපත්ති ප්‍රකාශයේදී, රාජ්‍ය අංශයේ ඔඩුදුවා තිබූ දූෂණ, අල්ලස් හා අක්‍රමිකතා මුලුනුපුටා දැමීමට පොරොන්දුවකුත්, දූෂිත නිලධාරීනට අනතුරු හැඟවීමකුත් කල ඉග්නේෂස්, කතාව නිමකලේ, තමන් නයිජීරියාවට “ෆුල් සුද්දයක්” දෙන්න අදහස් කරන බව පවසමිනුයි.

පසුගිය මුදල් අමාත්‍යවරුන් දහසය දෙනාගේම කතා අසා වෙහෙසට පත්ව සිටි ජනතාවට අලුත් යමක් මෙම කතාවේ නොමැති බව ප්‍රධාන කතෘ තීරණය කල බැවින්දෝ, ‘ලාගෝස් ඩේලි මේල්’ පුවත්පතේ මේ ගැන සඳහනක් වත් නොවීමෙන්ම කතාව ඇති කල බලපෑම සිතාගත හැකිය.

කෙසේ හෝ මෙම ඇල්මැරුණු ප්‍රතිචාරවලින් කෙසේවත් නොසැලුනු ඉග්නේෂස්, මහත්වූ උද්‍යෝගයෙන්, ධෛර්යයෙන් හා අධිෂ්ඨානයෙන් තම ධූරයේ වැඩ ඇරඹීය.

පත්වීමෙන් දින කීපයකට පසු, ධාන්‍ය ආනයන ගණුදෙනුවක් සඳහා ව්‍යාජ ලේඛණ සකස් කර කො‍ටුවූ අමාත්‍යාංශයේ සුළු නිලධාරියෙකු දඟගෙයි ලෑමට හේ සමත් විය.

ඉන් අනතුරුව ඉග්නේෂස්ගේ අලුත් කොස්සේ කෙඳිවලට හසු වූයේ, විනිමය නීති උල්ලංඝණය කිරීමේ චෝදනාවට ලක්වූ ලෙබනන් ජාතික ආයෝජකයෙකි. ඔහුව රටින් නෙරපා දමනු ලැබුවේ අධිකරණ ක්‍රියාමාර්ගයකින් පවා තොරවය.

හරියටම ඉන් මසකට පසුව, ‍රැකියාවට අදාල වරප්‍රසාදයක් ලෙස ලාගෝස් වැසියන් පවා විශ්වාස කල අල්ලස් ගැනීමේ චෝදනාවට පොලිස්පතිවරයා අත් අඩංගුවට ගැනීමට හැකිවීම, ඉග්නේෂස් පවා සැලකුවේ තමා ලද පෞද්ගලික ජයග්‍රහනයක් ලෙසය.

ඉන් සිව් මසක් ඇවෑමෙන් පොලිස්පති වරයාට දහ අට මසක සිර දඬුවමක් නියමවීමෙන් අනතුරුව මුල් වරට ඉග්නේෂස් ‘ලාගෝස් ඩේලි ටයිම්ස්’ පුවත්පතේ මුල් පි‍ටුව ආක්‍රමණය කලේය. එම පුවත්පතේම මැද පි‍ටුවේ එක් නායකයක් ඉග්නේෂස්ව හඳුන්වා තිබුනේ වංචනිකයන් බිය විය යුතු, ‘යසට අතුගෑවෙන අලුත් කොස්සක්’ හෙවත් ‘Clean Sweep Ignatius’ යනුවෙනුයි.

ඉන්පසු සිදුවූ අත් අඩංගුවට පත්වීම සිදුවූ වැලෙන් අනතුරුව, රාජ්‍ය නායකයා වූ ජෙනරල් ඔටෝබි පවා, ඔහුගේම මුදල් ඇමතිවරයාගේ දැඩි සුපරික්ෂාවට ලක්වෙන බවට දූෂමාණ ආරංචි පැතිරිනි. මෙහි ප්‍රතිඵලය වූයේ ඉග්නේෂස්ගේ ‘මිස්ටර් ක්ලීන්’ ප්‍රතිරූපය තව දුරටත් වර්ධනය වීමයි.

