RSS

Category Archives: නිර්මාණ

181. ට්‍රෑන්ස්ෆෝර්මර්ස් / Transformerers In Real Life / Citroën 2CV


Photomontagemotoav

Mad Max

හොලිවුඩ් සිනමාවට ලැබුන ඕස්ට්‍රේලියානු දායාදය වන මෙල් ගිබ්සන් ප්‍රධාන චරිතය රඟපෑ Mad Max නම් ඕස්ට්‍රේලියානු චිත්‍රපටය ඔබ බලලා තියෙනවද? විශේෂයෙන්ම Mad Max 2? එතකොට, අසූව දශකයෙ විතර පෙන්නපු ලෝක ප්‍රකට අමෙරිකානු ටෙලි කතා මාලාවක් වන MacGyver බලලා තියෙනවද? මැක්ගයිවර් කියන වචනය අදත් ව්‍යවහාර වෙන්නේ.

MacGyver ඉතාම සීමිත සම්පත් යොදාගෙන, තමන්ට අවශ්‍ය නිර්මාණය ඕනෑම තත්වයක් යටතේ කරන්න හැකි උපාය ශීලී, තීක්ෂණ බුද්ධියක් ඇති, නිර්මාණශීලී, බහුකාර්ය පුද්ගලයෙක් ගැන විස්තර කරන්නයි. මම මේ ඔබට කියන්න යන කතාව ඇහුව ගමන්ම මගෙ හිතට ආවේ මෑඩ් මැක්ස් සහ මැක්ගයිවර් සුසංයෝගය.


1993 වසරේ මේ සිද්දිය වෙද්දී හතලිස් තුන් හැවිරිදිව සිටි ප්‍රංශ ජාතික විදුලි කාර්මිකයෙකු වූ Emile Leray (එමිල් ලරේ) ගැන මේ කතාව කියවද්දි මට මුලින්ම මේ කතාව විශ්වාස කරන්න අමාරු වුනා. මොකද, ඕනෙ තරම් අමූලික බොරු ප්‍රවෘත්ති අන්තර්ජාලයෙ වගේම, මුද්‍රිත මාධ්‍යයෙත් කියවන්න දකින්න හැකි නිසා.

Road map

එමිල් අප්‍රිකානු මහාද්වීපයට පෙම්බැඳි ප්‍රංශ ජාතිකයෙක්. 1993 වසරෙදි, එමිල් ඊසාන දිග අප්‍රිකාවේ මොරොක්කෝවේ Tan Tan නගරයෙන් පිටත්වී, මොරොක්කෝ සහරා කතර හරහා Zagora නගරය බලා ඔහුගේ Citroën 2CV වර්ගයේ මෝටර් රථයෙන් තනිවම ගමන් කරද්දි අනතුරකට ලක්වෙනවා.

සාමාන්‍ය පුද්ගලයෙක් නම් අන්ත අසරණවෙන මේ මොහොතේ, පරාජය බාර ගෙන පසුබසින්න සූදානම් වෙන්නේ එමිල් නොවෙයි. දින දහයකට සෑහෙන කෑම බීමත්, මෙවැනි අනතුරුදායක ගමනකට අත්‍යාවශ්‍ය වන ආවුද පෙට්ටියට සහ අමතර රෝදවලට අමතරව, ඔහු ඇණ, මුරිච්චි, යකඩ කපන කියතක් වැනි මූලික ආවුද කීපයක් Citroën රියේ දමාගෙන යි ගියේ.

800px-Citroen_2CV_-_Flickr_-_mick_-_Lumix

මුල්ම පසු බෑම ඇතිවෙන්නෙ එමිල් Tan Tan පසු කර තරමක් දුර ගමන් කරද්දි ඒ දිනවල මොරෝක්කෝව සහ බටහිර සහරාව අතර පැවති ගැ‍ටුමේ ප්‍රතිඵලයක් ලෙස Tilemsem ප්‍රදේශයට ඔබ්බෙන් ඇතිවූ අලුත් තත්වයක් නිසා ඔහුව නවතා ආපසු යවන හමුදා මුරපොලේදියි. එහිදී තරමක උණුසුම් කතාබහක් ඇතිවෙන්නේ, ආපසු හැරී යාමට ලැබෙන අණට අමතරව, එමිල්ට මුරපොලේ සිට තවත් නාඳුනන මගියකුද ‍රැගෙන යන යන ලෙස භටයන් බලපෑම් කිරීම නිසයි. සැබවින්ම ආපසු TanTan වෙත යාමේ අදහසක් එමිල්ට තිබුනේ නෑ. අමතර මගියකු ‍රැගෙන ගියහොත්, තමාගේ රක්ෂණ ගිවිසුමේ කොන්දේසියක් උල්ලංඝණය වන බව කියන එමිල් ඒ ඉල්ලීම තරයේ ප්‍රතික්ෂේප කරනවා. අප්‍රිකානු රටවල, මෙවැනි හදිසි අවස්ථාවක මගියෙකු රියේ නංවාගෙන යාමට කෙරෙන ඉල්ලීමක් ප්‍රතික්ෂේප කිරීම නොකල යුතු දෙයක් හැටියට සැලකෙන බව එමිල් හොඳින් දැනසිටියත්, තමා එවැනි සිරිතක් පිළිබඳ අවබෝධයක් නොමැති ‘විදේශික සංචාරකයකු’ බව ඔහු ඔවුනට දැනෙන්නට ඉඩ හරිනවා. මෙයින් සෙබලු තවත් උරණ වෙනවා. මිලිටරි බලයට අමතරව, සිවිල් බලතලද සතු ‘gendarmarie’ යනුවෙන් ප්‍රංශ බසින් හැඳින්වෙන මේ අවි දරන සෙබලුන් සමග තර්ක කිරීම භයානක බව තේරුම් ගත් එමිල්, ආපසු හැරී කිලෝ මීටර් කිහිපයක් ගමන් කර, මුරපොල මග හැර තමාගේ මුල් ගමනාන්තය යාම පිනිස සහරාව මැදින් වැ‍ටුනු වෙනත් අතුරු පාරකට හැරෙනවා.

Photomontagecarte

“4X4 ධාවනය නොමැති වුනත් , මේ ප්‍රදේශයේ ඉතාම සුලභ Citroën 2CV මාදිලියේ මෝටර් රථය මා ‍තෝරාගත්තේ එහි ඇති ඔරොත්තු දීමේ ගුණය නිසාමයි. 2CV රථය අප්‍රිකාවේ අනවර්ත නාම ගනනාවක් භාවිතා වෙනවා. යකඩ ඔ‍ටුවා (Steel Camel) ඉන් එකක්. එසේ කියන්නෙ ඕනෑම තැනක ගමන් කිරීමට ඊට හැකි ඔරොත්තු දීමේ හැකියාව නිසයි. නමුත් මේ යකඩ ඔ‍ටුවන් ඉතාම මෘදුව හසුරුවන්න ඕනෙ. එතකොටයි ඔවුන්ගෙනුත් ඒවගෙම විශ්වාසනීය සේවයක් ලැබෙන්නෙ. නමුත් එදා මට බැරි වුනෙත් ඒක. මුර පොලේදි ඇතිවුන ආවේගයත් නිසාමදෝ මම ඉතාම රළු ලෙස තමයි රිය පැදවුනේ,” එමිල් පසුව කියනවා.

සහරා කතර හරහා දිවෙන වල ගොඩැලි ගහන අති දුෂ්කර ම‍ඟේදී මඳකට පාලනයෙන් තොරව යන රිය විශාල ගල් ගෙඩියක වැදී නතර වෙනවා. වහා වාහනයෙන් එලියට බැස සිදුවූ හානිය පරීක්ෂා කරන එමිල් දකින්නේ මේ අනතුරින් රියේ අවලම්බන (suspension) පද්ධතියේ swing arm එකකුත් රෝද ඇක්සලයකුත් යලි ධාවනය කල නොහැකි ආකාරයට හානි වී ඇති බවයි.

එමිල් තමා අතරමං වී ඇත්තේ, කිට්‍ටුම මිනිස් වාසයෙන් අවම වශයෙන්, කිලෝමීටර් 32 ක් පමණ ඈතින් බව අනුමාන කරනවා.

එමිල් පසුව Sunday Times පුවත්පතට කල ප්‍රකාශ කලේ, “මම මින් පෙර අප්‍රිකානු මහාද්වීපයේ දහ වතාවකට වැඩිය රවුම් ගසා පළපුරුද්දක් තිබුන නිසා ප්‍රදේශය හොඳින් දැන සිටියා. ඒ නිසාම මට ඒ හැටි චකිතයක් දැනුනේ නෑ,” යනුවෙනුයි.

‘ඉතින් අවශ්‍ය තරම් කෑම සහ ජලය තිබුනනම් පයින් ඇවිදගෙන යන්න තිබුනනෙ.’ මේ මගෙ හිතට නැගුන පළවෙනි ප්‍රශ්ණෙ.මේ ප්‍රශ්ණෙම තවත් කිහිප දෙනෙකුට ඇතිවෙලා තිබුන බව මම මේ ගැන අන්තර්ජාලයේ සොයා බලද්දී දු‍ටුවා.

“ඒක පයින් යන්න දුර වැඩියි.” ඒ එමිල් මුල් ලිපියෙම කවුරුත් ඒ ගැන ප්‍රශ්ණ කරන්නත් කලින් කියපු දේ. සමහර විට ශුෂ්ක කාන්තාරයක, වතුර සහ කෑමත් ‍රැගෙන සුදුසු ඇඳුම් සහ පාවහන් නොමැතිව තරණය කිරීම බොහෝ විටගෙදර සුවපහසුවට ඉඳගෙන ලැප්ටොප් තිරයකින් මෙය කියවන අපි සිතින් මවාගන්නා චිත්‍රයට වඩා වෙනස් දෙයක් වෙන්න පුලුවන්.

තමාට ඉතිරි වී ඇති සීමිත විකල්ප කිරා මැන බැලූ එමිල් ‍තෝරා ගන්නා විසඳුම කාන්තාරෙ පයින් තරණය කිරීමටත් වඩා පිස්සු අදහසක් හැටියටයි බැලූ බැල්මට පේන්නෙ. වහිනකොට, ගොරවනකොට ගොඩබිම යන වාහන වයිපර් දාගෙන හෙමින් ගියාට, ජෙට් ගුවන් යානා වලාකුලට උඩින් පියාඹනවා වගේ, විවිධ පුද්ගලයෝ ප්‍රශ්ණ වලට මුහුණ දෙන්නෙ විවිධ ආකාරයට. හැම විටම වෙනස් ආකාරයට සිතන එමිල් අනතුරට පත්වූ Citroën 2CV රථයේ කොටස් යොදාගෙන කාන්තාරෙන් එලියට පදවාගෙන හැකි මෝටර් සයිකලයක් නිර්මාණය කර ගැනීමට අදහස් කරනවා. ඒ එක්කම ඔහු තමාට මුහුණ දීමට සිදුවන තාක්ෂණික අභියෝග වැල මනසින් පෙලගස්වා විසඳුම් සොයා බලනවා.

සාමාන්‍ය තත්වයක් යටතේ නම් මේ විශ්වකර්ම ක්‍රියාව කිරීමට තාක්ෂණික ඥානය, හැකියාව සියළු පෑස්සුම්- කැපුම් උපකරණ වලින් සමන්විත අංග සම්පූර්ණ වාහන අලුත් වැඩියා කිරීමේ වැඩපලකුත්, තවත් කිහිප දෙනෙකුගෙ ශ්‍රමයත් අවශ්‍ය කලත්, එමිල් මේ ගිණිගෙන දැවෙන සුප්‍රසිද්ධ සහරා කතර මැද, තනිවම මේ කාර්යයට අත ගහනවා. ඔහුගේ චිත්ත ධෛර්යය, නොපසුබට උත්සාහය සහ ආත්ම විශ්වාසය ඉතාම පුදුම සහගතයි.

“මම කෙලින්ම දිවි ‍රැකගෙන ගැලවී යාමේ මෙහෙයුමට සැරසුනා. (I entered the survival mode). කෑම සහ වතුර හැකි උපරිම කාලයකට සෑහෙන සේ පාවිච්චිය වහාම අවම කරගත්තා.” එමිල් පසුව කිව්වා.

පසුදා උදෑසනම ඔහු Citroën 2CV මෝටර් රියේ බොඩිය චැසියෙන් වෙනම ගලවා ගෙන කාන්තාර සැඩ හිරු ‍රැසින් හා වැලි කුණා‍ටුවලින් බේරී සිටීමට ආවරණයක් සේ මෙන්ම, ඇට මිදුලු ගල් වන ක‍ටුක ශීත කාන්තාර රාත්‍රියට ආවරණය වී නිදා ගැනීමට කූඩාරමක් හැටියටත් යොදා ගන්නවා. මේ රථයට එහි විසුළු පෙනුම නිසාම දී තිබුනු තවත් අනවර්ථ නාමයක් නම් ‘රෝද සවිකල කුඩය’ (Umbrella on wheels) යන්නයි.

නවීන මෝටර් රථවලනම් මේ ආකාරයට ලොරියක, බස් රියක හෝ වෑන් රියක මෙන් වෙන් කල හැකි චැසියක් සහ බොඩියක් එන්නේ නෑ. ඒවා එකිනෙකට ඒකාබද්ධ කර (unity construction) එන්නේ. නමුත් Volkswagen Beetle (VW) සහ තවත් එවැනි මාදිලි කීපයක පමණක්, ඒ ආකාරයට චැසියෙන් වෙන් කල හැකි බොඩියක් එනවා. එමිල්ගේ Citroën 2CV රථයක් එවැනි එකක්.

මේ ගැන මමත් මුලින්ම සැක කලත් මෙය කල හැකි බව පෙන්වන “Mythbusters 10 – Comment transformer une Citroën 2CV en moto” නම් YouTube වීඩියෝවක් මම නැරඹුවා . ඔවුන් පෙන්වාදුන් ආකාරයට Citroën 2CV රථයේ බොඩිය බෝල්ට් ඇණ කිහිපයකින් පමණයි චැසියට සවි වී තියෙන්නේ. නමුත් වරදවා වටහා ගන්න එපා, ඒ ඉතාම ශක්තිමත් ආකාරයට. මේ රියේ දොරවල් බොනට්‍ටුව සහ බොඩිය ඉතාම පහසුවෙන් ගලවා ඉවත් කල හැකි බව ඒ වීඩියෝව සාක්ෂි සපයනවා.

දෙවෙනි ලෝක යුද්ධයට පෙර සැලසුම් කර, නට්සීන්ට හසු නොවන සේ යුද සමයේදී සඟවා තැබූ Citroën 2CV ව්‍යාපෘතිය, ප්‍රංශයේ TPV යන කාණ්ඩයට අයත් රථයක්. කවුරුත් SUV – Sports Utility Vehicle යන වාහන කාණ්ඩය නම් අද හඳුනනවා. TPV යනුවෙන කෙටිකර ඇත්තේ ප්‍රංශ බසින් Toute Petite Voiture – ඉංග්‍රීසි බසින් Very Small Car හෝ අද හැඳින්වෙන ආකාරයට very compact car / (economy car) යන්නයි.

මෙයත් ජර්මනියේ Volkswagen මෙන්ම පොදු ජනතාව වෙනුවෙන්ම නිමැවූ වාහනයක්. ඇතැම් විට VW ටත් වඩා දුර වඩා දුර ගිය සංකල්පයක්. ඉදිරි රෝද වලින් පැදවෙන, ඉදිරිපස සවිකල එන්ජිම සහිතව නිමැවූ මේ රිය ඉලක්ක කලේ සාමාන්‍ය ගොවි ජනතාවටයි. එය ඉතාම සැහැල්ලුව මෙන්ම, අඩුම පිරිවැයකින් නිශ්පාදනය වුනේ අඩුම මිලකට විකිණිය හැකි ආකාරටයි. මුලින්ම, පෙට්‍රල් ලීටරයකින් වැඩිම දුරක් ගමක් කල හැකි, සුලඟින් සිසිල්වන 375CC-9HP සිලින්ඩර දෙකේ. තිරස් එන්ජිමක් සහිතව නිපැයූ මෙම රිය, පසුව ක්‍රමයෙන් 600CC 29HP එන්ජින් දක්වා ධාරිතාවය වැඩි කරනවා.

පොලොවේ සිට වැඩි පරතරයක් සහ මෘදු අවලම්බන පද්ධතියක් සහිතව නිමැයූ මෙම වාහනයට, ගොවි පොලවල රළු බිමේ, කිලෝ පනහක පමණ ගොවි නිශ්පාදන පටවාගෙන පැකිමී 48 ක උපරිම වේගයකින් පහසුවෙන් යා හැකි වුනා. බිත්තර පටවාගෙන ඒවා නොබි‍ඳෙන සේ පෙරලූ පසක් සහිත ගොවි බිමක් හරහා යාමට හැකි ආකාරයටයි මෘදු අවලම්බන පද්ධතිය සැලසුම් කර තිබුනේ. මේ වාහනේ ත්වරනය (acceleration) පිළිබඳව නම් පුරසාරම් දොඩන්න තරම් ආටෝප වාර්තා නැති වුනත්, ( 2CV අයිතිකරුවන්ම විහිළුවට කියන කතාවක් තමයි මේක පැයට හැතැප්ම 0 ඉඳං 60 යන්න දවසක් වගේ ගන්නව කියන එක. 😀 / “from 0–60 in one day”.) මේ පැරණි වාහනයට තිබුනේ සමකාලීන වාහන වලට වඩා ඉදිරියෙන් තිබූ, රියේ පෙනුමට නොගැලපෙන විශ්මිත තාක්ෂණයක්.

මුල්ම වාහනයේ ඇතුලත ඉඩකඩ ගැන කතා කලොත් උස රියැදුරෙකු හිස්වැස්මක් පැලඳ වාහනය පදවන්නේ නම් බෙල්ල නොනවා රිය පැදවීමට කැන්වස් වහලය විවෘත කිරීමට සිදුවුනා.