වටිනාකම ඩොලර් මිලියන සියය ඉක්මවන සියලුම විදෙස් කොන්ත්‍රාත් පෞද්ගලිකව තියුණු විෂ්ලේෂණයට ලක්කර අනුමත කිරීම ඉග්නේෂස් සියතට ගත්තේය. ඔහු මෙහිදී ගත් හැම තීරණයක්ම සතුරන්ගේ තීක්ෂණ විමසුමට බඳුන් වුවත්, කිසිම දූෂණයකට ඉග්නේෂස්ගේ නම පටලැවීමට කිසිවෙකු අපොහොසත් විය.

ඉග්නේෂස් මුදල් ඇමති ලෙස දෙවන වසරේ වැඩ ඇරඹි කල ‘දෙඤ්ඤං-බැටේ-විචාරකයන්’ පවා ඔහු ගැන සුභවාදී ප්‍රකාශ කිරීමට පටන් ගත් අතර ජෙනරල් ඔටෝබි හදිසි හමුවක් සඳහා ඉග්නේෂස්ට කැඳවීමට තරම් විශ්වාසය පල කලේය.

ඩෝඩන් හමුදා බැ‍රැක්කයේ පිහිටි රාජය නායක නිළ නිවස්නයට මුදල් ඇමතිව සාදරයෙන් පිළිගත් ජෙනරල් ඔටෝබි, සිය කාර්යාල කාමරයට කැඳවාගෙන යන ලදුව, පහල යුධ අභ්‍යාස භූමිය හොඳින් දර්ශණය වන විශාල කවුලුවක් අසල ස්ථානගත කර තිබූ සැප පු‍ටුවක ඉග්නේෂස්ට අසුන් පැනවීය.

“ඉග්නේෂස්, මම ඔහේගෙ අලුත්ම අයවැය වාර්තාව කියවලා ඉවර වුනා විතරයි. තවමත් විදේශ සමාගම් විසින් අතරමැදියන්ට පගාව දීමෙන් විතරක් දේශීය ආදායම් දෙපාර්තමේන්තුව අවුරුදු පතා ඩොලර් මිලියන ගනනක් පාඩු විඳින බවට ඔහේ කරලා තිබ්බ ප්‍රකාශය කියවලා මට යකා නැගලා ඉන්නෙ. මේ සල්ලි මොකාගෙ සාක්කුවකට වැටෙන්නෙ කියලා අදහසක් හෙම තියෙනවද ඔහේට? මට අන්න ඒකයි දැනගන්න ඕනෙ.”

අසුනේ සෘජුව හිඳගත් ඉග්නේෂස් රාජ්‍ය නායකයාගේ මුහුණ දෙස එක එල්ලේ බැලීය.

“එයින් සෑහෙන ප්‍රමාණයක් පෞද්ගලික ස්විස් බැංකු ගිණුම් වලට බැර වෙන බවට නම් මට සැකයක් තියෙනවා. නමුත් ඒක ඔප්පු කරන්න අවශ්‍ය සාක්ෂි දැනට මා ලඟ නෑ”

“එහෙමනම් ඒ සාක්ෂි ලබා ගන්න අවශ්‍ය ඕනෙම ක්‍රියාමාර්ගයක් ගන්න අමතර බලතල මම ඔහේට පවරනවා,” ජෙනරල් ඔටෝබි කීය. “මේ තක්කඩි ටික කො‍ටුකර ගන්න අවශ්‍යයි කියලා ඔහේට හිතෙන ඕනෑම ක්‍රමවේදයක් භාවිතා කලාට වරදක් නෑ. මේ වැඩේට අත ගහන කොට, කිසි කෙනෙකුගෙ තරාතිරමට, බලපුලුවන්කාරකම් වලට බය වෙන්නවත් බුරුලක් දෙන්නවත් අවශ්‍ය නෑ.”

“මේ වගේ භාරදූර වැඩකට අත ගහන්න නම් මට ඔබතුමාගේ අත්සන යොදලා බලය පවරපු ලිපියක් අවශ්‍ය කරනවා, ජෙනරල් තුමනි.”

“එහෙන්ම නම් අද හවස හය වෙනකොට ඒ ලිපිය ඔහේගේ මේසෙ උඩ තියෙවි.” රාජය නායකයා කීය.

“ඒ වගේම, මට විදේශගත වෙද්දි, පූර්ණ බලතල සහිත තානාපති වරප්‍රසාද ලැබෙනවානම් තමයි ලේසි.”

“කිසි ප්‍රශ්ණයක් නෑ.”

“එහෙනම් ස්තුතියි, ජෙනරල් තුමනි,” හමුව අවසන් බව වටහාගත් ඉග්නේෂස් හුනස්නෙන් නැගිටිමින් පැවසීය.

“මේකත් අවශ්‍ය වේවි ඔහේට,” දෙදෙනාම කුටියේ දොර වෙත ගමන් කරද්දී ජෙනරාල්වරයා පැවසීය. ඇහි බැම ඔසවා ජෙනරල් දෙස බැලූ ඉග්නේෂස්, ජෙනරල්වරයා අත්ල මත තබාගෙන තමන්ට පෑ කුඩා ස්වයංක්‍රීය පිස්තෝලය දු‍ටුවේය. “…මොකද, මට සාධාරණ සැකයක් තියෙනවා ඔහේටත් මට තරම්ම සතුරන් සංඛ්‍යාවක් මේ වෙනකොට ඇතිය කියලා.”

නුහුරු බවක් පාමින් පිස්තෝලය අතටගත් ඉග්නේෂස් එක කබා සාක්කුව තුල රුවාගනිමින් පහත් හඬින් ස්තුති කලේය. නිහඬ සමු ගැනීමකින් අනතුරුව, ඉග්නේෂස් ‍රැගත් රිය අමාත්‍යාංශය බලා පිටත් විය.

නයිජීරියානු මහ බැංකුවේ අධිපතිගේ අනුදැනුමකින් හෝ වෙනත් ජ්‍යේෂ්ඨ සිවිල් නිලධාරීන්ගේ බලපෑමකින් තොරව, ඉග්නේෂස් සිය නව වැඩ පිලිවෙල ඇරඹුවේ ඉමහත් කැපවීමෙන් හා උනන්දුවෙනි. ‍රැය නිදි වරාගෙන ඔහු කල විමර්ශණ කටයුතු වල ප්‍රතිඵල හේ රහසක්ව තබාගත්තේය. තුන් මසක් ඇවෑමෙන් ඔහු දඩයම පටන් ගත්තේය.

හදිසි විදේශ සංචාරයක් සඳහා බොහෝ නයිජීරියානුවන් නිවාඩු සඳහා රටින් පිටවන අගෝස්තුවම ‍තෝරාගැනීමට ඉග්නේෂස් සැලසුම් කලේ කිසිවකුගේ සැකයට බඳුන් නොවීම සඳහාය.

සිය පෞද්ගලික ලේකම් ඇමතූ ඉග්නේෂස්, තමාටත්, බිරිඳටත්, දරු දෙදෙනාටත්, ෆ්ලොරිඩාවේ ඕර්ලැන්ඩෝ වෙත ගුවන් ටිකට් පත් මිලදීගන්නා ලෙසත්, සම්පූර්ණ වියදම තමාගේ පෞද්ගලික ගිණුමින් හර කරන ලෙසත් අණ දුන්නේය.

ෆ්ලොරිඩාවට ලඟාවූ නයිජීරියානු ඇමති පවුල මැරියට් හෝටලයේ නවාතැන් ගත්හ. කිසිම පූර්ව දැනුම් දීමකින් තොරව සිය බිරිඳ ඇමතූ ඉග්නේෂස්, තමා හදිසි රාජකාරි කටයුත්තක් සඳහා දින කීපයකට නිව් යෝක් බලා පිටත් වන බවත්, නිවාඩුවේ ඉතිරි දිනයන් පවුල සමඟ ගත කිරීමට ඒ නිමවා පැමිණෙන බවත් දැනුම් දුන්නේ ගහෙන් ගෙඩි එන්නාක් මෙනි.