දැන් නැවතත් සහරාව මැද අතරමංවී සිටින එමිල් වෙත ආවොත්, මෝටර් සයිකලයක් සාදා ගැනීමට නම්, බොඩිය ගලවා දමා වෙන් කරගන්නා Citroën 2CV චැසිය කපා කොට කර ගෙන එයට ඇක්සල් සහ රෝද දෙකක් සවිකර ගත යුතු වෙනවා. ඒ එක්කම එන්ජිම සහ ගියර් පෙට්ටිය එහි මැද කොටසට ඇමිණිය යුතු වෙනවා. එමිල් යකඩ කපන කියතෙන් චැසියේ කොටස් කපා දමා කපා කොට කිරීමට පටන් ගන්නවා.

මුලින් කීවාක් මෙන් කාන්තාරයක අතරමං වී සිටිනා අයෙකුට විදුලි විදුම් උපකරණ, වෙල්ඩිං ලාම්පු, වැනි දේ නොමැතිව මූලික ආවුද කිහිපයකින් මෝටර් සයිකලයක් නිර්මාණය කිරීම නම් ප්‍රාතිහාර්යයක්. එමිල් ලෝහ කොටස් සම්බන්ධ කරන්නේ ඇණ මුරිච්චි වලින්. ඔහු ඇණ රිංගවීමට හැකි තාක් දුරට චැසියේ විද තිබූ තිබුණු සිදුරු භාවිතා කලත් සැමවිටම එසේ කල නොහැකිව සිදුරු විදගැනීමට සිදු වෙනවා. එවිට ඔහු ගනකම් තහඩු කොටස් අංශක අනූවකින් නැවීමෙන් ලෝහය දුර්වල කොට යකඩ කපන කියතෙන් හා රවුම් පීරෙන් පීරිගා ගනකම අඩු කරගෙන ඉන්පසු පොංචියෙන් හා මිටිය ආධාරයෙන් සිදුරු සාදාගෙන තහඩුව ආපසු දිගහරිනවා.

 

Photomontage2b

Photo Daniel Denis –  2CV Magazine

 

එන්ජිමත් රෝදත් එක කෙලින් සවිකර ගැනීම සඳහා රෝද හතරම මුලුමනින් ඉවත්කර රෝද දෙකක් චැසියේ ඇතුල් පැත්තෙන් නුහුරට සවිකර ගැනීමට සිදුවෙනවා.3
එන්ජිමෙන් ලැබෙන බලය අවර කඳේ ඇති කරකැවෙන ලෝහමය බ්‍රේක් ඩ්‍රම් කොටස හරහා කෙලින්ම රෝදය මත ක්‍රියා කරන නිසා සරළම භෞතික විද්‍යා නියමයන්ට අනුව රථය ඉදිරියට ධාවනය කල හැක්කේ රිවර්ස් ගියරයේ පමණයි. ගියර් පෙට්ටිය ගලවා මෙය වෙනස් කිරීමට හැකි වුවත්, වැලි සහිත සහරාවේ එවැනි දෙයකට අතගැසීම අනවශ්‍ය කරදර ‍රැසකට අත්වැනීමක් බව වටහා ගන්නා ඔහු, එය එලෙසම තියෙන්නට හරිනවා.

Inboard brakes

ඔබ මෝටර් රථ තාක්ෂනය ගැන උනන්දු නම්, පමණක් මේ මේ සටහන ඔබටයි. ඉදිරිපස එන්ජිම (front mounted engine) සහ ඉදිරි රෝද එලවුම (front wheel drive) සහිත රියේ ඉදිරිපස තිබුනේ inboard brakes. නැතිනම් රෝදයට සවි නොකර චැසියට සවිකල තිරිංග. ඩිෆරන්ෂලයට යාබදවම තිබුනු බ්‍රේක් ඩ්‍රම් වල සිට රෝදයට බලය සැපයුනේ ඩ්‍රයිව් ෂාෆ්ට් එකක් හරහා. තවත් පැහැදිළි කරහොත් ඩිෆරෙන්ෂලයත් රෝදයත් අතරමගයි තිරිංග තිබුනේ. අපි දන්න වාහනවල වගේ රෝදෙ නෙවෙයි.

එන්ජිමේ සම්පූර්ණ බලයම ඩිෆරෙන්ෂලය හරහා වම් පස ඇක්සලයට ලබා ගැනීම සඳහා එමිල් දකුණු පස ඇක්සලය නොකැරකෙන සේ සිරකරනවා.

Photomontage2cPhoto Daniel Denis – 2CV Magazine

මෝටර් සයිකල් අසුන සාදාගන්නේ වාහනයේ පසුපස බම්පරය කපා එයට ඩෑෂ්බෝඩ් එකෙන් ගලවාගත් අපොල්ස්ට්‍රි කොටස ඔතා එය තැඹිලි පැහැ ඇලෙන ටේප් යොදා අලවා ගැනීමෙන්.

හැන්ඩලය නිමවන්නේ රථයේ ජැක් ලීවරයෙන්. මෙයට ක්ලච් ලීවරයත් වාහනය පනගැන්වෙන ස්විචයත් සවි කරනවා. මේ 2CV විශ්මිත රථයේ බහුකාර්ය නිමැවුම ගැන කදිම අදහසක් මේ ජැක් ලීවරයෙන්ම ලබාගත හැකියි. මේ ජැක් ලීවරයෙන්ම එහි නියමිත රාජකාරියට (jack lever) අමතරව, එන්ජිම ඉදිරිපසින් ඇති සිදුරින් ඇතුල්කොට බැටරිය බැස ඇති විටක එන්ජිම පණ ගැන්වීමටත් (crank handle), රෝද ගැලවීමටත් (wheel brace) හැකියි.

Photomontage2dPhoto Daniel Denis – 2CV Magazine

මෝටර් රියේ අංක තහඩුව ගලවා මෝටර් සයිකලයට සවිකර ගන්නේ නීතිමය අවශය අරමුණකින් වුනත්, එයින් අරමුණ ඉ‍ටු නොවුන බව එමිල් පසුව වටහා ගන්නවා.

මෝටර් සයිකලයේ බර නිසාම පෙට්‍රල් කටේ සිට ටැංකියට දිවෙන බටය කපා පැති ආධාරකයක් (side stand) සාදා ගැනීමට සිදුවෙනවා

අත් කොට කමිසයක් ඇඳ සිටි ඔහු සැඩ හිරු ‍රැසින් බේරීමට මේස් කුට්ටමේ අඩිය කපා දමා අත්වලට ඇඳ ගන්නවා.

Photmontagesoupe

සහරාවේ ගිණියමට වේලී කරකුට්ටම් වූ පාන් ගෙඩි අඬුවෙන් කඩාගෙන වතුර දමා කාන්තාර සුප් එකක් සාදාගත්ත දවස් තියෙනවා

මේ දැවැන්ත සාර්ථකව නිම කරගැනීමටහැකි වේදෝයි යන අවිනිශ්චිතතාව එමිල්ට වද නොදෙනවා නොවේ. කොයි මොහොතේ හෝ යමක් වැරදී ගොස් සියළු උත්සාහයන් අසාර්ථකවී, වැඩපිළිවෙල අතහැර දැමීමට සිදුවිය හැකි බව ඔහු නිතර මෙනෙහි කරනවා.

Photomontagemotocp

අවසානයේ සියලු බාධා ජයගෙන, ඔහු සිහිනය සැබෑ කරගන්නවා. මෙය ඉතාමත්ම කාලය සහ ශ්‍රමය වැය වෙන ක්‍රියාවක් නිසාම, දින කිහිපයක් තුල නිම කර ගත හැකි වේයයි එමිල් මුලින් සිතූ මේ කාර්යය සඳහා ගතවන කාලය දින දොළහක්. ඉතිරි වී තිබූ වතුර ප්‍රමාණය ලීටර බාගයයි.

අවසාන දිනය ඔහු ගත කරන්නේ වාහනය පැද පරීක්ෂා කර බැලීමටත්, කඳවුරු බැඳතිබූ ස්ථානය පිරිසිදු කිරීමටත්ය.

Photmontagesite

ඔහු තමා සතුව තිබූ කුඩා කැමරාවේ ෂටරයට දිග නූලක් සම්බන්ධ කර වරින් වර තමාගේ ඡායාරූප ගැනීමටද අමතක කරන්නේ නෑ.

ඔහු තොං එකක් ඇඳගෙන ඉන්නෙ ඇයි කියා නම් මම දන්නේ නෑ. 😀

පාවිච්චි නොකල සියලු උපකරණ සහ වාහන කොටස් මෝටර් රියෙන් ගැලවූ බොඩිය තුල තැන්පත් කරන එමිල්, පසුදා සවස් වරුවේ තමා නිම කරන ලද Desert Camel යන අනවර්තනාමය යෙදූ Citroën 2CV මෝටර් රථ/ සයිකලයේ නැගී මිනිස් වාසයක් සොයා ගමන් අරඹනවා.

ඔහු එන්ජිමත්, ඉන්ධන ටැංකියත්, බැටරියත් සියල්ලන්ටම ඉඩ සලසා, තට්‍ටුවේ ඉතිරිකරගෙන තිබූ බඩු පටවාගෙන යාහැකි කොටසේ ඉතිරිව තිබූ කෑම ස්වල්පය, වතුර ලීටර් බාගය, නිදිබෑගය, ආවුද පෙට්ටිය, සිතියම්, මාලිමාව, කුඩා රබර් මෙට්ටයක් හා තුවායක් එකට සම්බන්ධකර සාදාගෙන තිබූ කූඩාරම යන සියල්ලම පටවාගන්නවා.

article-2168061-13E6FD3B000005DC-911_634x418

මෝටර් රථයේ පසු පස බම්පරය කොට කර සාදාගත් ආසනයෙන් නිතර බිමට ඇද වැටෙමින් කල ගමන සුව පහසු එකක් නොවේ.

Road mapSource: Google Maps

මම ගූග්ල් මැප්ස් වලින් ලබාගත් චන්ද්‍රිකා සිතියමට අනුව Tan Tan සිට ගමනාන්තය වූ Zagora වලට ඇතිදුර කිලෝමීටර් 674යි. Google Navigation ගණනය කිරීමට අනුව මෝටර් රථයකින් පැය 8 වි 37කින් තරණය කල හැකි දුරක්. එනම් පැයට කිලෝමීටර අසූවක පමණ වේගයකින් එක දිගටම ගමන් කලහොත් තමයි ඒ. නමුත් මේ කාන්තාරයක් හරහා වැටී ඇති රළු මගක් වගේම, මේ 1993 වසර බවත් අප අමතක කරන්න හොඳ නෑ.

Citroën 2CV රථ වල වේගය ගැන මම කලින් සඳහන් කලානේ. එමිල් පැදවූවේ වඩා අලුත් මාදිලියක් නිසා එහි වේගය ගැන මට අවබෝධයක් නැතිවුනත්, එය කිසිසේත්ම මෙවැනි මගක පැකිමී 80ක් නම් විය නොහැකියි. ඒ හැරත්, එමිල්ට දැන් මේ මුලු දුරම තරණය කිරීමට නොතිබුනත්, මම කලින් සඳහන් කරපු ආකාරයටම එමිල්ගෙ මෝටර් සයිකලයේ නිර්මාණයට අනුව ඉදිරියට ධාවනය කල හැකි වූයේ පැකිමී 20ක උපරිම වේගයෙන් රිවර්ස් ගියරයේ පමණයි. ඔහු වාහනයේ සුළු සුළු අලුත් වැඩියාවන්ට සහ වැඩි දියුණු කිරීම් සඳහා කිහිප වතාවක් නතර වෙනවා. රෑ බෝවූ පසු ඔහු මාර්ගය පසෙක රිය නවතා නින්දට වැටෙනවා.

ගමන් විඩාවෙන් සහ දින දොළහක දුෂ්කර ක්‍රියාවෙන් හෙම්බත්වී සිටින එමිල්ට, තමන් අසල නතරකල 4X4 මුර සංචාරක රථයේ හඬ හෝ ඉන් බැස ආ සෙබලුන් තිදෙනාගේ අඩි ශබ්දය හෝ ඇසෙන්නේ නෑ. ඔහුව සොලවා අවදිකරන එක් භටයෙක් තමන්ට Tilemsem වලදී මුණ ගැසුණු හිස උදුම්මවාගත් “සංචාරක සුද්දා” හඳුනා ගන්නවා.

සෙබලුන් ආපසු හැරී යාමට කල පැහැදිළි නියෝගයද නොතකා, තමන් මුරපොලේ සිට පටවා එවීමට තැත්කල මගියාද ‍රැගෙන යාමට ප්‍රතික්ෂේප කල, ‘හිස් උදුම්මාගත් පර සුද්දා’ තමන් ‍රැවටීමට ආපසු යන බව පෙන්නා, හොර පාරකින් නැවත තහනම් අඩවියට ඇතුල්වී ඇති බව දු‍ටු භටයා කුපිත වෙනවා.

තමන් අනතුරකට මුහුණ පෑ බවත්, මෝටර් රථයේ කොටස් වලින් මේ මෝටර් සයිකලයක් සේ පෙනෙන මර උගුල සාදාගත් බවත් පිළිගැනීමට සෙබලුන් මැලි වෙනවා. මේ අමුතුම වාහනය ගැන ඇතිවූ ස්වභාවික කුතුහලය නිසාමදෝ, සෙබලුන්ට හානි වූ මෝටර් රථයේ ඉතිරි කොටස් දැක ගැනීමට අවශ්‍ය වෙනවා.

එමිල්ව 4X4 මුර සංචාරක රථයට නංවා ගන්නා සෙබලු, එමිල්ගේ මෝටර් සයිකලයේ මුරට එක සෙබලකු රඳවා, අනතුර සිදුවූ ස්ථානය වෙත යාමට පිටත් වෙනවා. පැයක් තිස්සේ සෙවුවත්, රාත්‍රියේදී එම ස්ථානය සොයා ගැනීමට ඔවුන් අසමත් වෙනවා.

ආපසු පැමිණෙන පිරිස එමිල්ට උදේ වන තෙක් මෝටර් සයිකලය අසලම නිදා ගැනීමට අවසර දෙනවා. මීටර සියයක් පමණ ඔබ්බෙන් නතර කර තිබූ 4X4 මුර සංචාරක රථයේ සිටිනා සෙබලුන් ඔහු දෙස ඇස ගසාගෙන සිටිනවා.

පසුදා වාහනය සොයා දෙවන වරටත් කරන මෙහෙයුමේදී Citroën 2CV රියේ කොටස් එමිල් හැර ගිය ආකාරයටම සොයා ගැනීමට හැකි වීම නිසා සෙබලුන් බොහෝ සතුටට පත් වන බව පැහැදිළිවම පේනවා. මේ සඳහා සෙබලුන් මේ හැටි උනන්දු වීමට හේතුව, එක් සෙබලකුගේ සොහොයුරෙකුට නොමිලේ 2CV අමතර කොටස් ලබා දීමට බව එමිල්ට පසුව දැන ගැනීමට ලැබෙනවා.

උදෑසන නැවතත් මෝටර් සයිකලයට නැගී මුර සංචාරක රථයට ඉදිරියෙන් Tan Tan බලා පිටත් වන ලෙස එමිල්ට අණ ලැබෙනවා. සෙමින් පසු පසින් ගමන් කල මුර සංචාරක රියට ටික වේලාවකින් එමිල් නොපෙනී යන නිසා ඔවුන් රේඩියෝ පණිවිඩයක් මගින් වෙනත් මුරසංචාරක රියක් අමතා අමුතුම සුකුරුත්තම් වාහනයේ නැගී එන සංචාරකයාව භාරගන්නා ලෙස පවසනවා

1993, අප්‍රේල් හයවන දින Tan Tan වලට ලඟාවන එමිල් එහිදී, කවදත් පොදු ජනතාවගේ හිත සුව පිණිස නොවන තුන්වන ලෝකයේ නිලධාරීවාදයෙන් බැට කනවා.

Photomontagephotgend

එමිල් විසින් පදවාගෙන ආ මේ අරුම පුදුම වාහනයේ අංක තහඩුව, චැසි හා එන්ජින් අංක, වාහනයේ ලියාපදිංචි කිරීමේ ලිපි ලේඛණයේ සඳහන් විස්තර හා නොගැලපෙන නිසා නීති විරෝධී වාහනයක් රටට ආනනයනය කිරීමේ චෝදනාව යටතේ වාහනය අත් අඩංගුවට ගැනෙනවා. එමෙන්ම වාහනය මහමග පැදවීමට ඉඩ දිය නොහැකි භයානක එකක් වීම නිසා එමිලුත් චෝදනාවට ලක්වෙනවා.

සෙබලුන්ගේ නිළ වාර්තාව සලකා බැලූ ආණ්ඩුකාරවරයා විසින්, නීති විරෝධී රථයක් ආනයනය කිරීම සම්බන්ධයෙන් වැඩි දුර කටයුතු රේගුවට භාරදෙනවා.

මුලින්ම හුදෙක් රාජකාරිමය ස්වභාවයේ ආකෘති පත් කීපයක් පිරවීමට ඇති බව පමණක් පැවසූ රේගු නිලධාරීන්ගේ වචනය විශ්වාස කරගෙන සිටි එමිල්ට , පසුදා උදෑසන නීතිවිරෝධී රථයක් රට තුලට ‍රැගෙන ඒම සම්බන්ධයෙන් රේගුව විසින් චෝදනා කර රඳවාගෙන ඇති රථය නිදහස් කිරීමට නම් ඩිරාම් 4500ක දඩ මුදලක් පනවනවා.