සිය පවුල ඩිස්නිලන්තයේ විනෝද වීමට කටයුතු පිළියෙල කල ඉග්නේෂස් පසුදා උදෑසනම නිව් යෝක් බලා පියාසර කලේය. ලා ගාර්ඩියා ගුවන් තොටේ සිට කෙනඩි ගුවන් තොට දක්වා දුර ටැක්සියකින් ගමන් ගත් හෙතෙම, විවේක කාමරයට වැදී ඇඳුම් මාරු කරගත්තේය. ඉන් අනතුරුව ගාස්තුව මුදලින් ගෙවා ජිනීවා දක්වා යාමට හා ඒමට සංචාරක පන්තියේ ටිකට් පතක් වෙන කරගත් ඔහු, කිසිවෙකුගේ අවධානයට ලක් නොවීම ස්විස් එයාර් යානයට ගොඩවිය.

෴ *මතු සම්බන්ධයි* ෴

සමහරුන් ආඩම්බර කාර උද්ධච්චයකු ලෙස හඳුන්වනු මා අසා තිබුනත්, බ්‍රිතාන්‍ය ලේඛක Jeffrey Archer මගේ ප්‍රියතම ලේඛකයෙකි. ඔහුගේ කෙටිකතාවල ඇත්තේ වේගයෙන් ගලායන ගතියකි. එමෙන්ම කෙටිකතාව කියවා අවසන් වූ වහාම එය තව අයෙකුට කියන තෙක් ඉස්පාසුවක් නැති ගතියද මම ඔහුගේ කතා ප්‍රිය කරන තවත් හේතුවකි. සිර දඬුවම් පවා විඳ ඇති ජෙෆ්‍රි මනා ඇසූ පිරූ ඇත්තෙකු වීම අරුමයක් සේ මට නොහැ‍ඟේ.

 

ටැග:

HELP! ඔන්න උඹලා උදව්වක් කරනව නම් වෙලාව! HELP!

HELP!  ඔන්න උඹලා උදව්වක් කරනව නම් වෙලාව! HELP!

මගේ ඩෙනිමට අලුත් පෝස්ට් අප්ඩේට් නොවෙන ලෙඩක් හැදිලා.

e-mail subscribe කරලා තියෙන අයට පෝස්ට් එක ගැන notification e mail එක එනවා.

නමුත් Google Reader එකේ වත් බ්ලොග් රෝල් වල වත් අප්ඩේට් වෙන්නෙ නෑ.

ඇත්තෙන්ම රීඩර් එකේ කෙසේ වෙතත් බ්ලොග් රෝල් වල අප්ඩේට් නොවෙන එක නම් හෙනම ඇණයක්.

මේ ප්‍රශ්ණෙ තියෙන නදිනි ඇතුලු කීප දෙනෙක්ම ඉන්නවා. ඒ වගේම සරත්, මී පැටියා ඇතුලු තව කීප දෙනෙක්ම හිටිය බවත් මතකයි.

දැන් දවස් ගානක් තිස්සෙ ජාලෙ පීරලා හෙව්වත් මේ ගැන් ප්‍රශ්ණ කරපුවා මිස උත්තරයක් ලැබිච්ච තැනක් මට නම් හොයාගන්න බැරි වුනා.

මේ ගැන පරීක්ෂණ කරන්නම අලුතෙන් තවත් බ්ලොග් එකක් හදලා බැලුවා. ම්හ්ම්.

මේ ප්‍රශ්ණය ෆීඩ් වල අවුලක් වෙන්න ඕනෙ. ඒත් ඒක හොයා ගන්න බෑ හරියට. ෆීඩ් එක හරියට පෙන්නනවත් එක්ක.

ඉතින් අන්තිමේදී අර අමාරුවෙන් හදාගෙන තිබ්බ ටෙම්ප්ලේට් එකත් මාරු කරලා බැලුවා. හරි ගියේ නෑ.

ඉතින් ඔයාලා කට්ටියගෙන්ම මට පොඩි සහයෝගයක් ඕනෙ වෙලා තියෙනවා.

ඔය රීඩර්, සින්ඩි, මොක තිබුනත් කෙනෙක් බ්ලොග් පෝස්ට් එකක් කියවන්න එන්නෙ තමන් ගිය බ්ලොග් එකක බ්ලොග් රෝල් එකේ දැක්කාම තමයි වැඩි වශයෙන්ම.

ඉතින් මට සහයෝගය දැක්විය හැකි ක්‍රම දෙකක් තියෙනවා දැනට.

පළවෙනි එක මගේ දැනට අප්ඩේට් වෙන HeyDude සහ මට හිතෙන හැටි සහ මේ මොහොතේ අප්ඩේට් නොවෙන මගේ ඩෙනිම බ්ලොග් වල ලින්ක් ඔයාලගේ බ්ලොග් රෝල් වලට එකතු කිරීමෙන්. මම කරන්න යන්නෙ මගේ ඩෙනිමට අනිත් බ්ලොග් දෙක තුලින් පිවිසීමට අවස්ථාවක් දෙන්නයි.

මෙන්න ලින්ක් තුන බ්ලොග් රෝලෙ එල්ලන්න

dude-heydude.blogspot.com

matahithenahatty.wordpress.com

http://bluejeansntshirts.blogspot.com

දෙවෙනි එක මගේ ඩෙනිමේ අර උඩින් තියෙන Follow by email කියන තැන ඔයාලගේ ඊ මේල් ලිපිනය දාලා submit කිරීමෙන්.

එහෙනම් කරමුද වැඩේ?

බොහෝම ස්තුතියි.

 
ප්‍රතිචාර 10

Posted by මත මාර්තු 23, 2013 in Uncategorized

 

118. ඩයට් කෙරුවාව ගැන ඔබ (නො)දත් දේ.

118. ඩයට් කෙරුවාව ගැන ඔබ (නො)දත් දේ.


ආතතිය අඩු කරන ආහාර සැලැස්මක්
/ STRESS DIET.


උදෑසන ආහාරය:

දොඩම් ගෙඩියකින් භාගයක්
කර කරන ලද දුඹුරු පාන් පෙත්තක්
යොදය ඉවත් කරන ලද කිරි මිලී 300ක්
කැෆේන් රහිත කෝපි.


දිවා ආහාරය:

ග්‍රිල් කරන ලද කුකුල් මස් ග්‍රෑම් 80ක්
වාෂ්පයෙන් තම්බන ලද කැරට් අලයක්
ග්‍රීන් ටී හෝ කොල කැඳ කෝප්පයක්
චොක්ලට් ආලේපිත වේෆර් විස්කෝතු එකයි.


සවස තේ වේල:

චොක්ලට් ආලේපිත වේෆර් විස්කෝතු වල ඉතිරිය
අයිස්ක්‍රීම් ලීටර් එකයි.
වටලප්පන් හෝ කිතුල් පැණි සමග කිරි හට්ටියක්.


රාත්‍රී ආහාරය:

පාන් ගෙඩි දෙකයි
විශාල පීට්සා එකයි
සුදු හෝ රතු වයින් වීදුරු 6යි.
මාර්ස් චොකලට් බාර් 3යි.


ඩයට් කෙරුවාව ගැන ඔබ (නො)දත් දේ.