එමිල් ඒ විශාල දඩ මුදලින් වික්ෂිප්ත වුවත්, මේ දඩ මුදල අනිවාර්යයෙන් ගෙවියයුතු බව රේගුව පවසනවා
දඩ මුදල ගෙවූ පසුත්, වාහනය නිදහස් කලද, එම ‘මාර්ගයේ ධාවනය කිරීමට ආරක්ෂිත නොවන භයානක වාහනය’ පැදවීමේ තහනම ඉවත් නොවෙන නිසා එමිල් ප්‍රවාහන අර්බුදයකට මුහුණ පානවා.

pv

පසුදා රටින් පිටවීමේ ආකෘති පත්‍ර පිරවීමෙන් පසු එමිල්ට ප්‍රංශය බලා ආපසු යාමට අවසර ලැබෙනවා. මේ අපූරු මෝටර් සයිකලය ගෙනයාම සඳහා ආපසු මෙහි ඒමට අදහස් කරන එමිල්, එය ප්‍රවේශමෙන් තබා යා හැකි තැනක් සම්බන්ධයෙන් ගැටළුවකට අර්බුදයකට මුහුණ පානවා. රජයට අයත් වාහන ‍රැඳවුම්පොලේම (impound) එය තියෙන්නට හැරියොත් ඒ සඳහා අති විශාල ගාස්තුවක් ගෙවීමට සිදුවන බවත්, කොටස් අතුරුදහන් වීමේ අවදානම ඇති බවත් එමිල්ට වැටහෙනවා.

මෙහිදී සගයින්ට වඩා සංවේදී බවක් පෙන්වූ එක් රේගු නිළධාරියෙක් එමිල් නැවත් මොරොක්කෝවට පැමිණෙන තෙක් මෝටර් සයිකලය තබා ගැනීමට එකඟ වෙනවා.

මසකට පසුව අලුත් 2CV රියකින්ම ප්‍රංශයේ Rennes සිට Tan Tan දක්වා කිමී 3500 ක දුරක් පැමිණෙන එමිල් මෝටර් සයිකලය කොටස් තුනකට ගලවා පටවා ගෙන යනවා.

මේ වික්‍රමය ගැන වැඩි 1990 දශකයේදී ප්‍රංශ රූපවාහිනියේ ප්‍රචාරය වූ කෙටි සඳහනක් හැර වැඩි ප්‍රසිද්ධියක් නොලැබෙන්නේ එමිල් ඒ ගැන ප්‍රසිද්ධ කිරීමට එතරම් උනන්දු නොවීම නිසා විය හැකියි. නමුත් මෑතකදී මෝටර් රථ වෙබ් අඩවියක මේ ගැන පළවූ පසු මෙය අන්තර්ජාලයේ පැතිර ගියේ වේගයෙන්.

එමිල් ඉන් පසුවත්, නැවත නැවතත් අප්‍රිකාවේ සංචාරය කරනවා.

article-2168061-13E6FE45000005DC-438_634x417

දැනට හැටහය හැවිරිදි වියේ පසුවන එමිල් ප්‍රංශයේ ජීවත් වෙනවා. මැක්ගයිවර්, හා මෑඩ් මැක්ස්ට අමතරව ඇතැමෙකු විසින් ඔහුව Tony Stark විසින් නිරූපිත ඉංජිනේරුමය කුසලතාවයකින් හෙබි Iron Man සිනමා චරිතයටත් සමාන කරනු ලබනවා.

Man builds working motorcycle out of car parts after getting stranded in the desert in Morocco, North Africa - 18 Jun 2012

ප්‍රංශ බසින් පලවන Chameaudacier බ්ලොග් අඩවියේ Moto නමින් පළවුනු මේ කතාව ප්‍රංශ භාෂාවෙන් කැඩුනු ඉංග්‍රීසියට පරිවර්තනය කරගන්න උදව් කලේ Google Translator. පින්තූර වල තිබුන ප්‍රංශ Google Goggles Android App වලින් කැඩුනු ඉංග්‍රීසියට පරිවර්තනය කරගත්තා. ඉන් පසු ඉතා වෙහෙස වී සිංහලට පරිවර්තනය කරගත්තා.

මේ, කවදත් survival වර්ගයේ කතාවලට, විශේෂයෙන්ම කාන්තාර සම්බන්ධ එවන් කතා වලට ප්‍රිය කරන මම, මෑතකදී කියවූ රසවත්ම විස්තරයක් ඔබ හා බෙදා ගැනීමට ගත් උත්සාහයකි.

මේ නිසාම මම සැබෑ ජීවිතයේදී දැක නැති, Tin Tin කතාවල් වලින් පමණක් දැන සිටි Citroën 2CV රිය ගැනත් විශ්මිත කරුණු ‍රැසක් විකිපීඩියාවෙන් ඉගෙනගත් බව කියන්නෙ ආඩම්බරයෙන්.

Thanks due to:

http://chameaudacier.free.fr/moto9.html

http://www.dailymail.co.uk/news/article-2168061/French-electrician-stranded-Moroccan-desert-rebuilt-wrecked-car-motorbike-drove-civilisation.html

Google Translator

Google Goggles Android App

Wikipedia

Simulblogged @ මගේ ඩෙනිම for Blogger Lovers.

 

ටැග: , , , , ,

157.අවංකපාකිං සහ වංකපාකිං පැරලල්පාකිං / Parallel Parking of Honest & Dishonest Parking./ With special Deනයිed Version and normal full cream version)


20131223_170356(1)

නයි ඉවත් කරන ලද විශේෂ මිශ්‍රණය (Deනයිed Version for නයි allergies)20131221_130729

කුරහංපිටියේ කඩමණ්ඩිය හරියේ ගුරුපාර පළල් කරලා. දෙපැත්තේ අගල් කපලා පොල්කොට  ඒ දඬු දාලා, ඒ උඩින් පස් දාලා – එක වැඩයි. පුරස්නෙකට තියෙන්නේ ඒත් කරත්තයක් ගාල් කරන්ට තැනක් නැති එක තමයි. දෙපැත්තම කඩවල් අයිතිකාරයෝ අයිති කරාගෙන. එහෙම නැතිනම් දැනටමත් කරත්තයක් ගාල් කරලා. මට යන්ට  ඕනේ කුරහංපිටියේ පිස්සු පීතර අප්පුගේ කඩේට. එතනින් මම වතාවක් කිඹුලා වෙල් උදළු තලයක් එක්කම ගජ මිත්තරයෙකුත් හොයා ගත්තා. අපි ගියේ අන්න ඒ මිත්තරය මුලිච්චි වෙන්ට, පොඩි වැඩකට.

අපි මේ රවුම ගහලා එන තුන් වෙනි වතාව. බරබාගේ රිංගවන්ට කිසිම ඉඩක් නෑ. පිස්සු පීතර අප්පුගේ කඩේට ටිකක් මෙහායින් තියෙනවා මාලුකූරි කියලා බෝඩ් ලෑල්ලක් ගහපු කඩයක්.  අන්න එතන තියෙනවා යාන්තම් බරබාගේ රිංගවන්ට තැනක්. මම පිටිපස්ස බලලා ගොනාගේ කිරිපල්ලට පයිං ඇනලා, ‍තෝං ලණුව දකුණට ඇදලා,  කෙලින්ම ගියා එතනට. ගිහින් කරත්තේ කිසිම කොටසක් අරියාදුවට වගේ පාරට නොතියෙන්ට ගාල් කලා විතරයි, ඔන්න කූරි කඩේ ඉඳලා ආවා මුර උන්නැහේ කෙනෙක්. කලුයි, තරමක් පුරවදාලා. හැබැයි සිරියාවන්ත හිනාවක් තියෙනවා කියලා මට හිතුනා.

“උඹැහේ බෑරක්ද යන්නේ? කූරි ගන්ට ආවද??”

“අනේ නෑ උන්නැහෙ. මොන කූරිද. මට යන්ට ඕනෙ අන්ට අර පිස්සු පීතර අප්පුගේ කඩේට. එතන ඉඩ නෑ. ඒකයි මෙතන දැකලා මෙතනට රිංගුවේ.”

උන්නැහෙ හිනාවක් එක්කම මා දිහා බලා ඉන්නවා. ඒක සමච්චල් හිනාවක්ද කියලා මට හිතාගන්ට බෑ.

“හරි මං යන්නම්. මම තුන් පාරක් මෙතනින් ගියා ගාල් කරන්ට කරන්ට තැනක් හම්බු වෙනකල්.”

“උන්නැහේ, යන්ට එපා ඔහොමම තියන්ට බරබාගේ. ඔය ගොනත් ලෙහෙලා මෙතන දිගේලි කරන්ට, ඔය පිදුරු මිටියත් දාලා. මම කැමති උන්නැහේගේ අවංක කමට. මෙතනට ලොකු ලොකු බර බාග, තිරික්කල්, බක්කි කරත්ත ඔලිං එන හාමුලා, තව ලමාතැනීලා කටේ දිවේ නොගෑවී දෙසා බාන මුසාවාද ඇහුවනම්…හහ්. ‘මම මේ කඩේට තමයි ආවේ. අර එහා පැත්තේ අගෝරිසාගේ කඩෙං බුලත් විටක් ඇන්න එඤ්ඤං සුරුස් ගාලා,’  වගේ නා නාප්‍රකාර බේගල් ඇද බාන්නේ. මගේ නෑ කිසිම අනුකම්පාවක් උන්දලට. මුන්නැහේ විතරයි අවංකවම, බොක්කෙන්ම ඇත්ත කිව්වේ. මම අන්න ඒ අවංක බාවයට සලකනවා. මුන්නැහේ බරබාගේ  ඔහොමම තියලා ගිහින් එන්ට. කිසි පුරස්නයක් නෑ.”

එදා ඉඳලා එතනින් කරත්තේ දක්කං යන ගානේ මම බලනවා මුර උන්නැහේ පේන්ට ඉන්නවද කියලා. උන්නැහේගේ නමත් කරෝලිස්. හුඟක් දවස් වලට කරෝලිස් ගිණිකසයා වගේ වැඩ. මාව දකින්නේ නෑ. මම හිනාවෙලා කෙවිට උස්සලා ‘ආයිබෝං අප්පුහාමි,’ කියාගෙන ගියාම උන්නැහෙත් ආයිබෝං කිව්වත්, මම කවුද කින්ද-මන්ද කියලා මතක නැතුව ඇති, අවුරුදු කීපයකට කලින් වෙච්ච සිද්ධියක් නිසා.


මේ පහුගිය අවුරුද්දේ  ඔන්න මට යන්ට ඕනේ වුනා කො‍ටුදෙණියේ කීප තැනකට පොඩි වැඩ වගේකට. අපි වෙනදට අර ගිණිගහන අවුවේ, මඩ වලවල් මදිවට කරත්ත රෝද පට්ටම් වලටම කාණු හෑරිච්ච කරත්ත ගාලේ, කරත්තේ ගාල්  කරලා, සතා ලෙහෙලා, අර ගිණිගහන අවුවේ, කණුවක දිගේලි කරලා, පිදුරු මිටියකුත්දීලා, ගාලෙං එලියට  එන්නත් අච්චර දුර ගිණි අවුවේ පයින් ඇවිත්, ඒ මේ අත ඇවිදිද්දි දකිනවා මේ ගුරු පාරවල් අයිනෙම, කෝං ගස්, බුරුත ගස්, හල් ගස්, මිල්ලගස් යට හීල් හෙවනේ ගාල් කරන්න තැං එමට තියෙනවා. එදා එහෙම තැනක් හොයාගෙනම ගියා මායියයි  මායි. 


මම බෙර විකුණන කඩේ අයිනේ හරස් පාරේ ගහක් යට කරත්තේ ගාල් කරලා, එතකල් වම් හක්කේ තිබිච්ච බුලත් හපේ දකුණු පැත්තට මාරු කරන කොටම, ඔන්න සුම්බරයක් හෙම ඔලුවේ බැඳගෙන මුරේ ඉන්නවා ඔරෝගෙන .

“මෙතන අඬබෙර, දවුල් බෙර, යක් බෙර, තම්මැට්ටං හදවගන්ට එන  අයගේ කරත්තවලට විතරයි.”

හෑ. සීවරං දෙයියන්ට ඔප්පුවෙච්චාවයි මේ අවනඩුව! පාරත් අඬබෙර කාරයෝ අල්ලගෙන!

“උඹැහේ බෑරක්ද??”

මම හැකිතාක් දුරට බේගල් කීමෙන් වලකිනවා. ඒකට හේතුව එක බොරුවක් රකින් තව බොරු දාහක් කියන්න වෙන එකයි, කිව්ව බොරුව කල්පාන්තරයක් මතක තියාගෙන ඉඳීමේ අපහසුවයි ගැන අත්දැකීමෙන්ම දන්න නිසයි. ඔය බොරු කියන උන්ට අමතක වුනාට බොරුව අහගෙන හිටපු උනට ලේසියකට ඒ බොරුව අමතක වෙන්නේ නෑ මේ කපේට. ඒ නිසා මම ඒ පුරස්නෙට උත්තර දුන්නේ නෑ. මම උන්නැහෙගෙන් ඇහුවා වෙන පුරස්නයක්.

“කොතනින්ද ඇතුලට යන්නේ? මෙතනින් ගියෑකිද?”

ඇත්තටම ඒ  ඉඳිකඩුල්ලනං නිකං කම්මලකට  යන එකක් වගේයි පෙණුනේ අඬබෙර විකුණන තැනකට වඩා. මම එතනින් ඇතුලට යන්න වගේ ලෑස්තියෙන් ඇහුවේ.

මුරේගේ මූණත්තහඩුව බලා ඉන්දැද්දි වෙනස් වුනා.

“මුන්නැහේට මොනවද කරගන්ට ඕනෙ?”

දැන් එතන ඉඳිකඩුල්ල ගාවා බුලත්විටක් ඒද, ඒද හිටි මුර ගැටයත් ඇඟිල්ලෙ ගෑවිච්ච හුණු ඇබින්ද කඩුල්ලේ උලලා මගේ දිහා බැලුවා.

“මගේ බෙරේ ගෙනාවොත් අලුතෙන් හමක් දාගන්ට පුලුවන්ද අහන්ට ඕනේ” මම තරමක් වැරෙන් කිව්වා.

ඔය බෙරේට හමක් දාගන්ට ඕනේ කතාව ඇත්ත. හැබැයි බෙරේ හම ගලවලා පොඩි කොලුවා කැටපෝලෙකට අරං දැං අවුරුදු  බර ගානක් වෙනවා. ඒ කලෙත්, මී නාම්බෙක් වරපොටත් කාලා, හමෙනුත් කෑල්ලක් කාලා තිබුන නිසා, කොල්ලට ඒක ගලවගන්ට කියපු නිසා.

“ආ උන්නැහේ, කරත්තේ  ඔහොම දාලා ඔහොම පල්ලෙහාට ගිහිං දකුණු අත පැත්තට හැරිලා ඉස්සරහට ගිහිං කෝං ගහ ගාවම තියෙන කඩුල්ලෙං පැනලා ඇතුලට යන්ටකෝ. එතන වම් පැත්තේ බිම ඉඳගෙන ඉන්න රතු හීන්දෑරි ගොබිලට කියන්ට.

මමත් ඒ විදියටම ගිහින්, එතන හිටපු රතු හීන්දෑරි ගොබිලගෙන් ඇහුවා, මගේ මීයෝ කාපු බෙර හමයි, වර පොටවල් ටිකයි ආපහු දාගන්ට ඇහැකිද කියලා බෙරේ ගෙනාවොත්.

“මොකද්දෑ බෙරේ? ගැට බෙරයක්ද?”

මම ඒ පුරස්නවලට උත්තර බැන්දාම, උන් තැනින් නැගිටලා එතන අඩුක් කරලා තිබ්බ හම් ටිකයි වරපොටවල් ටිකයි අතගාලා බලපු ගොබිලා කියනවා.

“මේකට මරඳගහදෙණියටම යන්ට යන්න වෙනවා. “

“හැබෑට? අර මුර උන්නැහේ කීවේ මට මෙතනට එන්ට කියලනේ.”

“උන්නැහෙල දන්න බිබික්කම! ඔය මේ ඊයේ පෙරේදා මේකට පයගහපු උන්නේ.”

ඒ  මේ ඊයේ පෙරේදා මේකට පයගහපු  මුර උන්නැහෙලා මෙලෝ බිබික්කමක් නොදන්න  එක ගැන මගේ හඳුන්පොත කීං ගාන බව මම රතු හීන්දෑරි ගොබිලට පෙන්නුවේ නෑ.

ඊට පස්සෙ, එතනින් කැපිලා අහක යන හංකෑලි වගේකුයි, වරපොටවල් අහුලගත්ත මම,  එලියට ගිහින් අනිත් වැඩ කටයුතු ඔක්කොමත්  කරගෙන, එන ගමන් අර මුර උන්නැහේටත් කැපිලා අහක යන හංකෑල්ලක් අතේ තියාගෙනම ‘ගොහිං එඤ්ඤං අප්පුහාමි’ කියලා කරත්තෙට නැග්ගේ ඕං.

ඇත්තටම මම මුසාවාදයක් “කිව්වෙත්” නෑ. ඒත් අර කුරහංපිටියේ කරෝලිස් උන්නැහේ මේක දැනගන්නවට නම් මගේ එච්චර මනාපයක් නෑ.

 

***********************************************

සාමාන්‍ය මිශ්‍රණය Full Cream Version

DSC_1243
කොල්ලුපිටියේ ගාලු පාර පළල් කරලා. දෙපැත්තේ පේව්මන්ට් හදලා පාට ටයිල් දාලා එක වැඩයි. අවුලකට තියෙන්නේ වාහනයක් පාක් කරන්න තැනක් නැති එක තමයි. අර ටයිල් උඩින් දාලා පාක් කරන්න ඉඩ දෙන තැන් හැමතැනම අයිතිකාරයෝ ඉන්නවා. එහෙම නැතිනම් දැනටම ත් කවුරුහරි අල්ලගෙන. මට යන්න ඕනේ කොල්ලුපිටියේ PC Partner එකට. එතනින් මම වතාවක් hp ලැප්ටොප් එකක් වගේම හොඳ යාලුවෙකුත් ගත්තා. අපි ගියේ අන්න ඒ යාලුවව හම්බවෙන්න පොඩි වැඩකට.