  1. ඔබ රහසින් කන දේවල කැලරි අඩංගු නොවේ.
  2. ඩයට් කෝලා බොමින් කන චොකලට් වල ඇති කැලරි, ඩයට් කෝලා වලින් අවලංගු වේ.
  3. තවත් කෙනෙක් සමග ආහාර ගන්නා විට, ඔබ අනෙකාට වඩා අඩුවෙන් කොටා බාන්නේ නම්, ඔබේ කැලරි ගනන් නොගැනේ.
  4. ඖෂධීය අරමුණු සඳහා ගන්නා ආහාර වල අඩංගු කැලරි කිසිසේත්ම ගනන් නොගැනේ. (උදාහරණ: කෝපි, බ්‍රැන්ඩි)
  5. සිනමාවට අදාල අහාර (උදාහරණ: පොප් කෝන්, අයිසි චොක්ස්, චොකලට් පාන) විනෝදාස්වාද පැකේජයේම කොටසක් වන බැවින් කැලරි අඩංගු නොවේ.
  6. විස්කෝතු කුඩුවල කැලරි අඩංගු නොවන්නේ, ඒවා කුඩුවීමේ ක්‍රියාවලියේදී කැලරි පිටවන නිසාය.
  7. කෑමක් පිළියෙල කරන විට හැඳිවලින් සහ පිහි තලවලින් ලෙවකන දෑවල කැලරි අඩංගු නොවන්නේ, කැලරි සම්පූර්ණ ආහාරයක කොටසක් බවට පත්වීමට නම් ආහාරය පිසීම අවසන්වී තිබිය යුතු නිසාය. (උදාහරණ: හැන්දෙන් ලෙව කන අයිස්ක්‍රීම්, උකුකිරි, පිහිතලයෙන් ලෙව කන අයිසිං වැනි දේ)
  8. සමාන වර්ණයෙන් යුතු ආහාර වල ඇති කැලරි සංඛ්‍යාව සමානවේ. (උදාහරණ:
    නිවිති සහ කොල පැහැති ජෙලි,
    බිම්මල් සහ වැනිලා අයිස් ක්‍රීම් හෝ සුදු චොකලට්.)

සටහන: යොදය ඉවත් කල කිරි සමග බීමෙන් තේ කෝපි වල අඩංගු කැෆේන් මෙන්ම කැපුචීනෝ හෝ චොකලට් පාන වල අඩංගු මේද සහ සීනි වල ඇති හානිකර ගුණය උදාසීන වේ.

ප. ලි.: 


PLEASE DON’T TRY THIS AT HOME.

 මගේ සහෘදයා කෙන්ජි වර්ඩ්ප්‍රෙස් එකෙන් මේක කියවලා මෙහෙම කිව්වා.

>>හෙන්රි; බොලාට පිස්සුද?නොදරුවෝ මේවා බලල ඇත්තටම කෑවොත්?<<

මම හිනාවෙලා නිකං හිටියා. මෙන්න කෙන්ජියා බ්ලොගර් වලින් කියවලා මෙහෙමත් කියලා.

>>හෙන්රි,මේකෙ අන්තිමට මොනව හරි විස්තරයක් ලියන්න.නැත්නම් කෙට්ටුවට ඉන්න නංගිලා/මල්ලිලා ඔහොම ඇත්තටම කාල මල කෙලියක් වෙනවා:).<<

ඇයි මේකා මෙච්චර මෙහෙම කියන්නෙ? මම විහිලුවටනෙ මේක ලිව්වෙ. ඇත්තෙන්ම ලිව්වෙ  නෙවෙයි.  සුලු සුලු වෙනස්කම් ඇතිව පරිවර්තනය කලේ. පස්සෙ අනිත් කමෙන්ට්සුත් කියවනකොට මට තේරුනා කෙන්ජි හරි කියලා. සමහර යාලුවො මේක සිරාවට අරගෙන. කෙන්ජි හරි. වෝර්නිං එකක් දාන්න වෙනවා.

මේක විහිලුවක් බොලල්ලා. මේක කරන්න යන්න එපා. මේ තමයි මිනිස් මොලය වැඩ කරන ආකාරය පිළිබඳව උදාහරණයක් හාස්‍යජනක විදියට  ඉදිරිපත් කරපු එක් අවස්ථාවක්. මෙතන සිරා පණිවිඩයක් තියෙන්නෙ. හුඟක් වෙලාවට අපි කරන්නෙ අපේම හිත රවටා ගැනීමයි. උදේට සහ දවල්ට මහ ලොකුවට ප්ලෑන් කරලා අරෙහෙම කෑවට, ඇරියස් එක්ක අල්ලනවා ටික වේලාවකින්, හවස තේ වේලෙ ඉඳලා.