අපි මේ රවුම ගහලා එන තුන් වෙනි වතාව. වාහනේ රිංගවන්න කිසිම ඉඩක් නෑ. PC Partnerට ටිකක් මෙහායින් තියෙනවා TNT කියලා  ගහපු තැඹිලි පාට- දුඹුරු පාට බිල්ඩිං එකක්. ඩයිනමයිට් වගේ තමයි. අන්න මේ වතාවේ එතන තියෙනවා යාන්තම් වෑන් එක රිංගවගන්න තැනක්. මම පිටිපස්ස බලලා සිග්නල් දාලා බෲස් ගාලා දැම්මා එතනට. ගිහින් වාහනේ කිසිම කොටසක් තහනම් කලාපයට ඉහලින් දික් නොවෙන්න පාක් කලා විතරයි, ඔන්න TNT එකේ ඉඳලා ආවා සිකියුරුටි බුවෙක්. කලුයි, තරමක් මහත පැත්තට බරයි. හැබැයි ප්‍රසන්න හිනාවක් තියෙනවා කියලා මට හිතුනා.

“සර්, කොහාට යන්නද? TNT එකටදද?”

“අනේ නෑ. මම ඔය කොම්පැණියෙ මොනවද කෙරෙන්නෙ කියලවත් දන්නේ නෑ. මට යන්න ඕනෙ අන්න අර PCPartner එකට. එතන ඉඩ නෑ. ඒකයි මෙතන දැකලා මෙතනට රිංගුවේ.”

පොර හිනාවක් එක්කම මා දිහා බලා ඉන්නවා. ඒක සමච්චල් හිනාවක්ද කියලා මට හිතාගන්න බෑ.

“හරි මං යන්නම්. මම තුන් පාරක් මෙතනින් ගියා පාක් කරන්න තැනක් එනකල්.”

“සර්, යන්න එපා ඔහොම තියන්න වාහනේ. මම කැමති සර්ගේ අවංක කමට. මෙතනට ලොකු වාහන වලින් එන මහත්තුරු, තව හෙන හයිෆයි නෝනලා කටේ දිවේ නොගෑවී කෙලින බොරු ඇහුවනම්…හහ්. මම එහා පැත්තට ගිහින් එනවා. කොම්පැණියට තමයි ආවේ වගේ නා නාප්‍රකාර කෙබර ඇද බාන්නේ. මගේ නෑ කිසිම අනුකම්පාවක් එයාලට. සර් විතරයි දෙපාරක් නොහිතා අවංකවම, බොක්කෙන්ම ඇත්ත කිව්වේ. මම අන්න ඒ අවංක බාවයට සලකනවා. සර් ඔහොම වාහනේ තියලා ගිහින් එන්න. කිසි අවුලක් නෑ.”

එදා ඉඳලා එතනින් යන ගානේ මම බලනවා  පොර ඉන්නවද කියලා. පොරගේ නමත් කරූ. හුඟක් දවස් වලට පොර හෙන බිසි. මාව දකින්නේ නෑ. මම හිනාවෙලා අතවනාගෙන ගියාම පොරත් අත වැනුවත් මම කවුද කියලා මතක නැතුව ඇති අවුරුදු කීපයකට කලින් වෙච්ච සිද්ධියක් නිසා.

මේ පහුගිය අවුරුද්දේ  ඔන්න මට යන්න ඕනේ වුනා කො‍ටුවේ කීප තැනකට පොඩි වැඩ වගේකට. අපි වෙනදට, අර ගිණිගහන අවුවේ, අලි වලලන වලවල් මදිවට, ට්‍රෑම්කාර් පීලිවලින් පවා පිරිච්ච, කො‍ටුවේ කාර් පාක් එකේ වාහනේ නතර කරලා, ඒකෙන් එලියට එන්නත් අච්චර දුර ගිණි අවුවේ පයින් ඇවිත්, ඒ මේ අත ඇවිදිද්දි දකිනවා, මේ පාරවල් අයිනේ වාහන පාලිකාවෝ වාහන බලාගන්න හොඳ හෙවන තැන් තියෙනවා. එදා එහෙම තැනක් හොයාගෙන ගියා අපි දෙන්නා.

මම ටෙලිකොම් එක අයිනේ හරස් පාරේ ගහක් යට වෑන් එක නවත්තලා එළියට බහිනකොටම ඔන්න සික්‍යුරිටි බුවා ඉන්නවා ඔරෝගෙන.

“මෙතන ටෙලිකොම් එකට එන වාහන වලට විතරයි.”

හෑ. පාරත් ටෙලිකොම් එකෙන් අල්ලගෙන.

“කොහේටද යන්නේ?” (මේකා නම් කරූගේ අහලකින්වත් තියන්න බෑ.)

මම  හැකිතාක් දුරට බොරු කීමෙන් වලකිනවා. ඒකට හේතුව එක බොරුවක් රකින්න තව බොරු දාහක් කියන්න වෙන එකයි, කිව්ව බොරුව සදහටම මතක තියාගෙන ඉඳීමේ අපහසුවයි ගැන අත්දැකීමෙන්ම දන්න නිසයි. ඔය බොරු කියන උන්ට අමතක වුනාට බොරුව අහගෙන හිටපු උනට ලේසියකට ඒ බොරුව අමතක වෙන්නේ නෑ අවුරුදු ගානකට. ඒ නිසා මම ඒ ප්‍රශ්ණෙට උත්තර දුන්නේ නෑ. මම ඒ වෙනුවට බුවාගෙන් ඇහුවා වෙන ප්‍රශ්ණයක්.

“කොතනින්ද ඇතුලට යන්නේ? මෙතනින් ගියෑකිද?”

ඇත්තටම ඒ ගේට්‍ටුව නම් නිකම් වෙයා හවුස් එකකට යන එකක් වගේයි පෙණුනේ ටෙලිකොම් වුනාට. මම එතනින් ඇතුලට යන්න වගේ ලෑස්තියෙන් ඇහුවේ.

පොරගේ මූඩ් එක බලා ඉන්දැද්දි වෙනස් වුනා.

“සර්ට මොනවද කරගන්න ඕනෙ?”

දැන් එතන ගේට්‍ටුව ගාවා මුරකුටියේ ඉඳගෙන ෆයිල් එකක මොනවද ලිය ලියා ඉන්න පොරත් මගේ දිහා බැලුවා.

“මගේ ෆෝන් එක ඩිස්කනෙක්ට් කරලා. මට අන්න එක ගැන කතාකරන්න ඕනේ.” මම තරමක් තියුණු හඬකින් කිව්වා.

ඔය කතාව ඇත්ත. හැබැයි එහෙම කරලා දැන් අවුරුදු බර ගානක් වෙනවා. ඒ කලෙත් මම ඉල්ලීමක් කරපු නිසා.

“ආ සර්, වාහනේ ඔහොම දාලා, ඔහොම දිගටම ඇවිදගෙන ගිහින්, දකුණට හැරිලා  අරලිය ගහ ගාවින් තියෙන දොරෙන් ඇතුලට යන්න. එතන වම් පැත්තේ ඩෙස්ක් එකේ ඉන්න මහත්තයට කියන්න”

මමත් ඒ විදියටම ගිහින් එතන හිටපු ප්‍රසන්න මූණක් තියෙන බුවාගෙන් ඇහුවා මගේ විසන්ධි කරලා තියෙන ෆෝන් එක ආපහු ගන්න මොකද කරන්න ඕනේ කියලා.

“මොකක්ද නොම්මරේ?”

ඔන්න මම නොම්මරේ දුන්නා වෙඩි වාගේ.

“මේකට සර්ට මරදානට යන්න වෙනවා.,” ප්‍රසන්න මූණ කොම්පියුටරේ චෙක් කරලා බලලා කිව්වා.

“ඇත්තට? අර සිකියුරිටි එකෙන් කිව්වේ මට මෙතනට එන්න කියලනේ.”

“ඒ ගොල්ල දන්නේ නැතුවයි එහෙම කියන්නේ. එයාලා අලුත් අය.”

ඒ  අලුත් අය දන්නේ නැතිමට  එහෙම කිව්ව එක ගැන මට සතු‍ටු බව මම ප්‍රසන්න මූණට පෙන්නුවේ නෑ.

ඊට පස්සෙ එතනින් ෆෝම් වගයකුයි ලීෆ්ලට් ටිකකුයි අරගෙන එලියට ගිහින් අපිට කො‍ටුවෙන්  කරගන්න තිබිච්ච අනිත් වැඩ ටිකත් කරගෙන එන ගමන් අර සික්‍යුරිටි බුවාටත් ටෙලිකොම් ෆෝර්ම් එකක්ම උස්සලා ටටා කියලා වෑන් එකට නැග්ගේ ඕං.

ඇත්තටම මම බොරුවක් “කිව්වෙත්” නෑ. ඒත්  අර කොල්ලුපිටියේ කරූ මේක දැනගන්නවට නම් මගේ එච්චර මනාපෙකුත් නෑ.

මේ කතාවෙම තව වර්ෂන් එකක් තියෙනවා. ඒ තමයි ඉංග්‍රීසි වර්ෂන් එක. මෙන්න තැන. Parallel Parking of Honest and Dishonest Parking @ HeyDude.

Simulblogged @ මගේ ඩෙනිම for Blogger Lovers.

 

ටැග: , , , , , ,

142. යකුනේ,රෙදි ඇඳගෙන පාරේ යන්න අපිටත් ඉඩ දීපියව්…

142. යකුනේ,රෙදි ඇඳගෙන පාරේ යන්න අපිටත් ඉඩ දීපියව්…

උම්බලකඩ වාඩිය යැයි අපහාසත්මක අනවර්ත නාමයෙන් බොහෝ ශ්‍රී ලාංකිකයන් හඳුන්වන මාල දිවයිනත් සමඟ ක්‍රීඩා කල ලංකා පාපන්දු කණ්ඩායම ගෝල් 10-0 ක අන්ත පරාජයක් හිමිකරගෙන  මාල දිවයින් පා පන්දු ඉතිහාසයේද වාර්තාවක් පිහිටවූ දිනට පසු දින, පාපන්දු ලෝලීන් වූ  මාල දිවයින් වැසියන්ට මුහුණ දීමේ අපහසුවකට මුහුණ දීමට අපට  සිදුවිය.  

වාසනාවකට මෙන්, මේ දිනවල විභාග (Mock Exam) පැවැත්වෙන නිසා, පාපන්දු පිස්සන් වන මගේ ගෝලයන් සමඟ කතා කිරීමක් නොමැති වීම, මගේ ඉමහත් අස්වැසිල්ලට හේතු විය. 

නමුත් ඒ පැය කීපයකට පමණි. 

වෙනදාට බුම්මාගෙන යන ආයතන ප්‍රධානියා මා දු‍ටු වහාම සිනාමුසු මුහුණින් ලඟට පැමිණ. “ඊයේ මොකද වුනේ?” යයි. විමසූ විට මට කල හැකි වූ එකම දේ  වූයේ, “We are not a football nation like you guys. We are cricket people,” යයි පවසා ජාම බේරාගැනීමය.

මුහුණු පොතේ වරක් දු‍ටු “Boss is like a diaper. Always behind you and full of SHIT”යන කියමන සිහිපත් කර හිත හදාගන්නට තැත් කලත් එය එතරම් සාර්ථක නොවීය.

යම් ජන කොට්ඨාශයක් නියෝජනය කරන්නට සිදුවීම නම් විටෙක මහත්ම අබග්ගයකි. ඒ මුලින්කී  අපහසුව අප වින්දේ අප මෙහි ශ්‍රී ලංකාව නියෝජනය කරන බැවිනි. ශ්‍රී ලංකාව පමණක් නොව, ගුරු පරපුරද නියෝජනය කිරීම මහාම ඛේදවාචකයකැයි නැවත හැඟුනේ අන්තර්ජාලයේ ගොසිප් අඩවියක පලවූ පුවතක් දැකීමෙනි.

‘පමා නොවී වැඩෙහි යෙදෙනු’ යන්න තේමා පාඨය කර ගත් පාසැලක ප්‍රධානියකු වූද, ධර්මයට දාසයකු වූද,  දරුවකු එක වසරට ඇතුලත් කර ගැනීමට මවකගෙන් ‘පමා නොවී’ ලිංගික අල්ලසක් ගන්නට ගොස් දැලට හසු වූ පුද්ගලයා නියෝජනය කරන්නේද, මා නියෝජනය කරන ගුරු පරපුරම නොවේදැයි සිතන විට ඇතිවූයේ ඉමහත් ලැජ්ජාවකි.

‘අපි පොලීසියට බැන්නාට, හැම පොලිස් කාරයාම එහෙම නැතැයි’ යන කියමනට අනුව යමින්, හැම ගුරුවරයාම එහෙම නැතැයි කියා හිත හදාගන්නට  උත්සාහ කලත්, හෙට තවත් එකෙකු ඔය වගේම  පාහර වැඩක් කර හසු නොවේයයි කාට නම් කිව හැකිද?

පුතාට නො ඇසෙන සේ පහත් හඬින් මේ ‘පාහර කතාව’ බිරිඳට කී විට, ඇය දුන් පිළිතුර මා වික්ෂිප්ත කරවීය.

“ඇයි අනේ ඔයවගේ වැඩ වලට තාත්තලා නොගිහින් මේ අම්මලවම යවන්නේ? ඔය කාලකන්නි හැත්ත, තාත්තලගෙන් ජරාවක් ඉල්ලුවොත් මිසක, ඔය වගේ ඉල්ලීමක් කරන්නේ නෑනේ.”

‘විදුහල්පතිවරුන්ගෙන් අම්මලාව බේරාගමු’ යයි කරන විරෝධයට මගේ බිරිඳගේ මේ ක්ෂණික ප්‍රතිචාරය සෑහෙන හොඳ පිළිතුරක් නොවේද?

ඇයගේ ප්‍රකාශය ගැන ඔබ කියන්නේ කුමක්ද?

ප ලි: මමත් සිසු-දෙගුරු-ගුරු (අනුපිළිවෙල කෙසේ වෙතත්) හමු වලට, ඔය තුන් පැත්තම නියෝජනය කරමින් සහභාගී වී ඇත්තෙමි. දෙමාපියන් හැටියට, පියෙකු සහභාගී වන්නේ එහෙමත් පවුලකින්ය. ඇත්තෙන්ම ශාලාව පිරී ඇත්තේ මව් වරුන්ගෙනි. ඇතැම් විට ‍රැස්වීමට සහභාගී වන එකම පියා මා වන අවස්ථා මම අනන්තවත් දැක ඇත්තෙමි.

 Simulblogged @ මගේ ඩෙනිම for Blogger Lovers.

 
ප්‍රතිචාර 20

Posted by මත සැප්තැම්බර් 8, 2013 in කාලීන, නිර්මාණ, සමාජ

 

ටැග: , ,

137. මාරක පියසැරිය අවසන් කොටස. Flight Beyond All Hope. Part 3. Dude’s Originals.

137. මාරක පියසැරිය අවසන් කොටස. Flight Beyond All Hope. Part 3. Dude’s Originals.

So the captain grits his teeth ඉතිං කැප්ටන් දත්මිටි කාගෙන, හෙන ගේමක් දීලා, ෆ්ලැප්ස් ෆුල් දාලා, බ්‍රේක් කෑගස්සගෙන ටයර් පාර බිම ඇ‍ඳෙන්න ප්ලේන් එක යන්තම් නවත්ත ගන්නවා. නවත්තගෙන කියනවා කෝ-පයිලට්ට, “යකෝ මම ප්ලේන් එකක් බාපු කොටම රන්වේ එක වෙන්නෝනෙ මේක !” කියලා. කෝපයිලට් ඔලුව හරවලා උරෙස්සට උඩින් සයිඩ් එකේ ජනේලෙන් බලලා කියනවා, “ඒ වගේම පළලම එක.”“And the ****ing widest!”

ඔබ මාරක පියසැරියේ පළමුවන සහ දෙවන කොටස් කියවා නැතිනම් මෙතනින් යන්න.

මාරක පියසැරිය FLIGHT BEYOND ALL HOPE PART 1
මාරක පියසැරිය FLIGHT BEYOND ALL HOPE PART 2

Captain Kevin Landers let out a loud guffaw and in fact, a too loud one,  that made the firstOfficer  කපිතාන් කෙවින් ලෑන්ඩර්ස් මහ හඬින්, කොක් හඬලා සිනාසුනේය. විසිපස් හැවිරිදි සහායක නියමු, ඇල්වින් රොජර්ස් ඔහු දෙස බැලුවේ සැකයෙනි.

“මම කල්පනා කලා කැප්ටන් ඒක කලින් අහලා තියෙන්න ඇතිද කියලා.”

“අහලා තියෙනවා තමයි බං. නමුත් උඹ ඒක ඔච්චර මහන්සි වෙලා කිව්ව හන්දා මට පව් කියලා හිතුනා.”

“නෙද්දකිං!”

හතලිස් තුන් හැවිරිදි කපිතාන් කෙවින් ලෑන්ඩර්ස්, හිස උදුම්මවා නොගත්, විනෝදකාමී, ප්‍රිය මනාප චරිතයක් ලෙස පතලව සිටියේය.

“උඹ මේක අහලා තියෙනවද?” හිස් ප්ලාස්ටික් බන්දේසිය නියමු කුටියේ බිම තබමින් ලෑන්ඩර්ස් මුල පිරීය. “ඔන්න ප්ලේන් එකක් JFK එයාපෝර්ට් එකෙන් ටේක් ඕෆ් කරලා ඉහල නගිනවා. දැන් ඔන්න කැප්ටන්ගේ කටහඬ ඇහෙනවා ඉන්ටකොම් එකෙන්. “නෝනා වරුනි මහත්වරුනි, මේ ඔබේ කපිතාන් වරයායි කතාකරන්නේ. JFK ගුවන් තො‍ටුපළේ සිට, ලොස් ඇන්ජලස් ගුවන් තො‍ටුපළ දක්වා යන සීඝ්‍රගාමි ගුවන් ගමනට ඔබ සැම සාදරයෙන් පිළිගන්නවා. කාළගුණ වාර්තාවලට අනුව ඉදිරියේ ඇත්තේ ඉතාමත්ම යහපත් කාළගුණයක් නිසා අපිට ඉතාම හොඳ ගමනක් බලාපොරොත්තු වෙන්න හැකියි. ඉතින් සුව පහසුව ඉඳගෙන ගමන රසවිඳින්න. OH, MY GOD!”

ඊට පස්සෙ කිසිම සද්දයක් නෑ. ෆුල් හොල්මං. විනාඩි කීපෙකට පස්සෙ ඔන්න කැප්ටන් ආයෙම කතා කරනවා ඇහෙනවා.

නෝනාවරුනි මහත්වරුනි. ඔබව භීතියට පත් කිරීම ගැන, මම මුලින්ම ඔබෙන් සමාව අයදිනවා. මම ඒ නිවේදනය කරමින් සිටිනාවිට ගුවන් සේවිකාව අත් වැරදීමකින් උණු කෝපි කෝප්පයක් මගේ උකුලට හැලුවා. හඃ හඃ !ඔබලා දැන් මගේ කලිසමේ ඉස්සරහ පැත්ත දැක්ක නම්! හඃ හඃ!

එතකොටම බිස්නස් ක්ලාස් එකේ ඉඳගෙන හිටපු පොරක් කියනවා, “ඕක මොකක්ද. දැන් මගේ කලිසමේ පස්ස පැත්ත දැක්කා නම්!””

මහ හඬින් සිනාසුනු ඇල්වින්, බොමින් සිටි කෝපි කෝප්පයෙන් කොටසක් කලිසමේ ඉහිරවා ගත්තේය. on the front of his pants.

෴ * * ෴ ~ ෴ * * ෴ ~ ෴ * * ෴

The Boeing 777 cruised on auto pilot බෝයිං 777 යානය කිසිදු විශේෂ සිදුවීමකින් තොරව, අඩි 37,000කට ඉහලින් නිසල රාත්‍රී අහස තුලින්, ස්වංක්‍රීය නියමුවෙන් යාත්‍රා කලාය. with fine weather for flying.

෴ * * ෴ ~ ෴ * * ෴ ~ ෴ * * ෴

The Boeing 777 was homing in on Miami International Airport, Florida.බෝයිං 777 යානය සිය ගමනාන්තය වූ, ෆ්ලොරිඩාහි, මයෑමි ජාත්‍යන්තර ගුවන් තො‍ටුපොල වෙත ලඟාවෙමින් පැවතිනි.

ගුවන් සේවිකා ඇනී ඩේවිස්, නවක සේවිකාවක් වූ මිෂෙල් කූපර්, කඩවසම් සහායක නියමු ඇල්වින් රොජර්ස් පිළිබඳව දැක්වූ උනන්දුව සම්බන්ධයෙන්, ඇයට කවටකම් කරමින් සිටියාය. යානයේ ආහාර පිළියෙල කල ගැලියේ, බේසම අසල සිටගෙන ආහාර ගනිමින් සිටි, රන්වන් කෙස් වැටියක් හා මන බඳිනා රූ සපුවකින් හෙබි විසි තුන් හැවිරිදි මිෂෙල්, මුහුණ රතු කර ගත්තාය. eating a burger standing by the galley sink, blushed.

෴ * * ෴ ~ ෴ * * ෴ ~ ෴ * * ෴

Two hours later,  the PA system crackled හෝරා දෙකකට පසු, යානය නොබෝ වේලාවකින් මයෑමි ජාත්‍යන්තර ගුවන් තො‍ටුපොළට ගොඩ බැසීමට නියමිත බව, යානයේ මහජන ඇමතුම් පද්ධතිය තුලින් නිවේදනය විය. බෝයිං 777 යානය ක්‍රමයෙන් පහතට ගමන් කිරීම ඇරඹුවාය. ඇතැම් මඟීහු, ගුවන් සේවිකාවක විසින් බෙදා දුන් ගොඩබැසීමේ පත්‍රිකා පුරවන්නට වූහ. බෝල් පොයින්ට් පෑනක් ගෙන ඒමට අමතක වූවෝ, එසේ කිරීමට තරම් කල්පනාවක් තිබූ අයගෙන් පෑන ඉල්ලා ගැනීමේ බලාපොරොත්තුවෙන් කල් මැරූහ.

තරුණ මවක් උකුලේ හොවා ගත් බිළිඳාගේ ඩයපරය මාරු කරනු, යාබද අසුනේ සිටි ඇගේ සැමියා බලා සිටියේ ගෞරවය මුසු විශ්මයකිනි.

ගොඩබැසීමේ පියසර රටාවට අනුගත වීම පිණිස, යානය වම් පසට ඇලවී වාමාවර්තව පියාසර කලාය. aircraft banked left in a wide curve, to enter the landing pattern.

෴ * * ෴ ~ ෴ * * ෴ ~ ෴ * * ෴

Photo from Wikimedia

The Boeing 777 was on the final approach on the glide slope with the onboard computers tuned and locked on the ILS frequency of the runway 12/30. ගොඩබෑමේ අවසන් අදියරට එළඹි බෝයිං 777 යානය ආනතියකින් යුතුව පහළට ගමන් කලාය. මේ වන විට ධාවන පථයට සැතපුම් පහක් ඔබ්බෙන් , අඩි 2000ක උසකින් පියාසර කරමින් තිබූ යානයේ පරිගණක පද්ධතිය අංක 12/30 ධාවන පථයේ ILS සංඛාතයට සුසර කර තිබිණ.. කපිතාන් ලෑන්ඩර්ස් ත‍ටුවල සවිකර තිබූ ෆ්ලැප් පළමු අදියරට පහත් කිරීමට අණ දුන්නේය. දැන් එලැඹ ඇත්තේ යානාවේ රෝද පහත් කිරීමේ වේලාවයි. මනා ලෙස පුහුණු වූ නියමුවන්ගේ දෑත් කඩිසර ලෙස උපකරණ පැනල මත ක්‍රියාත්මක විය. went through the motions.

First officer Alvin යානාවේ රෝද කුටීර දොර විවෘත වී රෝද කට්ටල පහතට ගමන් කරමින් පවතින බව හඟවමින්, සුදු කො‍ටු රටාවකින් උපකරණ පැනලයේ දැල්වෙමින් තිබූ දර්ශකය වෙත සහය නියමු ඇල්වින් රොජර්ස් නෙත් යොමුකරගෙන සිටියේය. මෝටරයකින් නැගෙන ගුම් නාදයක්ද, ඉන් අනතුරුව යානය තුලටම දැනුනු ගැස්සීමක්ද සමඟ, රෝද කට්ටල පහත් වී අගුලු වැටෙත්ම, පැනලයේ දර්ශකය කොළ පැහැති විය. wheels were down and locked and the indicators turned into green.

With the airspeed now reduced to just above the stall speed. පියාසර වේගය, එන්ජින් අක්‍රීය වන වේගයට මඳක් ඉහලින් සිටිනසේ අඩු කර තිබු අතර, ත‍ටු මත ක්‍රියාත්මක වූ ෆ්ලැප් සහ වායු තිරිංග නිසා එන්ජින් වල හඬේ පැහැදිළි වෙනසක් දැනුණි. due to the deployed flaps and the armed speed brakes.

The big jet came in screaming out of the skies, toward the lit up runway 12/30. The engines slightly accelerating to මහ හඬ නඟමින් ගුවන් ගැබින් මතුවූ දැවැන්ත ජෙට් යානය, විදුලි එළියෙන් ඒකාලෝක වූ ධාවන පථය දෙසට පහත් විය. පහත් කල රෝද කට්ටලය සහ ෆ්ලැප් වලින් ඇතිකල අධික වායු ප්‍රතිරෝධය නිසා, යානයේ ඉදිරිපස ඉහලට එසවීම වැලැක්වීමට ප්‍රමාණවත් තරමින්, එන්ජින් යන්ත්‍ර යන්තමින් ත්වරණය වෙමින් පැවතුනි. ධාවනපථයේ ආරම්භය හඟවන සළකුණු යානයට යටින් විදුලි වේගයෙන් පසුපසට ඇදී යත්ම, කපිතාන් කෙවින් ලෑන්ඩර්ස්, පතන කෝණය වැඩි වන සේ, සුක්කානම ආපසු ඇද යානයේ ඉදිරිපස මඳක් ඉහලට එසවීය. අත්ත‍ටු විහිදා, නිය පහුරු ඉදිරියට දිගු කරගෙන, ගොදුරක් මතට පහත් වන දැවැන්ත රාජාලියකු සේ, බෝයිං 777 යානය පොළොවට ලඟාවිය. claws outstretched to grab the prey.

Photo from Wikimedia

The landing gear just skimmed the runway and then sparks flew as the rubber the met the tarmac at thetouchdown, ධාවන පථයේ ගෑවෙමින් නොගෑවෙමින් මඳ දුරක් ඇදී ගිය පසු පස රෝද කට්ටල, ගිණි පුපුරු නිකුත් කරමින් ධාවන පථය සිප ගත්හ. රබර්, තාර මත ගැටීමෙන් ඇතිවූ දුම් වලාව අතරින්, යානාවේ රෝද පැයට කිලෝමීටර 0 සිට 250 දක්වා මොහොතකින් ත්වරණය වී කැරකෙන්නට විය. යානාව සිසාරා නැගුණු කම්පණයත් සමඟ රෝද හා අවලම්බන පද්ධතිය යානයේ බර කරට ගත්තේ ‘ස්ස්ස්’ හඬක් නගමිණි. gear suspension hissed and took over the total weight of the aircraft.

In a few seconds, the nose wheels touched downadding more rubberතප්පර කිහිපයකින්, ධාවන පථයට තවත් රබර් පැල්ලමක් එක් කරමින් ඉදිරිපස රෝද කට්ටලයද පතිත විය. යානයේ ආරෝහක පාලකය උදාසීන කල කපිතාන් ලෑන්ඩර්ස් සුක්කානම් පැඩලයන් ආධාරයෙන් යානය ධාවන පථයේ හරි මැදින් ධාවනය කලේය. උපරිම මට්ටමෙන් ක්‍රියාකල ෆ්ලැප්, ස්පොයිලර, එන්ජිමේ පසු තෙ‍රැපුම් බලය හා තිරිංග නිසා, එක වර නැඟුණු හඬ අති උච්ච ස්වරයකට පත්විය. a howl and roar and scream at the same time which reached a crescendo.

As the ground handling crew watched the Boeing 777 thundered down the runway making the windows rattle බෝයිං 777 යානය, අවට ගොඩනැඟිලි වල කවුලු පියන්පත් දෙදරවන ගිගුරුම් හඬක් නංවමින් ධාවන පථය දිගේ අධිවේගයෙන් දිව යනු, යානය එනතෙක් ‍රැඳී සිටි ගුවන් තො‍ටුපොළ කාර්‍ය මණ්ඩලය බලා සිටියහ. ධාවන පථය කෙළවරේදී වේගය අඩුවූ යානය, අංශක අනූවක කෝණයකින් හැරී, ටැක්සි මඟ දිගේ, ලැසි ගමණින්, පර්යන්තය වෙතට ගමන් කලාය. මඟීහු සුපුරුදු පරිදි යානාවෙන් පිටවීමට සූදානම් වූහ. getting ready to deplane with usual chatter.

෴ * * ෴ ~ ෴ * * ෴ ~ ෴ * * ෴

Several hours later, Nick Ortega stood in the floodlights on the concrete ramp and ticked off the check list  පැය කිහිපයකට පසු, ගුවන් යානයේ බාහිර තත්වය, ලිපි ගොණු කවරයක ‍රැඳවූ ලැයිස්තුවක සළකුණු කරමින් නික් ඕර්ටේගා විදුලි එලියෙන් නැහැවුනු කොන්ක්‍රීට් පොළොව මත ඒ මේ අත ඇවිද්දේය. මඳකින්, යානයේ වම්පස ත‍ටුව යටට ඇවිද ගිය ඔහු, යානාවේ රෝද එකලස පරීක්ෂා කර ලැයිස්තුවේ හරි සළකුණු කිහිපයක් දැම්මේය. එකක් පසු පස එකක්, මහ හඬ නංවමින් දිවයන ජෙට් යානාවල ඝෝෂාවට ඔර්ටේගා මුහුණ ඇඹුල් කර ගත්තේය.

පැන්සලයේ තුඩ දිවගින් පෙඟවූ ඔහු, ලෝහයක් මත ලෝහයක් මෘදුව ගැටෙන හඬක් ඇසුන නිසා රෝද කට්ටලය සවිකර තිබූ යෝද සිරස් ලෝහ පාදයේ උඩ කොටස දෙස නෙත් හෙලීය. මඳ සුලඟට වැනෙමින්, ලෝහ ගාංචුව ලෝහ පාදයේ වැදෙමින්, එයින් එල්ලෙමින් තුබූ මෝටර් රථයක ආසන පටිය දු‍ටු ඔර්ටේගාගේ ඇස් සිහින් වී, මුහුණට ප්‍රශ්ණාර්ථයක් පැන නැඟුනේ නිතැතිනි.

“මේ මොන …?”

ඔහු, අතැතිව තිබූ විදුලි පන්දමේ දීප්තිමත් ආලෝකය රෝද කුටීරයට එල්ල කලේය. අමුත්තක් නැත. ඔහු, වැඩි හොඳට, රෝද එකලසට ගොඩවී රෝද කුටීරය තුලට ආලෝකය එල්ල කර බැලීය. එහි කිසිවක් නොමැත. පැන්සලේ තුඩ නැවතත් දිවගා පෙඟවූ ඔහු, විශේෂ නිරීක්ෂන කොටසේ ලිවිය යුතු වාක්‍යය සිතින් ගොඩ නඟා ගැනීමට තැත් කලේය. “වම්පස රෝද සවිකල ලෝහ පාදයෙන්, මෝටර් රථ ආසන පටියක් එල්ලෙමින් තිබුණි,” යන වාක්‍යය අභව්‍ය බව ඔහුට හැඟුනි.

වහා වෝකි ටෝකි යන්ත්‍රය මුවට ලංකල ඔහු එහි TALK බොත්තම ඔබා වේගයෙන් කතා කිරීමට පටන් ගත්තේය. pushed the talk button and started talking into it rapidly.

෴ * * ෴ ~ ෴ * * ෴ ~ ෴ * * ෴

Two weeks later, henryblogwalker සති දෙකකට පසු, හෙන්රි බ්ලොග්වෝකර් කෝපි කෝප්පයක් තොල ගාමින් Yahoo Mail සේවයේ, ‘Inbox’ ගොනුව විවෘත කලේය.

23 unread messages! ඔව් , බ්ලොගර් කෙනෙක් වුනාම ලැබෙන ලිපි වලින් නම් අඩුවක් නෑ, ඔහු සිතීය.

නමුත් තුන්වන ලිපිය ඔහු වෙත කඩා පනින්නාක් මෙන් විය.

 

Carlos                              HeyDude                     8.55 AM

“මේකා අර උගේ පිස්සු වැඩේ ගැන මොනවා කලාද දන්නේ නෑ,” ඔහු තමන්ටම මුමුණා ගත්තේය.

කාලෝස්ගේ නම මත ක්ලික් කල ඔහු, ඇඟිලි තුඩින් ලැප්ටොප් පරිගණකයේ යතුරු පුවරුව අසල දාරයට නොඉවසිල්ලෙන් තට්‍ටු කරමින්, ලිපිය තිරයේ දර්ශණය වන තෙක් බලා සිටියේය. drumming an impatient tune on the edge of the laptop keyboard.

THE END

නිමි.

WARNING: THIS IS FICTION. PLEASE DON’T TRY THIS. THIS IS DEADLY. THE STATISTICS ARE TRUE.
අවවාදයයි. මෙය ප්‍රබන්ධයක් පමණි. මෙය කිසිවිට අත්හදා බැලීමට උත්සාහ නොකරන්න. ප්‍රතිඵල මාරාන්තික විය හැකි අතර මෙහි සඳහන් කල සංඛ්‍යාලේඛණ සත්‍ය වේ.

References:

http://www.dailymail.co.uk/news/article-32111/Cuban-stowaways-died-jet-soared.html#ixzz2J5vFW3af

http://en.wikipedia.org

http://www.boeing.com/boeing/commercial/777family/pf/pf_200product.page

http://www.bbc.co.uk/news/magazine-19562101

http://www.slate.com/articles/news_and_politics/explainer/2003/12/do_jet_stowaways_ever_survive.html

http://www.slate.com/articles/news_and_politics/explainer/2003/12/do_jet_stowaways_ever_survive.html

Originally published @ HeyDude in English Language.
Simulblogged @ මගේ ඩෙනිම Blogger Lovers.

 

ටැග: , , , ,

136. මාරක පියසැරිය. Flight Beyond All Hope. Part 2. Dude’s Originals.

136. මාරක පියසැරිය. Flight Beyond All Hope. Part 2. Dude’s Originals.

Carlos arrived at the rear port side landing gear precisely at the same moment  the crew got the control tower clearance for takeoff. කාලෝස් ගුවන් යානයේ වමේ පසුපස රෝද කට්ටලය වෙත ලඟා වූයේ, යානයේ නියමුවන්ට  ගුවන් ගතවීමේ අවසරය පාලක කුලුණෙන් ලැබෙනවාත් සමඟමය. විශාල රෝද ඉදිරිය බලා ගමන් ඇරඹීය. ඔහුට වම් පසින්, අඩි කීපයක් ඔබ්බෙන්, සුවිසල්  වම් ත‍ටුවෙහි එල්ලා තිබූ  යෝධ ජෙට් එන්ජිමේ පසු පසින් පිටවූ ගිණියම් වායු ප්‍රවාහයේ බලය සුළි කුණා‍ටුවක් මෙන් කාලෝස්ට දැණින. පසු පස රෝද යුගලය අතරින් ලඟාවූ කාලෝස්, රෝද සවිකර තිබූ සිරස් පාදයෙන් පිටතට නෙරා තිබූ කොටසක  එල්ලී උඩට ඇදුනේය. scrambled up. 


කාලෝස් මේ කුමක් කරන්නේ දැයි ඔබට සිතාගත නොහැකි නම්, පසුගිය කොටසට මෙතැනින් යන්න.