අනික අර දීලා තියෙන නිදහසට කරුණු, අපි එකම දවසෙ නැතත්, වරින් වර අපිවම රවටාගන්න අපිටම දෙන නිදහසට කරුණු නොවෙයිද?

ඔන්න කිව්වා. PLEASE DON’T TRY THIS AT HOME.

DSCN2850 - Copy

My thanks to Allen Pease.

Simulblogged @ මගේ ඩෙනිම My Blue Jeans

 

ටැග: ,

117. සැබෑම වෙනසක්! Parallel Blogging!

117. සැබෑම වෙනසක්! Parallel Blogging!

අපි වරක් කියෙව්වා පොතක් Men Are From Mars, Women Are From Venus ද කොහෙද කියලා. දෙගොල්ලන්ගෙ තියෙන ජානමය වෙනස් කම් ගැන.

මේ ඒ පොතෙන් නොවුනත් මේත් දෙගොල්ලන්ගෙ මොළවල ඇති වෙනස් කම් ගැන Allen Pease ගෙ The Ultimate Book of Rude and Politically Incorrect Jokes කියන පොතේ තිබිච්ච පින්තූරයක්. ඒ පොතේම ඕනෙ නම් ෆෝටෝ කොපි කරලා යාලුවන් අතර බෙදා ගන්න කියලා කියලා තියෙන නිසා කොපි රයිට් ප්‍රශ්ණත් නෑ..

එහෙනම් මෙන්න වෙනස.

පිරිමි මොළය

පිරිමි මොළය

පිරිමි මොළය Male Brain

නමුත් මේක ඉංග්‍රීසියෙන්ම තේරුම් ගන්න උත්සාහ කරන එක වඩා හොඳයි. බැරිම නම් විතරක් පහතින් තියෙන ගැට පද විවරණය පාවිච්චි කරන්න.

ගැට පද විවරණය:

SEX: විස්තර කිරීම අනවශ්‍යයි

Impulse to lie and exaggerate: බොරු කීම සහ අතිශයෝක්තියට ඇති පෙළඹීම

Sports Center: ක්‍රීඩා මධ්‍යස්ථානය

Dangerous Foolish Pursuits: භයානක  අමන ක්‍රියා

Food to Fart Converter: ආහාර > ගුද වාත (පඩ)  පරිවර්තකය

TV and Remote Control Addiction Center: රූපවාහිණී සහ දුරස්ථ පාලක ඇබ්බැහිය

Lame Excuses Gland: කිසිසේත් පිළිගත නොහැකි නිදහසට කරුණු ගෙනහැර පෑමේ ග්‍රන්ථිය

Avoid Personal Questions Segment: පෞද්ගලික ප්‍රශ්ණ මග හැරීමේ කොටස.

Ability to find things in the fridge and cupboards: ශීතකරණයේ සහ කබඩ්වල ඇති භාණ්ඩ සොයා ගැනීමට ඇති හැකියාව

Listening Neuron: (කාන්තාවන්ගේ නොමඳ දෝශ දර්ශනයට ලක් වන ඒ) ඇහුන්කන් දීමේ නියුරෝනය

Asking for directions micron: පාර ඇසීමේ මයික්‍රෝනය (අංශුව)

Domestic Skills:ගෙදර දොර වැඩ කිරීමට ඇති කුසලතා

Ironing Skills: ඇඳුම් මැදීමේ කුසලතා

Crotch scratching nerve: ඉකිලි (කුට්ටම) කැසීමේ ස්නායුව

Toilet Aiming cell: කොමෝඩයට නිවැරදි එල්ලය ගැනීමේ සෛලය

Hearing children in the middle of the night neuron: මැදියම් ‍රැයේදී දරුවන් හඬන ශබ්දය ඇසීමේ නියුරෝනය

මම මේ පිරිමින්ට මඩ ගහන්න උත්සාහ කරනවා කියලා වරදාවා හිතන අය ගැහැණු මොළය ගැන දැන ගන්න මෙතන ඔබන්න. ටැබ් දෙකක ඇරගත්තොත් තමයි වඩා හොඳ!