 
The wheels started to roll faster, gathering speed,දෑතින්ම වානේ කඳේ එල්ලී සිටි කාලෝස්ගේ එල්ලෙන දෙපාවලට සෙන්ටිමීටර කීපයක් ඔබ්බෙන්, යානාවේ රෝද වඩ වඩා වේගයෙන් කරකැවුනි. වියරුවෙන් මෙන් පය ‍රැඳවුමක්  සොයමින් සිටි දෙපයට  මඳ වෙලාවකින් ලද ඉස්පාසුවෙන්, කාලෝස් වානේ කඳ දිගේ සවිකර තිබූ සිහින් හයිඩ්‍රෝලික් බට වල එල්ලී ඉහලට ඇදුනි. ඔහුගේ බරට බට ඇදවනු අතට දැනුනෙන්, ඔහු වහා විකර්ණව ස්ථානගත කර තිබූ වානේ බටය බදා ගත්තේය. ඉන් පසුව, තවත් උඩට ඇදුනු ඔහු,  විවෘතව  පහලට එල්ලෙමින් තිබූ තහඩු පියනේ උඩ දාරයේ එල්ලී, රෝද කුටීරය තුලට රිංගා ගත්තේය. and climbed into the wheel bay.



First of all Carlos, there is no guarantee that you won’t be  crushed to death ක්කොටම ඉස්සෙල්ලා කාලෝස්, රෝද සෙට් එක විතරක් ‍ෆිට් වෙන ගානට හදපු ඔය රෝද කුටීරෙට රිංගාගන්න එකාව , හයිඩ්‍රොලික් බලයෙන්  ආපහු ඇකිලිලා උඩට එන රෝද සෙට් එකට අහුවෙලා, චප්ප වෙලා, මැරෙන එකක් නැහැයි කියලා, කිසිම විශ්වාසයක් තියාගන්න බෑ. only the landing gear.



Carlos watched the tarmac rushing under him at alarming speed. මාට පහතින්, ධාවන පථය අධි වේගයෙන් පසු පසට දිව යන අයුරු, පහල බැලූ කාලෝස් දු‍ටුවේය . ගුවන්ගත වීමේදී හා ගොඩ බෑමේදී, ගුවන් යානා යානා ටයර වලින් ධාවන පථයේ ඇඳුනු තද කලු  රබර් පිළිස්සුම් රේඛාවනුත්, ධාවන පථයේ ගිල්වා සවිකර තිබූ විදුලි පහනුත්, ධාවන පථයේ ඇඳ තිබූ සලකුණුත් සියල්ල අධි වේගය නිසා එකට මුසුවී මැවූයේ බොඳවුනු චිත්‍රයකි.  කිරි කිරි හඬ නඟමින්,  කෙඳිරි ගාමින් වෙව්ලූ රෝද එකලස, වරින් වර  මහ හඬින් ගැස්සිනි. කුඩා ඉඩකඩකින් හෙබි රෝද කුටීර තුලට ජෙට් යන්ත්‍රවල ඝෝෂාව ඇසුනේ කන් බිහිරි කරවන ස්වරයකිනි. හදිසියේම කිරි කිරි හඬත්, කෙඳිරියත්, වෙවුලුමත්, ගැස්සීමත් එක්වරම නැවතුනේ, යානය ගුවන්ගත වෙත්ම, දැවැන්ත රෝද ධාවන පථයෙන් ඉහලට එසවී, හයිඩ්‍රොලික් පද්ධතියෙන් නැඟුනු ‘ස්ස්ස්’ හඬත් සමඟ,  එතෙක් යානයේ බර දැරූ  අවලම්බන පද්ධතියේ බර සැහැල්ලු වූ නිසාය.  මහ මගේ පදික මාරුවක් සිහි ගැන්වූ ධාවන පථයේ කෙළවර බව හඟවන සලකුණ වේගයෙන් පහලට කිමිදී යනු කාලෝස් බලා සිටියේය. ඉන් පසුව රෝද කුටීරයේ විවෘත කවුලුව පිරී ගියේ  වේගයෙන් ඈත්වන භූමි දර්ශණයෙනි. ධාවන පථය, ගුවන් තො‍ටුපොල ගොඩනැගිලි, ගුවන් තො‍ටුපලේ මායිම් වැට, තුරු මුදුන්, මහා මාර්ගය, කෙත්වතු,… එය සැබවින්ම මනරම් දර්ශනයක් විය. the fields, …. What a view!



Dude, they say, depending on the type of aircraft and the landing gear කාලෝස්, ඔය රෝද කුටීරෙ අස්සෙ යන්තමට රිංගලා ඉන්න ඉඩ ලැබෙන්නේ, ප්ලේන් එකේ වර්ගයයි, ‍තෝරා ගන්න ලෑන්ඩිං ගියර් සෙට් එකයි අනුවලු. උදාහරණයක් විදියට, පරණ DC 8 එකක දකුණු පැත්තේ රෝද කුටීරේ පොරකට රිංගලා ඉන්න ඉඩ තියෙනවලු. නමුත් මොන කරුමෙකට හරි, වම් පැත්තෙ එකට රිංගලා හැංගුනොත්, රෝද ඇකිලිලා ඇතුලට එනකොටලු තේරෙන්නෙ ඒ පැත්තේ හයි කරලා තියෙන  හයිඩ්‍රොලික් ෆ්ලුයිඩ් ටැංකියි, තව තව ගැජ‍ටුයි නිසා, ඒක ඇතුලෙ ඉඩ නැති බව. එතකොට ප්‍රමාද වැඩියි . මොකද  එතකොට රෝදෙට හිර වෙන නිසා වැඩේ අතෑරලා දාන්න ඕනෙ වුනත්, විදියක් නෑ.  කෙලින්ම මැස්සෙක් වගේ චප්පම වෙලාම යනවලු, ඒ ඇරත්, යටින් දොරත් ඒ එක්කම වැහිලා, ලොක් වෙලා, ප්ලේන් එක තවත් ඉහල නගින්න ගන්නවානේ.  doors would close beneath with finality and the aircraft would be climbing higher.

 


And then, he heard the hiss of the hydraulics and the hum of a giant motor විටම ඇදහිය නොහැකි ලෙස,  ජෙට් එන්ජින්වල ගිගුරුමද යටපත් කරමින් ඇසුන යෝධ මෝටරයක් කරකැවෙන හඬත්,

Undercarriage_anim

ගුවන්යානාවේ රෝද, යානාව ගුවන් ගත වූ වහාම,හැකිලී රෝද කුටීරයට යන්නේ, ආසන්න වශයෙන්මේ ආකාරයටය. මෙහිදී, පහසුවට එක රෝදයක් පමණක් පෙන්වා ඇත.

හයිඩ්‍රොලික් පද්ධතියක් ක්‍රියාත්මකවන ‘ස්ස්ස්’ හඬත් සනි‍ටුහන් කලේ, ඇතුලට හැකිලීමට පටන් ගත් රෝද කට්ටලයට ඉඩ දීම සඳහා, රෝද කුටීරයේ රෝද ආවරණය වන දොර‍ටුව පහලට විවෘත වීමේ ඇරඹුමය. රෝද කට්ටලය සවිවූ දැවැන්ත වානේ පාදය ඇතුල් පැත්තට නැවෙද්දී  විකර්ණව සවිකර තිබූ ආධාරකය  හැකිලිනි. කාලෝස් නරඹමින් සිටි මනරම් දර්ශණය වසා ගනිමින්,  දැවැන්ත රෝද කට්ටලය කාලෝස් දෙසට ඇදී ආවේ, එහි මඟ  ඇති ඕනෑම දෙයක් පොඩිපට්ටම් කරගෙන යන තරම් වූ අධික ජවයකිනි.


තවමත් කැරකෙන රෝදයට හසු නොවී කාලෝස්ගේ හිස අනූ නවයෙන් බේරුනේ, ඒ සමගම ඇදී ආ රෝද සවිකල පාදයට අත තබා මඳක්  පසෙකට තල්ලුවූ නිසාය. රෝද කුටීය එක් වරම තවත් ඉඩ ඇහිරී, අඳුරු වූයේ කාලෝස්ව තැති ගන්වමිනි. රෝද කට්ටලය කුටීරය තුල තැන්පත්වූ වහාම, කුටීර දොරවල් වැසී ගියේ, තවමත් මන්දාලෝකයක ගිලී පැවති බාහිර ලෝකයෙන් කාලෝස්ව වෙන් කර, ගනඳුරේ ගිල්වමිනි.  fading lights from the outside world and completing the nightmare.



If you managed to survive that, dude, ඹ ඒ මාරකෙන් බේරුනත් කාලෝස්, ඉහල නගින හැම අඩියක් පාසාම පහත බහින උෂ්ණත්වය උඹට සතුරු වෙනවා.

තත්වය තවත් භයානක වෙන්නේ, ගුවන් යානාව සුපුරුදු ගමන් වේගයෙන් යන්න නියමිත ඉහලට නගින අතරමගදිම, මුහුදු මට්ටමෙන් අඩි 18,000 විතර උසකදි , වායුගෝලයේ ඔක්සිජන් මට්ටම හොඳටම තුනී නිසා ‘හයිපොක්සියා’ කියන තත්වය ඇති වෙන්න පටන් ගන්න නිසයි. එතකොට කෙඩෙත්තු ගතිය, ඔක්කාරය, අධික හිසරදය වගේ ලක්ෂණ පහල වෙලා හුස්ම ගන්නත් පුදුම සටනක් කරන්න වෙනවා. වැඩේ තවත් දුර දිග ගියොත් කෝමා එකකට ගිහින්, මැරෙන්න වුනත් පුලුවන්.  ඒක හැබැයි බොහෝම වර්ණවත් මරණයක් වේවි, මොකද, හයිපොක්සියා වලට ඇඟ නිල් පාට වෙන නිසා. උඹට හිනා ගියාද මන්දා. මම ඒ විහිළුවක් කලේ. හරි හරි, ඒක ඇඬෙන විහිලුවක් තමයි.  නිකම්ම මෝඩ ජෝක් එකක්!

උඹ ඉස්කෝලෙදි විද්‍යා විෂයයන්නේ කලේ නේද? උඹට මම කියන දේ තේරුම් ගන්න අපහසුවෙන්න බෑ. So, you know what I mean.

 

Suddenly Carlos felt බර් ටයරයට තමන්ගේ මුහුණ ගෑවී පිළිස්සෙමින් තිබෙන බව කාලෝස්ට හදිසියේ දැනිනි. ගුවන් ගතවීමට ධාවන පථයේ අධිවේගයෙන් දුවන ගුවන් යානාවක ටයර අධික ලෙස රත්වන බව, ඔහුට අවබෝධයක් නොතිබිනි. තිබූ ඉඩකඩේ හැටියට  කාලෝස් හැකි තරම් මුහුණ ටයරයෙන් ඉවතට ගත්තේය. cramped enclosure allowed him.



Above 20,000ft, you will also be at the risk of ඩි 20,000 පහු කරනකොට, ලේ නහර වල නයිට්‍රජන් බුබුලු ඇතිවීමේ අවදානමත් (nitrogen gas embolism), ඒ නිසාම අර කිමිදුම්කාරයන්ට හැදෙන decompression sickness කියන තත්වයත් හැදෙන්න පුලුවන්. අන්න ඒ නිසයි, යානාව ඇතුලත  pressurize කරලා, පොලොව මට්ටමේ පීඩනයම කෘතිමව පවත්වාගෙන යන්නේ.

අඩි 33,000දි (මීටර් 10, 065) පෙනහලු සාමාන්‍ය විදියට ක්‍රියා කරන්න කෘතිම පීඩනයක් අවශ්‍යයි. උඹට දැන් මේක කියවලා ඇතිවෙලා වගේද, මේ විස්තර අහලා? Do I sound like a goddamn manual or a textbook?

Those stowaways whose bodies are not mangled by the retracting landing gear or killed by these extreme conditions ඩාගෙන බිඳගෙන ඇතුලට ඇකිලෙන රෝද වලට අහු වෙලා චප්ප නොවෙන, ඒ වගේම මේ තරම් දරුණු තත්වයන්ට මූණ දීලත් ජීවිතේ බේරාගන්න වාසනාව තියෙන එකා,  යානාව බාන්න පොළොවේ ඉඳලා අඩි දාහක්, දෙදාහක් උඩදි රෝද කුටීරේ දොර ඇරුන ගමන්ම බිමට ඇදගෙන වැටෙන්නේ ඒ වෙනකොට අනිවාර්යයෙන්ම සිහි මුර්ඡා වෙලා ඉන්න  නිසයි. causing them to plunge to their deaths.



Carlos wriggled his feet ගුලකට හසුවුනාක් මෙන් සිරවී ඇතැයි දැනුනු දෙපා, ඒ මේ අතට අඹරා, ඉවතට ඇද නිදහස් කර ගැනීමට කාලෝස් වෙර දැරීය. වාසනාවකට මෙන්, එක් වරකට එක් පය බැගින් ඉවතට ඇදගැනීමට කල උත්සාහය සාර්ථක විය. ඉන් අනතුරුව, තරමක වේලාවක්  ඒ මේ අත හැරෙමින් කල් ගත කල කාලෝස්, මඳක් පසෙකට හැරී, වැතිරී සිටීමට පහසුම ස්වභාවික ඉරියව්ව සොයාගැනීමට සමත් විය.

අඳුරේම ආසන පටිය  අතපත ගෑ කාලෝස්, එහි ගාංචුව සොයා ගත්තේය. ඔහුගේ වමත ගාංචුව අල්වා ගෙන සිටියදී,  දකුණත පටිය පටලැවීමට සුදුසු ආධාරකයක් සෙවීය. එක ලඟ තිබූ ප්‍රමාණ දෙකක ලෝහ බට දෙකක් සොයාගත් ඔහු, කුඩා බටය වටා පටිය යැවීමට තරම් ප්‍රමාණවත් දිගක්,  ගාංචුවෙන් පටිය සීරු මාරු කර ලබාගත්තේය. අවසන, ගාංචුව අගුල් දමාගත් ඔහු සැනසුම් සුසුමක් හෙලීය. “දැන් අඩුම ගානේ, මම රෝද කුටීරෙන් වතුරකට, නැත්නම් කැලෑවකට නම් වැටෙන්නේ නෑ අර හෙන්රිබ්ලොග්වෝකර් කිව්ව විදියට.” as henryblogwalker had said,” he thought.



I don’t mean to sound very pessimistic දැන්, මම සර්වාශුභවාදියෙක් කියලා හිතන්න එපා උඹ. ඒත්, මෙන්න මම හොයාගත්ත, නොකියම බැරි,  කරුණු සමහරක්. මේවා හොයා ගත්තේ, උඹ කරන්න යන අමන වැඩේ කරන්න එපා ඇයි කියන්න, ජාලේ පීරනකොට.

අවට පරිසරයේ උෂ්ණත්වය පහල බහිනවත් එක්කම, ඔක්සිජන් මට්ටමේ පීඩනයත් PP O2 (Partial Pressure of Oxygen) පහල බහින නිසා සිහි නැති වෙනවා.  ශරීර තරල වල ආම්ලික ගුණය අධික වෙලා (buildup of acid in body fluids) කෝමා එකකට වැටීමක් හරි, මරණය හරි පවා සිද්ධ වෙන්න පුලුවන් කියලා තමයි කියන්නේ.


ඉතිං බං කාලෝස්, මේ අති දරුණු තත්වයන් යටතේ, අඩි 37,000ක උසක ජීවිතය ‍රැකෙනවා කියන එක, වෙන මොකුත් නෙවෙයි, ප්‍රාතිහාර්යයක්!

ඉතින්, අන්න ඒක නිසා, ඔය ගොං වැඩේ අල්ලලා දාපං, කාලෝස්.  So don’t be a moron, Just give up.



The noise from the giant jet engines sounded incredibly louder in the confines of ඩකඩ ඇහිරුණු රෝද කුටීරය තුලට, යෝධ ජෙට් එන්ජින් වල හඬ, ඉමහත් ඝෝෂාවක් සේ ඇසුනි. තම කන් ඇබ තවමත් කන්වල ‍රැඳී ඇතිදැයි කාලෝස් පරීක්ෂා කලේය. ඒවා මනාව කන් සිදුරු තුල සවිවී තිබුනි. එක මත එක ඇඳුම් ගණනාවක් හැඳ සිටි කාලෝස්ව දහඩියෙන් නැහැවීමට ප්‍රමාණවත් තාපයක්,  රබර් ටයරවලින් තවමත් නිකුත් විය. හයිඩ්‍රොලික් ලීවර පද්ධති තුල කැකෑරෙමින් පැවති උණුසුම් දියර නිසා, ඒවා තවමත් රත්ව පැවතුනි. තමා පෝරණුවක් තුල දැමූ පාන් ගෙඩියක්  මෙන් නොවේදැයි කාලෝස්ට සිතුනි.

කන් පසාරු කරගෙන ගිය වේදනාව සමනය කර ගැනීමට ඔහු කිහිප වරක් කෙළ ගිල්ලේය. යානාව පියාසර කරන නියමිත උසට ලඟාවීම සඳහා, සැලකිය යුතු ආනතියකින් සීඝ්‍රයෙන් ඉහල නගිමින් පවතින බව දැනුනි. ජෙට් එන්ජින් වල ඝෝෂාව නිසා ඔහුගේ හිස රිදුම් දෙන්නට විය. ඒ සමඟම, අවට පරිසරය වේගයෙන් සිසිල් වීම ඇරඹී තිබුනි. It was beginning to get colder.



At the same time, hypothermia is එක්කම සමහරවිට -63˚Cට පවා පහල බහින උෂ්ණත්වය නිසා, ශරීර උෂ්ණත්වයත් අස්වාභාවික විදියට පහල යනවා. හයිපොතර්මියා කියන මේ තත්වයට ආවාම, සාමාන්‍ය පරිවෘතීය ක්‍රියාකාරිත්වයට බාදා වෙන නිසා, සිහිය තිබුනත් සිහිවිකල් ගතියක් දැනෙනවා. ඒ වගෙම  පාලනය කරගන්න බැරි විදියට වෙව්ලන්න ගන්නවා. සුදුසු ඇඳුම් ඇඳගෙන නොහිටියොත් වැඩේ අන්තිම දරුණු වෙනවා. made worse if you are not wearing proper warm clothing.



It was growing colder and colder. ශීතල අධික වෙමින් පැවතින. කාලෝස් සිය පතුල් ඒ මේ අතට ඇඹරීය. අත්වැසුම් පැලඳි දෑතින්, කම්මුල්වලට අතුල් පහර කීපයක් එල්ල කරගත්තේය. ඒ සමඟම ඔහුට ක්ලාන්ත ගතියක් දැනිනි. හෙන්රිබ්ලොග්වෝකර් පැවසූ දේ සැබෑ වෙමින් පවතී. හුස්ම වඩ වඩා කෙටි විය. ඇදුම රෝගයෙන් පීඩා විඳින සිය මිතුරු හුවාන්, කාලෝස්ට සිහිවිය. ඇදුම උත්සන්න වූ විට, ඉන්හේලරය උරණ තෙක් ඔහුත් හුස්ම ගත්තේ මෙසේ නොවේද?

වේගයෙන් පහල බසිමින් පැවති මුත්, ටයරවල තවමත් යන්තමින් ‍රැඳී උණුසුම, දැන් දැන්  ගෙන දුන්නේ ඉමහත් සුවයකි. තමා අසලම තිබූ, තවමත් උණුසුම් හයිඩ්‍රොලික් ද්‍රවය පිරි ලෝහ බටයකින්, නව තාප ප්‍රභවයක් සොයාගැනීමට කාලෝස් සමත් විය. still warm from the hot hydraulic fluid inside them.



Frostbite will be one of your worst enemies at these high altitudes.හල ආකාසෙදි අන්තිම දරුණු සතුරෙක් තමයි frostbite. අධික සීතලට මිදිලා, පටක මැරිලා, හම කලුවෙලා, තුවාල වෙලා, ඇත්තටම නහය, ඇඟිලි වගේ දේවල් මැරිලා, කපලා දාන්න වෙනවා. 

ඇත්තටම, සමහරු ඔය විදියට මිදිලා, ගල්වෙලා ඉඳලා තමයි හම්බ වෙලා තියෙන්නේ.

කාලෝස්, මම ජාලේ කරක් ගහන කොට දැක්කා,  වික්ටර් අල්වාරෙස් මොලීනා කියලා කියුබානු සරණාගතයෙක් ගැන, DC 10 එකක හැංගිලා කැනඩාවේ මොන්ට්‍රියල් වලට ආපු.  පොර මාර වාසනාවන්තයෙක් කියන්නේ, පැය හතරක ගමන,  -40˚C උෂ්ණත්වයේ ඇවිල්ලත් පොර බේරිලා තියෙන්නේ, රෝද කුටීරේ අස්සේ තිබ්බ කැඩිච්ච පයිප්පෙකින් නොකඩවා කාන්දු වෙච්ච උණුසුම් වාත ධාරාවක් නිසා. මේකාගේ වෙලාව කියන්නේ,  ගොඩබාන්න ලෑස්තිවෙලා රෝද පාත් කරන්න රෝද කුටීරේ දොර ඇරුනාම පොර බිමට නොවැටි බේරිලා තියෙනෙත්, අර පයිප්ප කෑල්ලේ එල්ලිලා.


ඒක නම් බුවාගේ වාසනාව. ආයෙ, වෙන මොකක්වත් නෙවෙයි. ඉතින් ඒවගේ ප්‍රාතිහාර්ය දෙපාරක් වෙයි කියලා හිතන්න බෑ කාලෝස්.  ඒක නිසා බං, ඔය වැඩේ  අතෑරලා දාපං. ඕක කරන්න එපා.

මම මේ කියන දේවල් ගනන් නොගෙන, උඹ ඔය වැඩේ කරනවා නම්, මට මෙතන ඉඳන් උඹව නවත්තන්න බෑ. එහෙම වුනොත් මොට්ටපාල, උඹේ අමන වැඩේට දෙවියන්වහන්සේගේ අනුකම්පා කරත්වා කියලා මම පතනවා.

උඹට දෙවි පිහිටයි, God bless you, you stupid idiot!


Take care,


henryblogwalker.



Carlos was floating between wakefulness and unconsciousness. කාලෝස් සිටියේ සිහියත්, අසිහියත් අතර පාවෙමිනි. පපුව මත ගඩොල් පැටවූවාසේ දැනුන නිසා, සෑම හුස්මක්ම පපුවට වේදනා දුන්නේය.  අදිසි දෑතකින් සිය ගෙල සිර කරන්නාක්සේ ඔහුට දැනින. හුස්ම ගැනීමට බලවත් ප්‍රයත්නයක් යෙදීමට සිදුවිය. ජෙට් යන්ත්‍රවල කන් බිහිරි කරවන ඝෝෂාව වරින් වර මුලුමනින්ම නෑසී ගියේ, විශ්මිත අයුරිනි.  තමා මේ වැතිරී සිටින්නේ, බුර බුරා නැගෙන ගිණිජාලා නිකුත් කරමින් කැරකෙන, දැවැන්ත ජෙට් යන්ත්‍ර එල්ලා ඇති, සුවිසල් ගුවන් යානා ත‍ටුව තුල,  නිරන්තරයෙන් කැලතෙමින් පවතින ජෙට් ඉන්ධන ගැලුම් දහස් ගනනකට, කොතරම් කිට්‍ටුවෙන්දැයි, හදිසියේම කාලෝස්ගේ සිතට නැගුනි. වැඩිම වුනොත්…ඔන්නම් අඩි පහක්.. හත…ර…ක්… තු…න…ක්… … …


කාලෝස් ගුවන් යානයේ රෝද කුටීරය තුල සිහි සුන්ව වැතිර සිටියේය. ඔහු අවට උෂ්ණත්වය සහ ඔක්සිජන් මට්ටම තව දුරටත් පහත වැටෙමින් පැවතුනි. The air temperature and oxygen levels  around dropped  further.


The Boeing 777 leveled out at 37,000 feet and settled to cruise at a steady speed of 0.84 Mach. මුහුදු මට්ටමින් අඩි 37,000ක උසකදී ඉහල නැගීම නතරකල බෝයිං 777 යානය, Mach 0.84ක ඒකාකාර වේගයකින් පොළොවට සමාන්තරව පියාසර කිරීම ඇරඹීය.

ගුවන් යානා කාර්ය මණ්ඩලය මගීන්ට සහ නියමුවන්ට රාත්‍රී භෝජනය පිළිගැන්වූහ. වායුගෝලයේ සුළු කැලඹීමක් තුලින් ගමන් ගත් යානය තරමක් දෙදරීමකට භාජනය වූවද, ගුවන් කාර්යමණ්ඩලය සිය සුපුරුදු වෘතීයමය සිනහව මුව රඳවාගෙන සිටියේ, මඟීන්ගේ චකිතය දුරු කරමිනි.

කිවයුතු විශේෂයක් නොමැතිව,  නිහඬ රාත්‍රී අහස තුලින් ඇදී ගිය බෝයිං 777 යානයේ බඳ, සඳ එලියට රිදීවන්ව බැබලුනි. its body glowing silver in the moonlight.


කාලෝස්ට කුමක් වේද?
අවසන් කොටසින් බලාපොරොත්තුවන්න.

To read the original English version CLICK here.
(කරුණාකර ගමනාන්තය දක්වා බඳපටි පැලඳ සිටින්න.)

References:


http://www.dailymail.co.uk/news/article-32111/Cuban-stowaways-died-jet-soared.html#ixzz2J5vFW3af


http://en.wikipedia.org


http://www.boeing.com/boeing/commercial/777family/pf/pf_200product.page


http://www.bbc.co.uk/news/magazine-19562101


http://www.slate.com/articles/news_and_politics/explainer/2003/12/do_jet_stowaways_ever_survive.html


http://www.slate.com/articles/news_and_politics/explainer/2003/12/do_jet_stowaways_ever_survive.html

 

Originally published @ HeyDude in English Language. Simulblogged @ මගේ ඩෙනිම for Blogger Lovers.

 

ටැග: , , , ,

135. මාරක පියසැරිය. Flight Beyond All Hope. Part 1. Dude’s Originals.

135. මාරක පියසැරිය. Flight Beyond All Hope. Part 1. Dude’s Originals.

Dude, Please Don’t Try It.

From: henryblogwalker
 
Dear Carlos,
 

Dude, I’m writing this to ask you not to do what you are about to do. Maybe... හිතවත්  කාලෝස්, මම මේ ලියන්නේ උඹ ඔය කරන්න හදන වැඩේ කරන්න එපා කියන්නයි. හරි, හරි, අපි කවදාවත් මුණ ගැහිලා නැති එක ඇත්තයි.  ඔව්, අපි මේ මූණු පොතේ යාලුවෝ විතරක් බවත් ඇත්තයි. මම ඇත්තෙන්ම උඹව අඳුනාගත්තෙ උඹ මගේ HeyDude බ්ලොග් එකේ  “Forgive Me Dude, If You Can”. පෝස්ට් එකට දාපු කමෙන්ට් එකෙන්නේ. මම සාමාන්‍යයෙන් නොකරන වැඩක් වුනත්, මට ඒ කමෙන්ට් එක මකන්න වුනා. නමුත් ඒ සිද්ධියන්ම තමයි මම උඹව අඳුනා ගත්තේ.

ඒ යාලුකම අදටත් එහෙමමයි. පිස්සු කෙලින්නේ නැතිව මම කියන එක අහපං.  ඔය වැඩේ කරන්න එපා බං.  ඕක මහාම මෝඩ වැඩක්.trying to do is stupid.

Carlos checked his gear for the last time with his checklist. කාලෝස් අවසන් වතාවටත් සිය ආම්පන්න කිහිපය, ලැයිස්තුවත් සමඟ සසඳා බැලීය. උණුසුම් බෝතලය, පැරණි වාහන ආසන පටියකින් ඔහුම සකසාගත් ආරක්ෂක බඳ පටිය, කන් ඇබ, උණුසුම් අත් වැසුම්…ear plugs, winter gloves,…

I once read in an old Reader’s Digest, under ‘Drama In real Life,’ යාලුවෙකුත් එක්ක, ජෙට් එකක රෝද කුටීරෙ අස්සේ හැංගිලා, වෙන රටකට යන්න හදපු කොල්ලෙක් ගැන, වතාවක් මම රීඩර්ස් ඩයිජස්ට් සඟරාවක, සත්‍ය කතාවක කියෙව්වා.  ඒකාගේ නම මිගෙල්ද මන්දා! කොහොම හරි උඹේ නම වගේම ස්පාඤ්ඤ නමක් තමයි  ඒකත්. ඔය ගුවන් යානයක් ගුවන් ගත වුනාට පස්සෙ, රෝද ඇකිලිලා ගිහින් හැංගෙන්න හදලා තියෙන රෝද කුටීරේ (ඕකට වීල් බේ, වීල් වෙල් නැතිනම් ලෑන්ඩිං ගියර් කම්පාට්මන්ට් කියලත් කියනවා) උෂ්ණත්වය, පීඩනය  පාලනය කරලා තියෙන තැනක්වත් වත් ඔක්සිජන් සැපයුමක් තියෙන තැනක්වත් නෙවෙයි. උන් නොමැරි බේරුනේ කොහොමද කියන එක මට නම් හිතාගන්නවත් බෑ. Howthey survived, beats me!

Another jet roared overhead climbing steeply into the gathering dusk and banking left. දැනටමත්  අඳුරු වෙමින් පවතින සැඳෑ අහස් කුස  වෙත දැඩි බෑවුමකින් ඉහල නගිමින්ම වමට හැරවූ ජෙට් යානයක එන්ජින් යන්ත්‍රවල ගෙරවුම පරිසරය සසල කලේය. ඒ මියුනික් කරායන ලුෆ්ට්හන්සා යානාව බව මේ වනවිට ගුවන් යානා කාලසටහන කට පාඩමින් දත්  කාලෝස් හඳුනාගත්තේය. ඊට අමතරව ඔහු පසුගිය සය මස තුලදී ගුවන් තො‍ටුපලේ ධාවන පථය අවට ප්‍රදේශයද හොඳින් අධ්‍යයනය කර තිබුනි.

එවිටම, මිලිටරි සපත්තුවකට බොරළු මැඩෙන හඬ ලඟින්ම ඇසුනේ, ඔහු අපේක්ෂාකල පරිදිමය. AK47 ස්වයංක්‍රීය අවි දරා, ගුවන් තො‍ටුපොල සීමාවේ ජංගම මුර සේවයේ යෙදෙන ආරක්ෂක භටයෝ දෙදෙන ඔහු සැඟවී සිටි ස්ථානය අසලින්ම පියමං කරද්දී, පඳුර පි‍ටුපස මුනින් වැතිර ගත් කාලෝස් නිසොල්මන්ව සිටියේය. He lay flat on his belly, behind the bush.
 
I checked this on the internet because you said your mind was set on thisweirdඹේ, මේ රෝද කුටීරෙක හැංගිලා අමෙරිකාවට පැනගන්න පිස්සු අදහස නිසාම, මම මේක ගැන සෑහෙන්න හොයලා බැලුවා, විශේෂයෙන්ම ජාලේ. මම හොයාගත්ත ලැබුන දේවල් දැක්කම පිස්සු හැදෙනවා. අර මම කිව්ව කොල්ලො දෙන්නා විතරක් නෙවෙයි බං, මේ වැඩේ කරලා තියෙන්නේ. වරින් වර, දේශපාලන ‍රැකවරණ පතන්න, බටහිර යස ඉසුරු හොයන්න, සරණාගතයො හැටියට  ඔය වගේ එක එක ජනප්‍රිය ලේබල් ගහගෙන සෑහෙන පිරිසක් රෝද කුටීරේ ගිහින් තියෙනවා. අමෙරිකන් ගුවන්  සේවා අධිකාරිය කියනවා, වසර 2000දි විතරක් 13 දෙනෙක් ඕවයේ හැංගිලා අමෙරිකාවට ඇවිල්ලලු. එයින් නොමැරි බේරිලා තියෙන්නේ තුන් දෙනයිලු. දෙදාස් එකේදි හය දෙනයි, එකෙක්වත් පණපිටින් ඇවිත් නෑ. The next year none of the six attempted the feat survived it.

wheelbaystowawaystarts

 Another departing Boeing 777 thundered down the runway with the powerful Rolls Royce engines roaring and whistling at the same time.  ම්පන්න රෝල්ස් රොයිස් ජෙට් එන්ජින් වලින් එක විට නැගුනු සිවුරුහම් හඬින් සහ ගිගුරුම් හඬින් වා තලය කම්පිත කරවමින්, තවත් නික්ම යන බෝයිං 777 ගුවන් යානයක් ධාවන පථය ඔස්සේ අධි වේගයෙන්   දිව ගියාය.  යෝධ එන්ජින් පසුපසින්  නිල් දැල්ලක් නිකුත් කරමින් ධාවන පථය කෙලවරින් ගුවනට නැගි අහස් යානයේ රෝද කට්ටල හැකිලී, යානයේ බඳ තුල සැඟවී යනු ඔහු බලා සිටියේ මිශ්‍ර හැඟීමකිනි. ඒ සමගම රෝද කුටීරයේ පියන්පත් වැසී යනු දු‍ටු කාලෝස්ගේ උදරය හිරි වැටීගෙන යනු ඔහුට දැනින.  felt butterflies in his stomach. Dude, like I said, when

I checked on the net, කාලෝස්, මම කිව්ව වගේ, ජාලේ හොයන කොට මේ වාර්තා 1947 වගේ ඈත කාලයක්  ඉඳන් පටන් ගන්න බව දැකලා මම හොල්මං වුනා. එදා ඉඳලා. 96 දෙනෙක්, ප්ලේන් 85ක රෝද කුටීරේ හැංගිලා ගිහින් තිබුනත්, එයින් 73ක් මැරිලා, 23යි පණ පිටින් ඇවිත් තියෙන්නේ. බාලම එකාට අවුරුදු නවයයි. අඩි 39,000ක් ඉහලින් ගිය ඒවයින් පණ ‍රැකගෙන තියෙන්නේ එකම එක මිනිහයි.  උඹ දන්නවද ඔය සෙල්ලම දාලා පණ ‍රැකගත්ත වුන්ගේ අනුපාතය 20.3%ක් විතරයි කියලා. ඔය ගාන ඔයිටත් අඩුවෙනවා කාලෝස්, මොකද ප්ලේන් එක බාන්න ආපහු රෝද එලියට එන්න අර දොර ඇරුනාම, වතුරට, ඔය කැලෑවල් වලට හෙම වැටිලා මිනියවත් හොයාගත්තේ නැතිවුන්ගේ ගාන කීයක්ද කියලා කවුරුවත් නොදන්න නිසා. not even recovered, could be not included in the survey.

Carlos peeped for any sign of the මු භටයන් පේනතෙක් මානයක සිටීදැයි හාත්පස විමසිලිමත්ව පරීක්ෂාකල කාලෝස්, මිටි බඩ වැටිය ඔස්සේ , පඳුරින් පඳුරට මුවා වෙමින් ධාවන පථයේ කෙලවර වෙත හැල්මේ දුවන්නට විය.  උණුසුම ‍රැකෙන පරිදි ඝනව නිමවා තිබූ ශීත සෘතුවට පළඳින පාවහන්වල  රබර් අඩි, තණ බිම මත කිසිදු හඬක් නොනැගීය. heavily padded winter boots with thick rubber soles made no noise on the grass.

The higher the altitude and longer the flight time, fewer the odds of survival යානය ගමන් කරන උසත්, ගමනට ගතවෙන කාලයත් වැඩිවෙන තරමට පීඩනය, උෂ්ණත්වය පාලනය කිරීමක් නැති ගුවන් යානා රෝද කුටීරෙක පණ ‍රැක ගැනීමට ඇති ඉඩකඩ  අඩුවෙනවා.

අනික,  සෙල්සියස් අංශක සෘණ 45කට විතර පහල යන උෂ්ණත්වයට මූණ දෙන්න සූදානමක් නැති එකා, සීතලට ගල්වෙලා මැරෙනවා.