 

ටැග: , ,

116. මූ එන්නෙම මගෙ ඇහැට අනින්න / Cool English Language!

116. මූ එන්නෙම මගෙ ඇහැට අනින්න / Cool English Language!

කොලොම්බියාවේ මහාචාර්ය Ernest Brennecke විසින් එක් වචනයක් පමණක් යෙදෙන තැන වෙනස් කිරීමෙන් අදහස් අටක් ගත හැකි වාක්‍යයක් නිර්මාණය කර තිබෙන බව මට අන්තර්ජාලයෙන් හොයාගන්නට ලැබුනා.

henryblogwalker

වාක්‍යය “I hit him in the eye yesterday.”

henryblogwalker

වචනය “ONLY”

henryblogwalker

Professor Ernest Brennecke of Columbia is credited with inventing a sentence that can be made to have eight different meanings by placing ONE WORD in all possible positions in the sentence: “I hit him in the eye yesterday.”

henryblogwalker

That one word is “ONLY”

henryblogwalker

henryblogwalker

1.ONLY I hit him in the eye yesterday. (No one else did.)

1.මමයි ඊයෙ එයාගෙ ඇහැට ගැහුවෙ. (වෙන කවුරුත් ගැහුවේ නෑ.)

henryblogwalker

2.I ONLY hit him in the eye yesterday. (Did not slap him.)

2.මම ඊයෙ එයාගෙ ඇහැට ගැහුවා විතරයි. (කණට ගැහුවේ හෙම නෑ.)

henryblogwalker

3.I hit ONLY him in the eye yesterday. (I did not hit others.)

3.මම ඊයෙ එයාගෙ ඇහැටයි ගැහුවෙ. (වෙන කාගෙවත් නෙවෙයි.)

henryblogwalker

4.I hit him ONLY in the eye yesterday. (I did not hit outside the eye.)

4.මම ඊයෙ එයාගෙ ඇහැටමයි ගැහුවෙ. (ඇහැ වටේට නෙවෙයි.)

henryblogwalker

5.I hit him in ONLY the eye yesterday. (Not other organs.)

5.මම ඊයෙ එයාගෙ ඇහැට විතරයි ගැහුවෙ. (වෙන අවයවයකට නෙවෙයි.)

henryblogwalker

6.I hit him in the ONLY eye yesterday. (He doesn’t have another eye..)

6.මම ඊයෙ එයාගෙ එකම ඇහැටයි ගැහුවෙ. (එයාට එක ඇහැයි තියෙන්නෙ.)

henryblogwalker

7.I hit him in the eye ONLY yesterday. (Not today.)

7.මම එයාගෙ ඇහැට ගැහුවෙ ඊයෙයි. (අද ගැහුවේ නෑ.)

henryblogwalker

8.I hit him in the eye yesterday ONLY. (Did not wait for today.)

8. මම ඊයෙම එයාගෙ ඇහැට ගැහුවා. අද වෙනකල් හිටියෙ නෑ.

henryblogwalker

ප. ලි.: මේ අන්තිම වාක්‍යයට නම් ONLY යෙදන හැටි දැක්කාම මට හිතෙන්නෙ මේකෙ යම් කිසි ඉන්දියානු ඉංග්‍රීසි ගතියක් තියෙන බවයි. Professor Ernest Brennecke of Columbia කිව්වාම මම මුලින්ම හිතුවෙ අමෙරිකා එක්සත් ජනපදයේ ඇති Columbia දෙකෙන් එකක් කියලා. නමුත් මේ නමින්ම රටකුත් තියෙනවනෙ දකුණු අමෙරිකාවෙ. මේ කොයි එකද කියන එකත් පැහැදිලි නෑ.

henryblogwalker

කොහොම හරි ඒ වාක්‍ය නැතුව හරි මේක ලස්සන වැඩක් කියලා නම් මට හිතෙනවා, කවුරු හැදුවත්.

blackeye

henryblogwalker

 

ටැග: ,