ඒ ඔක්කොමටත් වඩා, ඉහල අහසේ ඔක්සිජන් ඝනත්වය අඩු කම නිසා පණ‍රැක ගන්න තරම් ඔක්සිජන් ප්‍රමාණයක් නැතිවා මදිවට, අඩු පීඩනය නිසා සාමාන්‍ය විදියට හුස්ම ගන්න පෙනහලු වැඩ කරන්නෙත් නෑ.

ඉතින් ඔක්සිජන් හිඟ කමයි, දරදඬු වෙලා ගල් ගැහෙන සීතලයි නිසා, ඕකෙ යන මිනිස්සු සිහි මුර්ඡා වෙනවා, ඒ නිසාම, ප්ලේන් එක බාන්න, අඩි 1500ක් විතර ඉහලකදි, අර පියන් ඇරිලා, රෝද පාත් කරන කොටම සිහිමුර්ඡා වෙලා ඉන්න මිනිහා, රෝද කුටීරෙන් බිමට ඇදගෙන  වැටිලා මැරෙන්න තියෙන අවස්ථාව හරිම ඉහලයි. ඒ වෙලාවට සිහිය ඇවිත් තියෙන වාසනාවන්තයෙකුට  විතරයි අර මිදිලා, ගල් ගැහිලා, හිරිවැටිලා තියෙන අත් වලින් ඔය මොකක හරි එල්ලිලා බිමට නොවැටි ඉන්න චාන්ස් එක තියෙන්නේ.

මම දේසනාවක් පවත්තනවා කියලා උඹට හිතෙනවද මන්දා? Do I sound like a teacher?

Carlos was out of breath when he finally arrived at the vantage කාලෝස් සැලසුම් කල ස්ථානයට ලඟා වන විට සිටියේ හති ලමිනි. සරුවට වැඩුනු මිටි පඳුරකට මුවාව බිම ඇණ තියාගත් කාලෝස්, සිය පිටෙහි එල්ලා ගෙන ආ  මල්ල උරහිසින් පැන්නීය. එකක් මත එකක් හැඳගත් ඩෙනිම් ජීන්ස් දෙක හා අත්දිග කමිස දෙක නිසා ඔහු දැනටමත් දහඩියෙන් තෙත් වී සිටියේය. මේ සියල්ලටම උඩින්, කෘතිම සමින් නිමකල ඝන කබාය හා කලිසම ලොම් ආවරණයකින් සමන්විත සම් අත්වැසුම් සමඟ  හැකි තරම් පමාවී  හැඳ ගැනීමට ඔහු තීරණය කලේය. ඔහුට මේ අදහස ලැබුනේ හෙන්රිබ්ලොග්වෝකර්ගේ ඊමේලයෙනි.පැරණි වාහන ආසන පටියකින් සෑදූ ආරක්ෂක බඳ පටිය පැලඳිය යුත්තේ කබායට පිටිනි. salvaged from the scrap yard should be worn over the jacket.

It’s not easy for a prospective wheel bay stowaway ය රෝද කුටීරෙ හැංගිලා යන කෙනෙකුටත් සාමාන්‍යයෙන් ගුවන් තො‍ටුපලක තියෙන දැඩි ආරක්ෂාව අස්සෙන් වැටෙන් රිංගලා, හොරෙන්ම ඇතුලට පැනගන්න එක ලේසි වැඩක් නෙවෙයි. නමුත් ගුවන් තො‍ටුපොල ආරක්ෂාව ලෝකෙ හැම තැනකම එකම ආකාරය නෙවෙයි. ඉතින් හුඟ දෙනෙක් කරන්නේ, කලින්ම ඇතුලට පැනලා, හැංගිලා ඉඳලා, ප්ලේන් එක ගුවන් ගතවෙන්න මොහොතකට කලින්, දුවලා එල්ලෙන එක. උඹලෑ රටේ නම් ආරක්ෂාව කොහොමද මම දන්නේ නෑ, ඒ කොහොම වුනත් ඕක නම් මහම පිස්සු වැඩක් කියලා කිව්වෑකි.  Still, it is a mad scheme to try.

Carlos glanced at his cheap digital  කාලෝස් සිය බාල වර්ගයේ ඩිජිටල් අත් ඔරලෝසුව දෙස නෙත් හෙලීය. ගුවන් යානය මේ වෙන විට මෙතැනට පැමිණිය යුතුය. ගුවන් තො‍ටුපල පර්යන්ත ගොඩනැගිලි  සහ වාහන වලින් නැගෙන දැඩි ආලෝකය නිසා ඇස් කුඩා කල කාලෝස් ඈත ගුවන් තො‍ටුපලේ සිදුවන දෑ  නිරීක්ෂණය කලේය. අර පෙනෙන්නේ ගුවන් යානා අදින  ටෝ ට්‍රැක්ටරය ගුවන් යානය පසු පසට තල්ලු කරනවා නේද? 

ඉන් අනතුරුව ගුවන් යානාව ස්වාධීනව සිය එන්ජින් බලයෙන් උපයෝගී කරගෙන ධාවන පථය දෙසට ලැසි ගමනින් එන බව සහතික කර ගැනීමට ඔහු තවත් දෑස් කුඩා  කලේය. the plane actually started to taxi towards the runway under its own power.

It’s no wonder so many තින් කාලෝස් උෂ්ණත්වයවත්, පීඩනයවත් පාලනය නොකල, ඔක්සිජන් සැපයුමක් නැති  ගුවන් යානා රෝද කුටීරයක හැංගිලා යන හුඟ දෙනක් ගුවන් ගාස්තුව ගෙවන්නෙ ජීවිතයෙන් කියන එක පුදුමයක් නෙවෙයි නේද? landing gear compartment with no oxygen supply,  with their lives.

The Boeing 777 taxied slowly towards the end of the runway බෝයිං 777 යානය ටැක්සි මග ඔස්සේ, ධාවන පථයේ කෙළවර කාලෝස් සැඟවී සිටි ස්ථානය අසලට ලැසි ගමනින් පැමිණියාය. කාලෝස් මල්ල විවෘත කර සිය ආම්පන්න පිටතට ගත්තේය. කෘතිම සමින් නිමකල ඝන කබාය ඇඟලා ගැනීමට පෙර, ඔහු  සමින් නිමැවූ කලිසම, එකක් මත එකක් හැඳ සිටි රළු ඩෙනිම් ජීන්ස් දෙකට උඩින් ඇඳගත්තේය. තරමක් අසීරුවෙන් සිzපරය වසාගැනීමෙන් අනතුරුව, උණුසුම් අත්වැසුම්ද ලා ගත් ඔහු, අවසන් වශයෙන්, ආසන පටියෙන් සාදාගත් ආරක්ෂිත පටිය ඉණ වටා පළඳා ගාංචුව සවිකර ගත්තේය. තැඹිලි පැහැ මෘදු රබර් කන් ඇබ කන් සිදුරු වලට ඇතුරු කිරීමට පෙර, පහන් තිර සේ ඇඟිලි වලින් අඹරා ගැනීමට ඔහු කල්පනාකාරී  විය. ear plugs and rolled them  into thin wicks before inserting them deep into his ears.

DSCN8302 - CopyThe rumble of the Boeing 777’s powerful engines changed the note as it slowed up.  බෝයිං 777 යානයේ වේගය අඩුවෙත්ම,  බල සම්න්න ජෙට් එන්ජින් වල ගෙරවුම් හඬ බාල විය.  කාලෝස් සැඟවී සිටි ස්ථානයට මඳක් ඔබ්බෙන් වූ ‍රැඳවුම් ස්ථානයේ නැවැත්වූ යානය, ගුවන් යානා  පාලක කුළුනෙන් ගුවන් ගත වීමට අවසර ලැබෙන තෙක් බලා සිටියාය. කාලෝස් පුල පුලා බලා සිටි අවස්ථාව එලඹ ඇත.  for the clearance from the control tower. It was now or never.
 

The stowaways usually hide nearby the end of the runway where the aircraft would taxi to, සාමාන්‍යයෙන් හුඟ දෙනෙක් කරන්නේ, අහස්යාත්‍රාව හෙමිහිට ධාවන පථයේ කෙලවරට ඇවිත් ආපහු හැරිලා පාලක කුළුනෙන් අවසරය දෙනකල් නවත්තාගෙන බලා ඉන්නතැන කිට්‍ටුව හැංගිලා ඉන්න එකයි. නැතිනම් ගුවන් තො‍ටුපලේ සැලැස්ම අනුව, යානය ටැක්සිවේ එකේ ඇවිත් ධාවන පථයට ඇතුල්වෙන්න කලින් නවත්තාගෙන ඉන්න නියමිත තැනක් කිට්‍ටුව වැහි වතුර බැහැලා යන්න හදලා තියෙන කාණුවක වැතිරිලා ඉන්න එකයි. මෙහෙම ඉඳලා දුවලා ගිහින් රෝදෙට නැගලා, රෝද කුටීරය ඇතුලට රිංගනවා. stowaway would run and mount the landing gear and haul himself into the wheel compartment.

DSCN8273
Carlos looked around. The coast was clear. කාලෝස් අවට බැලීය. කිසිවෙකු පෙනෙන්නට නැත. ඔහු සිටියේ යානයේ පසුපස නිසා නියමු කුටියේ කවුලුවලින් නියමුවන්ගේ හිස් හෝ යානයේ බඳේ කවුලු වලින්  ඔහු දෙස එබී බලන මගියෙකුගේ හෝ මුහුණු කිසිත් නොදිටීය. “මට ඔහුව නොපෙනේනම්, ඔහුටද මා දැකිය නොහැක” යන ඔහුගේ පියාගේ කියමනක් කාලෝස්ට සිහිපත් විය. වහා නැගීසිටි කාලෝස් ගුවන් යානයේ යෝධ රෝද කට්ටලය වෙත වේගයෙන් දුව ගියේය. He sprang to his feet and raced towards the giant undercarriage.
DSCN0415 - Copy
කාලොස්ගේ ඉරණම කුමක්වේද.?
දෙවන කොටසින්.

ඔබට එතෙක් බලාසිටිය නොහැකි යයි හැ‍ඟේ නම්, දෙවැනි කොටසේ ඉංග්‍රීසි මුල් පිටපත කියවීමට HeyDude බ්ලොග් අඩවියට මෙතනින්.

මෙම ලිපියේම ඉංග්‍රීසි මුල් පිටපත රස විඳීමට HeyDude බ්ලොග් අඩවියට මෙතනින්.ඉංග්‍රීසියට හොර, මගේ කම්මැලි සහෘදයන්ගේ ඉල්ලීම නිසාම 😀 අමාරුවෙන් සිංහලට නැගුවත්, මුල් පිටපතින් ලැබෙන වින්දනය මෙයින් ලැබේදැයි මට නම් සැක සහිතය. අවම වශයෙන් මෙය  කියවා, ඉන් පසුව මුල් ලිපිය කියවා,  ඔබම වෙනස වටහා ගන්න.
P.S:

This is the blog post I took the longest to compose. If you just check the last countdown post I published as a prologue to this, you would understand what I mean. It was published on February 28th.  I started writing this even before that. Obviously, it took so much research as I wanted to be as accurate with facts as possible.I also would like to thank my children  Hirusha and Hiruni, my wife Deepa and the fellow bloggers Senna and Chams who kept reminding me of this post ever since the countdown post was published.

References:






Originally published @ HeyDude in English Language.
Simulblogged @ මට හිතෙන හැටි WordPress Lovers.

 

ටැග: , , , , ,

134.මා මෙතෙක් ලියූ අසීරුම බ්ලොග් ලිපිය. The Flight Beyond All Hope!

134.මා මෙතෙක් ලියූ අසීරුම බ්ලොග් ලිපිය. The Flight Beyond All Hope!

The jet is soaring high…ඉහල අහසේ පියඹන ජෙට් යානාවෙ මම ඉඳගෙන ඉන්නේ, ඕනෙම වාහනයක මගේ ප්‍රියතම අසුන වන කවුළුවක් අසලයි. ඉදිරි අසුනේ ඇන්දේ සවිකර ඇති LCD තිරය වෙත මගේ දෑස් යොමු වෙනවා. මුහුදු මට්ටමේ සිට උස අඩි 37000 යි. යානයෙන් පිටත අහසේ උෂ්ණත්වය සෙල්සියස් අංශක සෘන 37යි. (-37˚C). ජනෙල් කවුලුවෙන් පිටත බලන මගේ ඇස ගැටෙන්නේ, වායුගෝලයේ ඇති කැළඹුමට හසුව ගැහෙන ගුවන් යානාවේ ත‍ටුව. මේ මොහොතේ ගුවන් යානාවෙන් පිටත සිටින ඕනැම කෙනෙක්, ඔව්, සුපර්මෑන් වුනත් සීතලෙන් මිදිලා මියයනවා සිකුරුයි…even the super man would have frozen to
death.

Suddenly, I think of the ‘Drama In real Life’ story… මම වසර ගණනාවකට පෙර, රීඩර්ස් ඩයිජස්ට් සඟරාවක කියැවූ, ගුවන් යානාවක රෝද කුටීරය තුල සැඟව වෙනත් රටකට පළායන ළමුන් දෙදෙනෙකුගේ සත්‍ය කතාවක් මගේ හිතට එන්නේ නිතැතින්ම.

The landing gear bay or the undercarriage compartment or wheel well, whatever you call it is neither heated nor pressurized.. ගුවන් යානාව ගුවන් ගතවූ පසු හැකිලී ඇතුලට එන රෝද තැන්පත්වීමට ඇති කුටීරය වායුගෝලීය පීඩනය රඳවාගැනීමක් හෝ ඔක්සිජන් සැපයුමක් හෝ නොමැති තැනක්. එවැනි තැනක ඔවුන් දිවි‍ රැකගත්තේ කොහොමද? ගෙදර ගිය විට මගේ පැරණි රීඩර්ස් ඩයිජස්ට් සඟරා එකතුව අවුස්සා ඒ ලිපිය නැවත කියවා බැලීමට මම හිතාගන්නවා. මට ඒ කතාව ඇසුරෙන් මගේ ඉංග්‍රීසි සිංහල බ්ලොග් දෙකටම කතාවක් ලියන්නත් පුලුවන්!… Well I can blog it in HeyDude and My Blue Jeans.

What I discovered later, when I Googled ‘wheel well stowaway’… මා පසුව ගූගල් ආධාරයෙන් අන්තර්ජාලයේ සැරි සරා සොයා ගත් තොරතුරු වලින් මම ඉමහත් විශ්මයට පත් වුනා.

ඇත්තෙන්ම එවැනි දෙයක් කර තිබුනේ ඒ ළමුන් දෙදෙනා පමණක් නෙවෙයි!

ගුවන් යානා රෝද කුටීරයේ සැඟවී ගමන් කිරීමේ වාර්තාගත ඉතිහාසය 1947 වැනි ඈත කාලයක් දක්වා ඈතට දිව යනවා. එවක් පටන්, වරින් වර, පුද්ගලයින් 96 දෙනෙක් ගුවන් යානා 85 ක රෝද කුටීර තුල සැඟවී ගමන් කර ඇතත් ඉන් 73 දෙනෙක්ම ජීවිතක්ෂයට පත් වෙලා! දිවි ගලවා ගත්තේ 23 දෙනයි. මොවුන්ගෙන් ලාබාලතමයාගේ වයස අවුරුදු නවයයි. වරක් අයෙක් අඩි 39,000ක් ඉහලින් ගමන් කල ගුවන් යානාවක සැඟවීත් දිවි ගලවාගෙන තිබුනා…survived the cruising altitude of 39,000ft.

Please standby for henryblogwalker original.

Flight Beyond All Hope!

Coming up next…

DSCN7929

ඔබ ඔය කියෙව්වේ මම පෙබරවාරි 28දා HeyDude බ්ලොග් අඩවියට ලියූ පෙරවදනයි. ඒ වන විටත් සෑහෙන දුරට වැඩ අවසන් වී ඇතැයි මා හිතාහිටි ලිපිය මා සිතූ තරම් ඉක්මනින් පළ කිරීමට නොහැකි වුනේ එය ඒ තරම්ම සංකීර්ණ, දුෂ්කර ලිපියක් බැවිනුයි.

මෙය සිදුවීම ප්‍රබන්ධයක් වුවත්, මෙහි දක්වා ඇති දත්ත සත්‍ය ඒවා වියයුතු අතර, කතාව හැකි තරම් සත්‍යයට සමීපවන අයුරින් නිමැවිය යුතු බව මම සිතුවා. ප්‍රමාදයට හේතුව එයමයි.

මේ ලිපියට කුමක් වීදැයි විපරම් කල මගේ දරු දෙදෙනාටත්, බිරිඳටත්, බ්ලොග් සහෘදයින් වන සෙන්නාටත් චාම්ස්ටත් මගේ ස්තුතිය.

ඔබ ඉංග්‍රීසි බසින් එය කියවීමට අකමැත්තක් නැත්නම්, දැන් මේ ලිපිය කියවීමට ඔබ තව දුරටත් බලා සිටිය යුතු නෑ.

ඒ ලිපිය පළවුනා.

ඔබ කලයුත්තේ පහත සබැඳිය මත ‘ක්ලික්’ කිරීම පමණයි. සැබැවින්ම මෙවැනි තාක්ෂණික කරුණු ලිපියකට වඩාත් ගැලපෙන බසද ඉංග්‍රීසිය බවද කිව යුතුමයි. මේ දැන් ඔබ කියැවූ ලිපිය සිංහලට නැගීමේදීත් මම නව අත්හදාබැලීමක් කලේ ඒ බව ඔබටම වටහා දෙන්නටයි.

සමහරවිට මෙය ශ්‍රී ලාංකික රචකයකු මේ තේමාවෙන් (aviation topic) නිමැවුමක් කල පළමු අවස්ථාව වීමට ඇති ඉඩ කඩද බොහෝමයි.

එහෙනම් මෙන්න සබැඳිය.

Flight Beyond All Hope. Part 1. Dude’s Originals.

??????????

 

ටැග: , , , ,